KAHBHAO 49:21 - DAÜLANGPÜ LAIHING (BSI)

²¹ Naphtaliyü mehe kao nenyemi longteipü shaok keiha büpai cheha longi shaannyüpeih.

KAHBHAO 49:21 Referans Kwoze

SHAHKÜP 33:23

Naphtali am nang büpai hapakei eteke: “Naphtali amü Shembüpalei bampai maei nyüke; Jomei kahdok heshüphi kübü Galil shemyung thahshi nyüke.”

KAHBHAO 30:8

Hahepak kü Racheli, “Ngei onya mü mangpü vehok hokpeih, hatü ha ngei neüpeih” shei e. Hanangkü pinnyüi naü kü Naphtali shei men.

SHAHPHENBÜTHÜ 5:18

Shejao Zebulun hatü Naphtali am nanglakthüi thepju kü yangnyu lanei shuohteke.

SHAHPHENBÜTHÜ 4:10

Baraki Naphtali hatü Zebulun jat nyi kübü shennyak haja an nyük, hatü jom büpa phei müei dai, hatü Deborah-ao büpa mü dai.

SHAHPHENBÜTHÜ 4:6

Nyih hük pinnyüi Naphtali kü nyupü Kadesh chingnyü leipü Abinoamei cheha Barak kü nyükei büpa kü, “Shembüpa, Israel amei Kahvangi nüng kü, ‘Daituh, hatü Naphtali hatü Zebulun jat nyi kübü shennyak haja an mütuh, hatü Tabor Kahshang lemei aongei show lingtuh’ shei Shembüpai enyüke shei eteke.”

KAHBHAO 46:24

Naphtalilei hapeüthü: Jahzeel, Guni, Jezer, hatü Shillem.

KANDOK 5:19

Pinnyü-ü bamhüpü, veinyuhüpü shaok keiha nyüke; Pinnyülei amma-i nüng düngei hüshemei, pinnyüi bampai nüng monghamei nyuhütuh.

SOLOMONEI KESHO 2:7

Oh Jerusalem nelathü, ngei am kü phaüei shaok, hatü meishiy lajathü mokpükei wong kohshi enyüpeih. Bamteiaungteihen hepak mangngoi shekü bamteihen mongkü tebongkei.

JEREMIAH 14:5

Phenha neshiüpü nangkü shaoki dangkao cheha yakphongnyüke.

2 SHÜPPÜKENGPÜ 10:7

Jomphongi büpa kü, “Nüngi hathü nanglakthü kü bamjema, jom mongonghüei tuhjema, hatü jom kü shahmei ejema, jomü düngei nüngei chongphobüthü vaihen” shei e.