KAHBHAO 49:10 - DAÜLANGPÜ LAIHING (BSI)

¹⁰ Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

KAHBHAO 49:10 Referans Kwoze

BHEI-IE 24:17

Ngei büpa eenyüke, shejao shaang nevai; Ngei büpa kü veinyeih, shejao yopailei nevai. Jakob kübü litha hük vamkahen; Israel kübü lenshuoh hük vamkahen. Büpai Moab amei mübüthü, hatü Shethlei hapeüthü kemei ngümtükhen.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

MENVIH KESHO 60:7

Gileadü ngelei; Manasseh-ao ngelei; Ephraimü ngelei athen, Judahyü ngelei lenshuoh.

ISAIAH 33:22

Mehenangkü Shembüpayü jenei shahphenbü; Shembüpayü jenei shahkung shuohbü; Shembüpayü jenei ongpa, büpai jen yangphahen.

HEBREW 7:14

Mehenangkü jenei Shembüpayü Judah jat kübü pei, hatü ha jat nangkü Mosai ngongpathü nang meheyao eyei neshiü.

ZEKHARIAH 10:11

Jomi shangpongpü yungching homei daihen, hatü ngei yungching yungmok kü bheihen, hatü chülohpü Nile jepdaihen. Changmeipü Assyria am chongei vühen, hatü Ijip amei wong mahdaihen.

EZEKIEL 21:27

Mangtükhen! mangtükhen! ngei hapa chingnyü mangtükhen! Shejao hapa chingnyü hanghihühen nangkü ngei jepü shennyak mangpei thahshi ha nevamhen. Hapa pheikü mon ngei büpa kü hapa shuohhen.”

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

ROM SHAHSHA APPÜ 15:12

hatü shao Isaiah-i enyüke: “Jesselei tünglang hük peikahen; Kung am kü vanglem lemhen hük vamkahen; büpa kü Kung ami monglemhen.”

JOHAN 12:32

Mechem ngei hapa kahdoknyü kübü shangei anlanghen, ngei laophü touei nanglak peü yahlanghen” shei e.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

JEREMIAH 30:21

Jomei mübü jom khong kübü nyuhen, jomei vanglem lembü jom kübü vamhen. Ngei büpa yopailei heihhen, hatü büpa ngei ngoiyei heihhen, ngei nenyükpü kü ngei touei üpa heihaokhen? shei Shembüpai enyüke.

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

JOHAN 19:15

Jomi lenei, “Büpa jütuh! Büpa jütuh! Büpa shophang kü aptuh!” shei len. Pilati jomphong kü, “Ngei ammei Ongpa shophang kü aphühen je?” shei phe. Ngongpathüi jangei, “Kaisar mü lenei hamei ong neshiüpih” shei e.

MATHI 1:21

Pinnyüi yeshang hük angkahen, hatü nüngi büpa kü, ‘Jisu’ shei menhen; mehenangkü büpai laophülei nanglakthü jomei mang kübü yanglanghen” shei e.

ISAIAH 62:11

Shembüpai kahdoknyü dohpü thahshi hapakei baongteke: “Zion nela kü etuh, veituh, ammei Yemleipüba peikünyüke! Veituh, büpai thintho koei peikünyüke!”

HOSEA 11:12

Ephraim ami shahshemi, Israel phangi lueilemei ngei kü shonteke, shejao Judah am shaang thahshi Kahvang mü kamnyüke, hatü Daülangpü Kahvang kü hinglemnyüke.”

ISAIAH 60:1

Paotuh, Jerusalem, hatü vanghenyü keiha nyatuh, hatü Shembüpalei müknyinshekhang am kü khangnyüke.

ISAIAH 2:2

Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

MENVIH KESHO 108:8

Gileadü ngelei, Manasseh-ao ngelei; Ephraimü ngelei nyiam athen; Judahyü ngelei lenshuoh.

BHEI-IE 21:18

Ongthüi shuohpü yunglok nang, hatü nanglak mübüthüi, Ongthülei veikaoki shopü, hatü jomei lenshuohthüi.” Hapheikü jomi jahpan leipü Mattanahlei layaongei dai,

MATHI 25:32

Jatthü peü büpa touei thaihen, hatü mi yombüi mi khong kübü yumthü khaattükpükei büpai nanglakthü hük kübü hük shei hantükhen,

MATHI 21:9

Büpa shekü kampü hatü phei kü müpü khongi hapakei len: “Hosanna David Ha! Shembüpalei men kü peipüba moihiman! Peü mü shaopüba kü men longtuh.”

