KAHBHAO 48:21 - DAÜLANGPÜ LAIHING (BSI)

²¹ Hapheikü Israeli Joseph kü, “Ngei sheyü didaihen khih, shejao Kahvang nüng mü nyuhen hatü nüng shao nüngei bühipalei kahdokei müei leihen.

KAHBHAO 48:21 Referans Kwoze

KAHBHAO 50:24

Hapheikü Joseph-i büpalei cheihinaüthü kü, “Ngei sheyü didaihen khih, shejao hingmei Kahvangi am kü junghen, hatü Abraham, Isak hatü Jakob kü lahpü kahdokei am müei leihen” shei e.

KAHBHAO 46:4

Ngeiyao nüng mü Ijiplei yiükahen, hatü shao ngei nüng müei anhen, hatü Josephei laki dükshi nüng müksho methühen” shei e.

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

KAHBHAO 26:3

Hapa kahdokei kanja nyutuh, hatü ngei nüng mü nyuhen hatü moihimanphahen. Nüng hatü nüngei hühihathü shing hapa kahdok kemei shuohhen, hatü ngei ampa Abraham kü lahpü ha jiühühen.

HEBREW 7:3

Pa neshiü, nyü neshiü, bülem neshiü, yangnyu pangpü nevaijü dohpü nyih neshiü, shejao Kahvang Ha leshi büpa den kü ngongpa hük nyüke.

2 PETER 1:14

Sheyü ngei didaihen lomi ngoikahen shei ngei nyingnyüke, hatü hayü jenei Shembüpa Jisu Khristai lekei ngei kü ephütepih.

HEBREW 7:8

Lemhükei ankhongü didaihen shennyak ngongpathüi thaiteke, shejao Melkizedek nang keyü den kü nyupü hüki Abraham leipü ankhong yahteke shei Laihingi enyüke.

2 TIMOTI 4:6

Ngei shingvaishiyü jakpü moila yiü langpükei leidaiteke, hatü ngelei yangnyu lüdaihen hepak ngoiteke.

PHONGSHANTHÜ DOU 13:36

Mehenangkü Davidi büpalei den kü Kahvangei mükhong dükpheikü büpa di, chebü chepa am mü mahng vü, hatü büpalei büm mahngshalei shedai.

LUK SHAHSHA APPÜ 2:29

Jeiyong Shembüpa, nüngi lahpükei shaang nüngei chongphobü nyiushemmei kü dihütuh.

MENVIH KESHO 18:46

Shembüpa yemmü nyüpeih, Ngelei yaongnyü kü vihtuh! Ngelei Yemleipüba Kahvangei men longhütuh.

JOSHUA 23:14

“Sheyü ngei shaangü didaihen mon aoteke. Shembüpa, ammei Kahvangi am kü lahpü meipü hükao neshai-i dhaümteke shei ammei müki mongi eeteke; lahpü kemei dhaümteke, hükao neshaidaiang.

JOSHUA 3:7

Shembüpai Joshua kü, “Ngei Mosa mü nyupükei nüng mao nyunyu khih shei nyinghen shingvaishi shinnyih ngei nanglakthüi eeshi nüng shangei longei anshihhen.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

KAHBHAO 37:1

Jakobü chepa benha kei nyupü Kanan kahdokei nyu.

KAHBHAO 15:14

Shejao jom aa vaishi chongphopü jat kü ngei hanghi shuohhen, hatü hapheikü jom mophimo longi kotü vamei daihen.

KAHBHAO 12:5

Büpai chenyüha Sarai, chenaüei cheha Lot, büpai thaihahpü mop kemei hatü aathü peü yahhahtü Kanan kahdokei layaongei daiyei ngoiteke.

SHAHKÜP 30:3

Shembüpa, ammei Kahvangi am kü phahjiei deihhen hatü jatthü touei haitükpü amphong thaiyei leihen hatü am dahüshehühen.

KAHBHAO 15:16

Den alipabü kü nüngei hühihathü hatouei nyokei leihen; mehenangkü Amor amei mang shao-üng maei mangaong” shei e.

KAHBHAO 47:29

Mechem Israel dihen hepak ngoipa, büpai cheha Joseph kü nyüktü büpai, “Nüngi ngei kü phahjiei deihjema, nüngei lak ngelei shüngdok shangkü haütuh, hatü bampü huhen hatü shahhing kü dükhen shei lahshih. Nüngi ngelei mangh Ijiplei tevüphong.

KAHBHAO 50:6

Pharaoh-i, “Ampai nüng kü ha dükshih shei lahhüpükei aongei ampalei mahng vütuh” shei e.