KAHBHAO 6:5 - DAÜLANGPÜ LAIHING (BSI)

⁵ Kahdoknyülei nyupü hangkulei mang ahshi longshi khih, hatü düngei jomei mongei ten mon deihnyüke shei Shembüpai veiteke.

KAHBHAO 6:5 Referans Kwoze

MATHI 15:19

Mehenangkü mongdang kübü mang chudeih, jüpü, mükbongjuyung, iyjeiphailei, gühpü, shahshem denpü hatü lueilempü vamnyeih.

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

CHONGVENBÜ 9:3

Peü kü aihük lashüh-i beannyüke, hatü vanghenyü phangkü vampü peü kü hayü mang. Nyeinya vaishi, peüei mongdang kü mangi maei nyüke; jom yemmü nyupü thahshi jomei mongdang kü ngapüyoipü nyüke, hatü hapheikü jom didaikemnyüke.

CHONGVENBÜ 7:29

Hapa mon ngei dangaokpeih: Kahvangi hangku kangshangi lingteke, shejao hangkui laophü nyingi bukeishaanei leidaiteke.”

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

MENVIH KESHO 53:2

Kon kohpü hükao nyüla, Kahvang yempü hükao nyüla shei Kahvangi hangku kü vangsho leipü veinyüke.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

EZEKIEL 8:9

Büpai ngei kü, “Mongei shüei jomphongi dükpü nemeipü hatü jiühitbenüng douthü kü veihümao” shei e.

KAHBHAO 13:13

Shaang Sodom amü ahshi nemei, hatü Shembüpa khüei mang longi thah.

EZEKIEL 8:12

Hahepak kü büpai ngei kü, “Shennyak ha, Israel am behethüi vangnyak kü laophü laophülei lajei tuhpü vaümchongei mehe düknya ha nüngi eela? shei e. Shembüpai jen ne-eenyih; Shembüpai hapa kahdok betüktih” shei jomi enyüke.

KANDOK 6:18

Nemeipü küpjan tempü mongdang, mang lemei shülangpü la;

SHAHKÜP 29:19

Shinnyih hamü omei nyupü üpaiyao hapa lappü dantüktü laophülei mong vaanei, ngei mongpü lem kü longteijao meihen shei tedeih. Hapai am nemeipü hatü meipü peü aihük mü lomohhen.

JOB SHAHSHA APPÜ 15:16

Shejema mekei etü hajük maanpü shennyak ten hatü mangi madaipü, yung keiha mang yingpü shennyak daülangi nyuaokhen?

MATHI 24:37

Mehenangkü Noahlei nyih kü keiha Shennyak Ha peipeyao nyuhen.

LUK SHAHSHA APPÜ 17:26

Noahlei nyihthü kü nyupü keiha, Shennyak Halei nyihthü kao nyukahen.

1 PETER 3:20

Hathüyü Noah-i jahas lingpü nyihthü kü Kahvangi nenteiaokei danpü hepak kü ven nedanpüthülei laanghathü nyüke; hapa kü maani mon– shennyak shet mon yung kübü yangteke.

JOB SHAHSHA APPÜ 22:15

Mangthüi kampü lem kü büpa daikahen je?