KAHBHAO 6:13 - DAÜLANGPÜ LAIHING (BSI)

¹³ Hanangkü Kahvangi Noah kü, “Ngei hapa hangkuthü mahtükkemhen hih; mehenangkü kahdoknyü kü hathü homei jüteishangteipai madaiteke. Ngei hingmei hangku hatü kahdoknyü nyiphen dohtükhen.

KAHBHAO 6:13 Referans Kwoze

1 PETER 4:7

Dou peü dohhen yopailei nyüke; hanangkü ammi phoppü men kü am nyingi kenhingei ungei-aeiyei nyutuh.

AMOS 8:2

Shembüpai ngei kü, “Amos, nüngi mehe eenyüke?” shei phe, hatü ngei, “Betjükshüm mühdow hük eenyüke” shei e. Hahepak kü Shembüpai ngei kü, “Ngelei nanglak Israel am shingvaishi dohpü ngoikünyüke; Hajük kü ngei jom neyangpih.

KAHBHAO 7:23

Kahdok shak kü yemmü nyupü hangkuli, yemhamakha, ouhiyüh peü thitei yaktük. Shejao büpa mü jahas mongei nyupüthü mon yangteke.

KAHBHAO 6:4

Hathü nyih kü hatü haphei kao Nephilim am hapa kahdoknyülei nyu. Mechem Kahvang hathüi hangkulei yiükhathü touei peipa, jomi hathü mü hapeüthü büh. Jomü aivang mebü hampa hatü bümlong wong kohpü men-e shennyakthü nyuteke.

HEBREW 11:7

Hinglempai Noah-i ne-eejao peikahen vongshüh nang Kahvangi shahvüng shuohpü nangkü hapa shahvüng kü dhüm shuoh-ei jom shem yanghen jahas hük ling; ha homei büpai kahdoknyü nyonghü hatü hinglempai daülangshemshepülei mükjüp leiteke.

JEREMIAH 51:13

Yungnyü yungha longi nyupü, hatü mop longi angpü kahmük; Am kü dohpütenpü hatü am mahhen hepak ngoiteke.

KAHBHAO 49:5

Simeon hi Levi nyiyü cheihinaü nyi, Jijilei phunglangü iy-aongmashahen phunglang.

KAHBHAO 6:14

Hanangkü nüngi am shing pü meipü yah-ei Jahas hük lingtü halei dung lingtuh, hatü shakhimong kü müh-i shaoktuh.

KAHBHAO 7:4

Nyih nyet mongkü ngei kahdoknyülei nyih pinyi ya pinyi vang keiphahen, hatü ngei lingpü lemphü hapa kahdok shak kübü thittükhen” shei e.

KAHBHAO 7:21

Kahdoknyülei nyupü yemhimak, ouhiyüh hatü hangkuli peü mahkem.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

ISAIAH 34:1

Yopailei peikei, Oh jatthü, hatü bangtuh; Oh shennyakthü kenhingtuh! Kahdoknyü hatü halei nyupüthü peü, kahdoknyü hatü haleipü vampüthü peüi bangtuh.

AMOS 3:7

Hingmei, Shembüpai büpalei küpjan büpa chongphopü thibüthü kü ne-epheikü meheyao nedüknyih.