KAHBHAO 49:3 - DAÜLANGPÜ LAIHING (BSI)

³ Reuben, nüngü ngelei hashongpa, ngelei nethe wong kübü vampü hapeü, dhüm kü hatü wong kü peü mü meipü.

KAHBHAO 49:3 Referans Kwoze

MENVIH KESHO 78:51

Büpai Ijiplei hashongpathü peü jütük, hatü Ham amei ashakshemei jomei wong kübü shongpü hapeüthü jütük.

SHAHKÜP 21:17

Büpai nebampü nyühalei ha vaijao büpai angpü mophimo kübü phaihan shingnyi shuohhen vongbong. Shennyak hüki laophülei hashongpa nyinghen vongbong hatü vanglem kü nyupükei büpa kü jeilongpa hean shuohhen vongbong.

MENVIH KESHO 105:36

Büpai jomei kahdok kübü hashongpathü jütük; jomei wong kübü hashongthü ditükhü.

KAHBHAO 29:32

Leah büm nekongi lei, hatü yeshang hük büh. Pinnyüi naü kü, Reuben shei men. Mehenangkü pinnyüi, “Shembüpai ngelei mongshang eepü nangkü hingmei shaangü ngelei bahai ngei kü bamphahen” shei e.

1 SHÜPPÜKENGPÜ 5:3

Jakobei hashongpa Reubenei hapeüthü: Hanokh, Pallu, Hezron hatü Karmi.

1 SHÜPPÜKENGPÜ 5:1

Jakobei hashongpa Reubenei hühihathü. “Mehenangkü Reubeni chepalei yiükphü hük mü mükbongjuyungpü nangkü jeiyongpa heanü Joseph kü shuohtükpeih. Hanangkü bülem itpülei büpayü bühpü aimü jeiyongpa hean kü itei nenyangnyih,

1 SHÜPPÜKENGPÜ 2:1

Hathüyü Jakobei hapeüthü nyuteke: Reuben, Simeon, Levi, Judah, Issakhar, Zebulun,

BHEI-IE 1:20

Vangbong kukha hatü ha dok kübü veshan vaiaokhen shennyakthülei men Jakobei hashongpa Reuben kübü pangei laophü laophülei mükhiphang hatü shemdep aimü hengei nyangteke. Jat Bhei-ie

BHEI-IE 26:5

Jakobei hashongpa, Reubenei hühihathüyü hapakei nyuteke: Hanokh kübü Hanokh am phang; Pallu kübü Pallu am phang;

KAHBHAO 48:18

Joseph-i chepa kü, “Opa, hei nevai! Büpayü ngelei hashongpa vaipü nangkü nüngei lakdahphi-i büpa kü düktuh” shei e.

KAHBHAO 46:8

Shaang hathüyü Jakob mü Israel am hühiha Ijiplei müei yiüpüthü nyüke: Jakobei hashongpa Reuben,

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

SHAHKÜP 33:6

Nanglak maani mon vaijao Reuben phang nedi-i yemmü nyute.

KAHBHAO 35:22

Mechem Israel hapa kahdokei nyupa, Reuben peiyei chepalei yiükphü Bilhah mü shi, hatü Israeli ha dan. Shaang Jakobei yeshangthü jom anpünyi nyu.

KAHBHAO 35:23

Leah-i bühpü: Reuben (hashongpa), Simeon, Levi, Judah, Issakhar, hatü Zebulun.

SHAHKÜP 27:13

hatü hathü jatthüi Ebal Kahshangei yaongtü thaüvaü lenhen: Reuben, Gad, Asher, Zebulun, Dan hatü Naphtali,

EZEKIEL 48:6

Ephraim amei kahdok kü dheanei heongphi kübü heshüphi thahshi Reuben amei kahdok vaihen.