KAHBHAO 48:19 - DAÜLANGPÜ LAIHING (BSI)

¹⁹ Shejao chepai ha nemongi büpa kü, “Ngei nyingnyeih, hapeü ngei nyingnyeih; Manassehlei hühihathüao nanglak longi dahen; büpa-ao longpü leihen. Shejao naü-eepa büpa mao longpüba leihen, hatü büpalei hühihathüyü longpü jat leihen” shei e.

KAHBHAO 48:19 Referans Kwoze

SHAHKÜP 33:17

Büpa kü mohohbaong kü kei vaung kohshi nyüke, büpalei vaungü nyayalei vaung kei nyüke. Büpalei vaungü Manasseh am haja haja, hatü Ephraim am haja an kei nyüke. Büpai hapa vaungi jatlithü kahdok dohpü jung thahshi hokhen.”

KAHBHAO 25:28

Esau-i jüpü phaüyem hahpü lümpü nangkü Isaki Esau kü bam, shejao Rebekah-i Jakob kü bam.

SHAKEI VAMPÜ 7:8

Zebulun phang kübü 12, 200, Joseph phang kübü 12, 000, Benjamin phang kübü 12, 000.

SHAKEI VAMPÜ 7:6

Asher phang kübü 12, 000, Naphtali phang kübü 12, 000, Manasseh phang kübü 12, 000,

EZEKIEL 27:10

Persia, Lydia hatü Put am shennyakthüi ammei veshanthü vaiyei chongphoteke. Jomi jomei inyüshung, hatü nyiam athen peü ammei bham kü nyanteke, hatü am kü müknyinshekhang koei peiteke.

ISAIAH 7:17

Shembüpai nüng hatü nüngei nanglakthü hatü ongsha ongshem kemei kü Israel am Judah kübü yanhinüng chemao mangpeipü shanghah koei peikahen– büpai Assyria ongpa müei peikahen” shei e.

SHAHKÜP 1:10

Shembüpa, ammei bühipa amei Kahvangi amphongü vangsho lithathü kei dahüpü khih.

KAHBHAO 48:14

Shejao Israeli büpalei lak anei aitü naü-eepa Ephraim kü büpalei lakdahphi-i dük, hatü hashongpa Manasseh kü büpalei laknyongphi-i shangjing kü düktü,

KAHBHAO 17:4

“Ngei nüng mü vangteipeyü ha hih: Nüngü jat longilei pa vaihen.

KAHBHAO 28:14

hatü nüngei lihilathü molo bhihhiphang kei nyuhen, hatü jomphongü heong heshü apsha pehe peü lemei daei daihen, hatü nüng hatü nüngei lihila homei kahdoknyü nanglak peü moihimanhen.

KAHBHAO 46:3

Hahepak kü büpai, “Ngeiyü Kahvang, ampa amei Kahvang. Nüng Ijiplei yiühen tenyem; mehenangkü ngei nüng jat longpü hük leihühen.

KAHBHAO 48:18

Joseph-i chepa kü, “Opa, hei nevai! Büpayü ngelei hashongpa vaipü nangkü nüngei lakdahphi-i büpa kü düktuh” shei e.

KAHBHAO 25:23

Shembüpai pinnyü kü e: “Nüngei vomei jat nyi nyüke, nüngi bühpü jat nyi laolao yanhen; Hükü hükpa mü wong kohpüba, chejei-i chenaü chongphohen.”