KAHBHAO 49:4 - DAÜLANGPÜ LAIHING (BSI)

⁴ Yung keiha shing nelingi, nüng hajük kü shongnyü neleipih; mehenangkü nüngi ngelei shinshing dhüm neshiüi sheihtükpeih.

KAHBHAO 49:4 Referans Kwoze

KAHBHAO 35:22

Mechem Israel hapa kahdokei nyupa, Reuben peiyei chepalei yiükphü Bilhah mü shi, hatü Israeli ha dan. Shaang Jakobei yeshangthü jom anpünyi nyu.

1 SHÜPPÜKENGPÜ 5:1

Jakobei hashongpa Reubenei hühihathü. “Mehenangkü Reubeni chepalei yiükphü hük mü mükbongjuyungpü nangkü jeiyongpa heanü Joseph kü shuohtükpeih. Hanangkü bülem itpülei büpayü bühpü aimü jeiyongpa hean kü itei nenyangnyih,

SHAHKÜP 27:20

“Laophülei palei nyüha mü mükbongjuyung dükei üpai laophülei pa veühühenshang, hapa shennyak kü thaüvaü hettuh”. Hahepak kü nanglak peüi, “Amen!” shei ehen.

SHAHKÜP 33:6

Nanglak maani mon vaijao Reuben phang nedi-i yemmü nyute.

1 KORINT 5:1

Amphong khongkü mükbongjuyung, hapayü nevaipü am touei dangkao nenyubenüng dou– shennyak hüki laophülei nyüma mü nyunyüke shei hingshangi shah-om shuohteke.

SHAHKÜP 5:21

Ammi chingyowpalei nyüha kü mük tehüh. Amphongi chingyowpalei bükhishem, kahdok, büpalei aathü, büpalei mohoh, büpalei gaduthü nevaijü büpalei dou mehe kao mük tehüh.

KAHBHAO 46:8

Shaang hathüyü Jakob mü Israel am hühiha Ijiplei müei yiüpüthü nyüke: Jakobei hashongpa Reuben,

2 PETER 3:16

Büpalei lai peü kü hathü aihük jung eyei nyangnyüke. Büpalei laithü kü nyinghen wongpü douthü maani kohshi nyüke; hapayü nenyingpüthü hatü shing nenüngpüthüi laophü mahhen mü Laihing kü jomi dükpükei nyongnyongi lingtüknyüke.

2 PETER 2:14

Jomei mük mükbongjuyungi maei mang kü hüneshemnyu. Jomi shing nenüngpüthü yawh-ei yahnyüke; jomü hahnempü mongdang jükshi nyüke; jomü thaüvaütükpü hashihthü nyüke!