KAHBHAO 6:11 - DAÜLANGPÜ LAIHING (BSI)

¹¹ Shaang Kahvang touei kahdoknyü-ü mang monha jüteishangteipai maei nyu.

KAHBHAO 6:11 Referans Kwoze

EZEKIEL 8:17

Shembüpai ngei kü, “Oh Shennyak ha, nüngi ha eela? Judah am shingvaishi jomi shaang dükpü jiühitnalaipü dou-ü nemeipü dou nevaipü je? Jomi nedoh-i kahdok kü üpteilenteipü mahühen, hatü nedoh-i ngei mongshihhühen je? Jomei shong kü püthang deüpü kü veihümao.

HABAKKUK 2:8

Mehenangkü ammi jatthü longi leipü aetei yahteke, aoei nyupü shennyakthüi am leipü aetei yahlangphahen. Mehenangkü ammi hangkunyü kü iy yenhüteke; Ammi kahmükthü, chingnyüthü hatü halei nyupüthü mahtükteke.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

ROM SHAHSHA APPÜ 2:13

Mehenangkü shahkungnyü danpüthü Kahvang touei daülangpü nevai, shejao shahkungnyü noteipüthü dahshakhen.

EZEKIEL 28:16

Mechem bhei leih-ei mop longi bongpüshang, jüteishangteipai maei mang thahpeih. Hanangkü nüngü nedaüpü dou keiha Kahvangei kahshang leipü yaktükpeih, hatü nyangnyangpü yaong kübü cherub phongshani nüng changtükpeih.

ISAIAH 60:18

Depülaopü nevaijü lomoh aühaü, benpülangpü jung ammei kahmük konmong kü nedanhen, shejao ami ammei bham kü Yemleipü hatü ammei penyüsha kü Menvih shei nyükhen.

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

HABAKKUK 2:17

Mehenangkü ammi Lebanon kü nemeipü dükpü nangkü am kao dükphahen; hatü ammi yemhimakthü jütükpü nangkü am nyemhühen. Mehenangkü ammi hangkunyü iy yenhüteke; ammi kahdoknyü mahtükteke; Chingnyüthü hatü halei nyupüthü jütükteke.

HABAKKUK 1:2

Oh Shembüpa, meshükpa ngei nüng kü sheühpü yüei lenhenang? hatü nüngi ha nedani nyuhenang? Nevaijü “dehilao nyüke” shei nüng kü nyükpeih, shejao nüngi neyanglang.

JEREMIAH 6:7

Yungkuk hüki yung meishi tuhpükei, pinnyüi pinnyülei mang jungei tuhnyüke; Depülaopü, benpülangpü mon pinnyü toueiyü dannyüke; tüngpüaipü hatü ma yahteipü mon pinnyü touei dannyüke.

MENVIH KESHO 140:11

Lueilempüthü hapa kahdok kü chongwongei tenyuhü; mangi nemeipüthü lomi mahtükhütuh.

MENVIH KESHO 55:9

Oh Shembüpa, jomei ehishei peü nepongpaü-i leitüktuh; mehenangkü ngei chingnyülei iy-aongmasha, dehilao eenyüke.

MENVIH KESHO 11:5

Shembüpai daülangpüthü hatü nemeipüthü kü dokei veinyeih, dehilao kü bampüthü kü büpalei laanghai jiühitnyeih.

KAHBHAO 13:13

Shaang Sodom amü ahshi nemei, hatü Shembüpa khüei mang longi thah.

KAHBHAO 10:9

Büpayü Shembüpai sheühpü homei wong kohpü hampa lei. Hanangkü, “Wong kohpü hampa Nimrod kei khih” shei ehamteke.

2 SHÜPPÜKENGPÜ 34:27

nüngi hapa shing hatü haleipü nanglakthü nangkü nüng mong lepei Kahvang touei maanpü leipü nangkü; nüngi maanpü leiyei nüngei ashakviha shaakei ngei touei theppü nangkü ngeiyao nüngi phoppü dantepih shei Shembüpai enyüke.

KAHBHAO 7:1

Hapheikü Shembüpai Noah kü, “Jahas mongei shütuh, nüng hatü am shem kemei, mehenangkü hapa den kü ngei touei nüng mon daülangi nyüke shei veiaoknyüke.

KAHBHAO 6:10

Noahlei hapeüthü jem nyu: Shem, Ham hatü Japheth.

MÜLANGPÜ 32:7

Hahepak kü Shembüpai Mosa kü, “Nüng chem leituh! Mehenangkü nüngi Ijip leipü müei daipü nüngei nanglakthüi ngei khüei mang thahteke;

SHAHKÜP 31:29

Ngei didaipheikü amphongü yahlak neshiüi tendaihen hatü ngei epü shahkung kübü lepdaihen khih shei ngei nyingnyüke. Ngoikahen nyih kü am kü shanghah peikahen; mehenangkü ammi Shembüpa touei mang dou dükhen hatü ammei laki lingei büpa mongshihhühen.

SHAHPHENBÜTHÜ 2:19

Shejao mechem shahphenbüthü didaikempa, jomi lebü kahvangthü phei müei hathü kü khümei jomei bühipa mao nemeipüba lemnyong kü kam, hatü nemeipü lem, douten yakphonghen jomi nemong.