KAHBHAO 50:17 - DAÜLANGPÜ LAIHING (BSI)

¹⁷ büpai hamphong kü anaü Joseph touei peiyei büpa kü, ‘Hamphongi nüng kü nemei-i düktükpü mang tükshih shei mang lahtuh’ shei lahhen ephopeih. Hanangkü chingmeilemlingei ampalei Kahvang chongphobüthüi pungpü mang tükshih” shei e. Jomphongi mechem ha eshuohpa, Joseph thepteke.

KAHBHAO 50:17 Referans Kwoze

EPHESIA 4:32

Am hüki hük mü bamteituh, hatü bamtei-aungtei mongdang jüktuh, hatü Khrista kü Kahvangi ammei mang tükpükei hüki hükei mang tükteituh.

KANDOK 28:13

Mang jopü shennyak mechemao moihiman nedangpih, shejao üami mang lahnya, hatü ha nedüknya, jomi phahji dangnyeih.

MENVIH KESHO 21:11

Jomi nüng khüei nemeipü küpjan temjao, hatü mang küpjan temjao ha kü aokpü nedanghen.

KAHBHAO 49:25

Nüng kü sheühpeyü ampai vaipü Kahvang, Jeiyong Kahvangi nüng kü vangsho shangpa leipü moihiman, ilangmongei nyupü moihiman, yemhimak hatü hapeü moihimanthü shuohnyüke.

KAHBHAO 45:8

Hanangkü ngei hatouei shompeyü amphongi nevai, shejao Kahvangi shompeih. Büpai ngei peü mü longpü lakchongbü, Pharaohlei shem hatü Ijip kempülei shembü leihüpeih.

JAKOB 5:16

Hanangkü hüki hük shing phopteituh, shejüang am meihen. Daülangpüthüi phoppü kü ngan hatü wong kohshi nyüpeih.

GALATIA 6:16

Üami hapa shahkung kü mühen, hathü mü chingmei, phahji nyute hatü Kahvangei nanglakthü mü nyute.

GALATIA 6:10

Hanangkü hepak mei dangpü nangkü jeni peü kü doumei dükshah; anyei vaishi vaipü shemongshathü kü.

MARK 10:41

Mechem nanglom jom ani ha jung danpa, jomi Jakob hi Johan nyi kü mongshih.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MATHI 18:35

Hanangkü ammi ammei nyahinaü jeihinaü kü mang netükjema, vangsho leipü Opaiyao am peü kü hapakei dükphahen.

MATHI 10:42

hatü üami yung shong hük dangkao ngelei nanglom maanpüthü khongkü hük kü dangkao shuohhenshang, ngei hingmei enyeih, hapa laklei nemahhen.

MATHI 6:12

Hami mih kü mang dükshuohpükei hamei mangao tükshihma.

KAHBHAO 50:20

Amphongi ngei kü nemei-i dükhen deihjao Kahvangi hapayü shinnyih büpai dükpükei shennyak longi yangei tuhhen med kü mei leitü deihpeih.

KAHBHAO 31:42

Ngelei opalei Kahvang, Abraham Kahvang nenyulangmeyü hingmei nüngi ngeiyü lakkong leishihshah shepeih. Shejao Kahvangi ngei ponghahpü hatü ngei nyiueinangei dükpü eeyei meya büpai nüng kü lohpü khihma” shei e.

KAHBHAO 50:16

Hanangkü jomphongi Joseph kü shahjang hük hapakei shom: “Jenei opa didai shekü,

KAHBHAO 50:18

Hahepak kü büpalei cheihinaüthüiyao büpa touei doei lemtü thepei, “Hamphongü nüngei aathü hih” shei e.