KAHBHAO 48:7 - DAÜLANGPÜ LAIHING (BSI)

⁷ Ngei mechem Paddan leipü peipa, Rachelü Kanan kahdok lemei Ephrah ngoihen maani taishi nyushi mongkü tüngshi didaipeih, hatü ngei pinnyü Ephrathlei (hayü Bethlehem) aongpü lemei vüphongpeih” shei eteke.

KAHBHAO 48:7 Referans Kwoze

MATHI 2:18

“Ramah leipü ngeü hük, theppü hatü youngpü longi dan, Racheli laophülei hapeüthü shing thepnyüke; jom peü didaipü nangkü pinnyü mong nyiushem nemeinyu.”

KAHBHAO 35:9

Jakob Paddan-Aram leipü leijashingkü shao Kahvang büpa touei vamei moihimanteke.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

1 SAMUEL 17:12

Shaang Davidü Judah kahdok Bethlehem leipü Ephrath am Jesselei cheha nyu. Büpa hapeü jom shet nyu. Hahepak kü Saul-ü ong nyu hatü longi viüdaitü nyu.

1 SAMUEL 10:2

Mechem shinnyih nüng ngei mü yanei leijahenshang, Benjamin amei kahdok Zelzahlei Rachelei mahngchong touei shennyak nyi nüngi ponghen. Jiji-i nüng kü, “Nüngi yemei daipü gaduthü hayü dangteke, hatü ampai hathü nangkü mongneshangnyu, shejao ‘Ngelei hapeü nangkü mehe dükhenang’ shei mongshangei enyüke” shei ephahen.

1 SAMUEL 1:1

Shaang phaüshang kahmük Ephraim leipü Ramathaim-zuphim am shennyak hükei meni Elkanah shei nyu. Büpayü Ephraim am Zuph-ei cheha Tohu, Tohulei cheha Elihu, Elihulei cheha, Jehoramei cheha nyuteke.

RUTH 1:2

Hapa shennyakei menü Elimelekh, hatü chenyühalei menü Naomi hatü yeshang nyilei menü Mahlon hatü Kilion nyuteke. Jomphongü Judah kahdok Bethlehem leipü Ephrath am nyuteke. Jom Moab kahdokei daiyei halei nyu.

KAHBHAO 25:20

hatü Isak bong pinyi nyushi Paddan-Aram leipü Aram am Bethuelei yiükha, Labanei chenaü Rebekah mü shem yem.

KAHBHAO 33:18

Hapheikü Jakobi Paddan-Aram leipü Kanan kahdok Shekhem chingnyülei meishi leiyei ngoi, hatü chingnyü haolei baümtap ve,

KAHBHAO 35:20

hatü Jakobi pinnyülei mahngchong kü shemnyü hük haong; hapa kü Rachelei mahngchong kübü shemnyü shei enyeih, hatü hapa shinnyih thahshi nyüke.

KAHBHAO 48:6

Jiji pheikü angpüthü peü nüngei hapeü vaihen. Jiji kü mükjüp nangkeyü chejeihijei am mü aihük mü men nyanghen.

1 SAMUEL 16:4

Shembüpai mehe e, ha Samueli dük. Mechem büpa Bethlehemei heih-ei ngoipa, ha ching kübü mübüthü nyemei kheüyaki büpa mü pongteinüng peiyei, “Nüngü chingmeivangmei kü-üng peiküpa yo?” shei phe.