KAHBHAO 50:15 - DAÜLANGPÜ LAIHING (BSI)

¹⁵ Sheyü chepa didaiteke shei nyingei Josephei cheihinaüthüi büpa kü, “Jeni büpa kü nejiüpü dükshuohpü nangkü Joseph-i jen kao hapa shongdak lakshing shemhen shei deihshi shiühen hiang?” shei etei.

KAHBHAO 50:15 Referans Kwoze

KANDOK 28:1

Üpaiyao nechangpü kü nemeipüthü nyaidainyeih, shejao daülangpüthü mailang kei monglongnyeih.

MENVIH KESHO 53:5

Halei jom nyempü longpü kü nyuhen, shelei chemao nevampü nyemhihan kü nyuhen. Mehenangkü Kahvangibüpa nenyingpüthülei vangtao haitükhen; jom veühühen, mehenangkü Kahvangi jom yaktükteke.

MENVIH KESHO 14:5

Halei jomi nyempai maei nyuhen, mehenangkü Kahvangü daülangpüthü khong mü omshi nyüpeih.

LEVI 26:36

Üam wüpküpei nyu, hathülei mongdang phenhavunglak kü vanglük lükpü ngeü kü nyemei jomei mong nyemhühen, hatü jom nyaihühen. Jom kü üpaiyao nechangpü kü vepa toueipü nyaipükei nyaihen, hatü jom dohen.

ROM SHAHSHA APPÜ 2:15

Jomei dükhiling homei shahkungnyüi mehe yiü, ha jomei mongdangei nyangei nyüke shei hunyüke, hatü sholi mongdangi hapayü jiüpeih shei denpü shuohnyüke, hatü jomei mongdeih-i hathü kü thaüvaünyüke nevaijü shao khüambakei tuhnyüke.

KAHBHAO 42:17

hatü büpai jom peü nyih jem thahshi khoklatei tuh.

KAHBHAO 37:28

Mechem Midian am bhei leihpüthü peijapa, jomi Joseph shüei kahsha leipü ngaiyei jomphongi büpa Ishmael am kü ngin kukha kü yutük, hatü jomi Joseph Ijiplei yah-ei lüdai.

KAHBHAO 50:14

Chepa mahng vüphongtü Joseph, cheihinaüthü hatü büpa mü chepalei mahng vününg aongpüthü peü Ijiplei nyokei lei.

KAHBHAO 50:16

Hanangkü jomphongi Joseph kü shahjang hük hapakei shom: “Jenei opa didai shekü,

KAHBHAO 37:18

Jomphongi tailei büpa eeyei büpa jomphong yopailei mangngoija-i büpa jütükhen showteke.