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

HAGGAI 2:7

Jatthülei mophimo peü peihen shingvaishi ngei jatthü peü jenhühen, hatü ngei hapa shem müknyinshekhangi mahühen shei Jeiyong Shembüpai enyüke.

DANIEL 9:25

Hapa nyingtuh: Jerusalem lingei leihen ngeükhüam shuohpü hepak mebü thiteiphutükpü ongpa peipü thahshi hapta nyet nyukahen; hapta pejempünyi kü Jerusalem chingshongthü hatü veyomshing ne-yei linghen shejao hapayü shangpong yakyingpü hepak vaikahen.

EZEKIEL 19:14

Hapalei pübümnyü kü aw bah-ei pükao hatü betjük kemei hahtük. Hanangkü hapa kü wong kohpü pübümnyü neshiü ongpalei lenshuoh vaihen nemei-i leidai. Hapayü young kesho hatü hapayü düngei nohampeih.

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

JOHAN 19:12

Hajük mü leitü Pilati Jisu vetükhen khe, shejao Jehoda ami lenei, “Nüngi hapa shennyak vetükjema, nüngü ongpalei küphü nevai. Üpai ong leihünya, büpayü ongpalei vepa” shei e.

JOHAN 18:31

Pilati jomphong kü, “Amphongi büpa müei daiyei ammei shahkungnyü aimü shahphenhahtuh” shei e. Jehoda ami jangei, “Üpaao jühen ham kü wong shuoh-ei neshiüpih” shei e.

EZEKIEL 19:11

Hapalei pükaothü wong kohshi, ongpalei lenshuoh vaihen mü meishi nyuhampeih. Hapayü vangsho yepmei shaoshi peüi hapa shaopü hatü kaohilak ngetpü kü veihampeih.

JOHAN 9:7

büpa kü, “Daiyei Siloam yungyenei paütüktuh” shei e. (Hapa lappü, Deishihpü). Hapheikü büpa daiyei paütüktü mük eeyei shemei lei.

SHAHKÜP 28:57

Mehenangkü pinnyüi joei ammei chingnyüthü shümpü hatü ammei vepathüi am kü hanghihüpü hepak kü hahhen shei deihshi nyüke.

JEREMIAH 33:26

ngei Jakob hatü ngelei chongphobü Davidei hühihathü yaktükhen, hatü ngei Abraham, Isak hatü Jakobei hühihathü shak kü vanglem lemhen büpalei hathü khong kübü hükao nejehen. Mehenangkü ngei jom dahüshehühen hatü jom kü phahjihen.

BHEI-IE 24:19

Jakob kübü vanglem lembü hük vamkahen, hatü nemah-i aopüthüao li hümei mahtükhen.”

2 SAMUEL 7:13

Büpai ngelei men kü shem hük vehen, hatü ngei büpalei ongching ong uoshing den kü chonglingei tuhhen.

2 SAMUEL 7:16

Nüngei shem am hatü nüngei ongching ngei touei denden nyuhen; nüngei ong uoshing den den kü nyuhen” shei e.

1 SHÜPPÜKENGPÜ 12:24

Judah am jom 6, 800

1 SHÜPPÜKENGPÜ 12:39

Hathü shennyakthü peü halei nyih jem thahshi David mü hah-ei yingei nyu; mehenangkü jomei shem ami hahying shomteke.

MENVIH KESHO 60:9

Üpai ngei penyü showtükpü chingnyülei müei daihen? Üpai ngei Edomei müei daihen?

MENVIH KESHO 78:68

shejao büpai Judah jat, büpai bampü Zion Kahshang jeteke.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

EZEKIEL 21:32

Amphongü awbhaong kübü awjung kei nyuhen, ammei kahdokei ammei iy yenhen; hajük kü am deih-ei nedanghen; mehenangkü ha ngei, Shembüpai etepih.’ ”

MIKA 5:1

Ammei veshanthü temtuh, Oh Jerusalem chingnyü veshanthü; mehenangkü jomphongü shümlangteke. Jomi Israel amei vanglem lembüthülei nameen kü nyiamlüngi bheihen.