KAHBHAO 6:6 - DAÜLANGPÜ LAIHING (BSI)

⁶ Kahdoknyülei büpai hangku lingei tuhpü nangkü Shembüpa mongshang, hatü büpalei mong kü tüngteke.

KAHBHAO 6:6 Referans Kwoze

ISAIAH 63:10

Shejao jomi büpa khüei yaong, hatü büpalei Laangha Daülangpü mongmanghü; Hanangkü büpa jomei vepa leipeih, hatü büpai jom khüei hokpeih.

1 SAMUEL 15:11

“Saul ong vaihüpü nangkü ngei mong bhagei deihnyüke, mehenangkü büpai ngei epükei nedüki ngei toueipü lepdaiteke” shei e. Samuel longi mongshih, hatü vangnyak büpai Shembüpa kü len.

EPHESIA 4:30

Angei leipü nyih shingvaishi am kü füoshang shüngpü Kahvang Laangha Daülangpü mongtemanghü.

HEBREW 3:10

Hanangkü ngei hapa hühihathü kü mongshihpeih, hatü ‘Jomei mongdang düngei lemnyong kü dainyüke, hatü jomi ngelei lemthü nenying’ shei ngei epeih.

1 SAMUEL 15:29

Büpa üpa Israel amei Müknyinshekhang, büpai shahshem ne-enyih, nevaijü büpai mong nejeinyih; mehenangkü büpa mong leihen mü büpayü shennyak nevaipih” shei e.

2 SAMUEL 24:16

Mechem vangsho phongshani Jerusalemao mangtüknüng shei lak nopa, nanglakthü dipü eeyei Shembüpai mong yeiya hatü nanglakthü hanghihüpü vangsho phongshanthü kü, “Hajük-üng! Amphongei lak leilangtuh” shei e. Shembüpalei phongshanthü ha hepak kü Jebus am Araunahlei hah tenshingei nyu.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

JONAH 3:10

Mechem Kahvangi jomi dükpü hatü mekei jomei mang lemthü kübü mong leppü eepa, büpai büpalei mong yeiya, hatü büpai dükhen shei tempü hanghi jom kü neshuoh.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

MÜLANGPÜ 32:14

Hahepak kü Shembüpai laophülei nanglakthü kü koei peihen shei tempü shanghah neshuohhen mong leiteke.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

JEREMIAH 26:19

Judah am Hezekiah ongpa nevaijü Judah ami ha tata kü Mikah jüla? Hezekiah-i Shembüpa kü nenyem hatü büpa bampü neyemangpü je? Büpai koei peihen shei jom khüei epü shanghah vongshüh neshuohhen Shembüpalei mong neyeiyaangpü je? Shejao jeni jen nyingkü shanghah vongshüh koei peihahnyu khih!

1 SHÜPPÜKENGPÜ 21:15

hatü Kahvangi Jerusalem am mahtükhen vangsho phongshan hük shom. Vangsho phongshani hapa dou dükei nyushingkü Shembüpai hapa lomoh aühaü pongpü eeyei mong kü tüngei vei, hatü hapa nanglakthü jüpü vangsho phongshan kü, “Hajük-üng! nüngei lak teno” shei e. Vangsho phongshan hahepak keyü Jebus am Araunahlei hahten shingei yaongshi nyuteke.

ISAIAH 48:18

Ngelei shahkungthü kü ammi mong shuohlangmeyü, moihiman, nyiushemmei yungyen keiha yenkeihah shepeih, hatü am aokpü dangpeyü yungnyü lahao kei peikühah shepeih.

MENVIH KESHO 106:45

Jomei men kü büpai büpa vangtükpü deih-ei dangpeih, hatü büpai bampü shangshi bampü hupeih.

1 SAMUEL 15:35

Samuel mangdi thahshi büpa nangkü mongshangei deihlangmao Samueli Saul mü nepongtei. Saul Israel amei ong vaipü nangkü Shembüpai mongmangei deih.

SHAHKÜP 32:36

Shembüpai laophülei nanglak dah shakhühen, Mechem jom wong kemhen, aa nevaijü bümei hükao ne-aoi wong kemdaipü büpai eehenshang, Shembüpai laophülei nanglak kü phahjihen.

SHAHKÜP 32:29

Jom paoh kon kohlangmeyü jom dohpütenpü mekei nyuhen hapa yao-aokhen vaipeih.

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

HEBREW 3:17

Hatü üam kü büpai vangbong pinyi thahshi mongshihpa? Hathüyü mang thahtü jahpanei dipüthü nevaipü je?

MALAKI 3:6

Ngeiyü Shembüpa, ngei nejeileinyih. Hanangkü, Oh Jakobei hühihathü, ngei am nemahtükpih.

HOSEA 11:8

“Ephraim, mekei etü ngei nüng tuhphongaokhen? Oh Israel, mekei etü ngei nüng yakphongaokhen? Ngei Admah am kü dükshuohpü keiha ngei mekei etü am kü dükhen? Zeboiim am kü nopükei mekei etü ngei am kü nohen? Ngelei mongi ha nedükhükahen, ngei am kü ahshi-üng bamnyüpeih.

MENVIH KESHO 119:158

Ngei hingnelempüthü kü nelümi veihahnyeih; mehenangkü jomi nüngei shahkungthü nedüknyu.

MENVIH KESHO 110:4

Shembüpai ha lahteke, hatü büpalei mong neyeiyahen, “Nüngü Melkizedek aimü düngei ngongpa vaihen.”

MENVIH KESHO 95:10

Bong pinyi thahshi ngei ha hühihathü tuhphongpeih, hatü “Jomü mong nyongnyongi lüdaipü nanglakthü, hatü jomü ngelei lem nenyingpüthü” shei epeih.

MENVIH KESHO 81:13

Oh ngelei nanglakthüi ngelei shah danlangmeyü, Israel ami ngelei lemthü kü kamlangmeyü

MENVIH KESHO 78:40

Meshükpa jomi jahpanei büpa khüei yaong, hatü büpa mongshanghüpa!

ROM SHAHSHA APPÜ 11:29

mehenangkü Kahvangei thintho hatü büpai nyükpü yahlangnüng neaok.

KAHBHAO 6:7

Hanangkü Shembüpa i, “Kahdok shak kü ngei lingpü hangku, kahdokei kamteipü yemhimakthü hatü shangouthü thitei yaktükhen hih– ngei hathü lingpü nangkü ngei mongshangnyüke” shei e.

JEREMIAH 18:7

Hepak jiüjiü hük kü ngei jat hük nevaijü ongching hük bhitükhen, vütükhen, mangtükhen shei ejü,