KAHBHAO 49:6 - DAÜLANGPÜ LAIHING (BSI)

⁶ Jom shahjo eteipülei ngei ne-omhen, jomei thaihiyu kü ngei hean neyahhen. Mehenangkü jiji mongshihpai shennyak jüteke, hatü jiji-i mongpükei mohohbaongthü kü lapheichah langtükpeih.

KAHBHAO 49:6 Referans Kwoze

KAHBHAO 34:30

Hahepak kü Jakobi Simeon hi Levi nyi kü, “Anjinyi-i hapa kahdok kü nyupü Kanan hatü Perizz am touei ngei jiühitbenüng leihen mü shanghah koei leiküteke; jenü maani mon, hatü jomi jen khüei chemi thaitü jen hahjema, ngei hatü ngelei shem am peü mahdaikemhen khih” shei e.

MENVIH KESHO 26:9

Mangthü mü ngelei yangnyu maoei teyaktük, nevaijü iythüng anpüthü kübü ngei yangtuh.

MENVIH KESHO 16:9

Hanangkü ngelei mong mongongnyeih; ngelei laangha mongmeinyeih; ngelei bümao nyiushemmei kü yangei nyunyeih.

2 KORINT 6:14

Ammi nevaipüthü mü pang hük kü tepaai. Mehenangkü daülangpü hatü mang nyi melei jempa? Nevaijü vangngai-i vangnyak mü melei jempa?

LUK SHAHSHA APPÜ 12:19

hatü ngei ngelei laangha kü, ‘Laangha, bong longi shingvaishi mop changshi tuh-ei nyüke; nyiumeituh, hahtuh, yingtuh hatü mongongtuh’ ” shei e.

JEREMIAH 15:17

Ngei nyipüwapü khong mü ne-om, nevaijü jom mü mongne-ongtei; Nüngei lak vihpü phangkü ngei mon uoteke, mehenangkü nüngei mongshih-i ngei mahüteke.

JEREMIAH 4:19

Ngelei mongshang, ngelei mongshang! Mongdang bhaohen mü tüngnyüke! Oh, ngelei mong kü mongshang! Ngelei mongdang tuknyüke, hatü ngei nenmü nenyuaoknyu. Mehenangkü ngei amit vüngpü dannyüke, hatü thep nyükpü ngei dannyüke.

MENVIH KESHO 64:2

Nemeipüthüi phaüshah showpü kübü, ten dükpüthülei küpjan kübü ngei jolangtuh.

MENVIH KESHO 57:8

Paotuh, ngelei Kahvang! Paotuh, Oh harp hatü lyre! Ngei vanghe aonghühen.

KANDOK 12:5

Daülangpüthülei küpjanü shahhing, shejao nemeipüthülei shahhingü lueilemnyüpeih.

KANDOK 1:11

Jomphongi, “Ham mü daishah; hanei am jühen tapshah; meheyao ten neshiüjao hanei am lomohtükshah;

MENVIH KESHO 139:19

Oh nüngi paoh nemeipüthü jütüklangmeyü, Oh Kahvang, iy yenhüpüthü ngei toueipü yandaihah shepeih.

MENVIH KESHO 103:1

Shembüpa kü moihimantuh, Oh ngelei laangha, ngelei thentoimongdang kempai büpalei daülangpü men moihimantuh.

MENVIH KESHO 43:5

Oh ngelei laangha, nüng mehekei mong maanya? Ngelei mongei mehekei hajük mongshangnya? Kahvang kü monglemtuh; mehenangkü ngei büpa küvihhen, ngelei sheühbü, ngelei Kahvang.

MENVIH KESHO 42:11

Oh ngelei laangha, nüng mehekei mongmangnya? Ngelei mongei mehekei hajük mongshangnya? Kahvang kü monglemtuh; mehenangkü ngei büpa kü vihhen, ngelei sheühbü, ngelei Kahvang.

MENVIH KESHO 42:5

Oh ngelei laangha, nüng mehekei mongmangnya? Ngelei mongei mehekei hajük mongshangnya? Kahvang kü monglemtuh; mehenangkü ngei büpa vihhen, ngelei sheühbü, ngelei Kahvang.

MENVIH KESHO 30:12

hanangkü ngelei mongdang nenmü nenyui nüng kü kesho loknyeih. Oh Shembüpa, ngelei Kahvang, ngei nüng kü düngei menvih shuohhen.

MENVIH KESHO 28:3

Ten dükpü nemeipü shennyakthü mü ngei shüei tedeitük; hathüi mongei ühing lüptü jui mon chingyowthü kü shahmei enyüke.

MENVIH KESHO 5:10

Jomi jomei mang nyemkohah, Oh Kahvang; Jomi deihhahpai jom nyemdohah; jomei mang longi nyupü nangkü jom changtüktuh; mehenangkü jomi nüng khüei yaongteke.

MENVIH KESHO 1:1

Üami nemeipü shennyakthüi shahnying epü lem kü nemü, nevaijü mangthülei lem kü nekam, nevaijü mih kü yaüpülungpü khongkü neom, jom moihimanpü.

SHAHPHENBÜTHÜ 5:21

Kishon yung bhümei jom maoei shanlang, Mokpü Kishon yungnyü büngi jom wong mü maoeishanlang.

SHAHKÜP 27:24

“Laophülei chingyowpa joei jütükpü shennyak kü thaüvaü hettuh.” Hahepak kü nanglak peüi, “Amen!” shei ehen.

JOSHUA 11:9

Shembüpai epükei Joshua-i jom kü dük; büpai vehok koyeithülei laphei chah langtük hatü koyei kharithü aw kü jaktük.

2 SAMUEL 8:4

Davidi jomei koyei khari kü uopü shennyakthü haja hük mü kho nyet, hatü la mü daiyei hokpü veshan haja kukha yepei yah. Büpai koyei khari kho hük mon tuhtü aopü kemei la bhagtükkem.

1 SHÜPPÜKENGPÜ 18:4

Davidi koyei khari haja hük, koyei khari müpüthü haja nyet, hatü veshanthü haja kukha thahshi yepei lei. Büpai koyei khari kho hük mon tuhtü aopü kemei lakhila bhagtükkem.