KAHBHAO 48:15 - DAÜLANGPÜ LAIHING (BSI)

¹⁵ Joseph kü moihimanei hapakei e: “Kahvang üpa kü ngelei bühipai chongphopa, Kahvang üpai shinnyih thahshi ngelei yangnyu müpa,

KAHBHAO 48:15 Referans Kwoze

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KOLOSI 2:6

Hanangkü ammi Khrista Jisu Shembüpa yahpü keiha nedoh-i büpa kü yangnyu nyuei,

HEBREW 11:21

Hinglempai didaihen mü nyushi Jakobi büpalei lenshuoh kü shongtü aümei khümtü Josephei hapeü nyi kü moihimanshuoh.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

1 KORINT 10:31

Hanangkü hahjao yingjao nevaijü nüngi mehe mehe dükhenshang, lemphüli Kahvang müknyinshekhang shingvaishi düktuh.

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

JEREMIAH 8:2

hatü jomi bamei chongphoei, ha phei müei, hatü khümei nyupü vanghenyü, lennyü hatü vangsho lithathü kü yeemei tuhhen; hathü üpaiyao thaiyei kahdokei dungei netuhhen, shejao chingyangshongei nühinam yaüpükei yaüshi tuhphonghen shei Shembüpai enyüke.

ISAIAH 33:16

jomphongü yangei shaopü shingei nyuhen, jomei nyushingü yaong penyüsha nyuhen. Jom kü hahying changshi shuohhen, hatü yung netao-i bhashahshi danghen.

ISAIAH 30:21

Mechem laknyong nevaijü lakdah lemei lephenshang, ammei dhaongi am pheikü shah hük, “Lemnyü-ü hapa hih, hapa kü kamtuh” shei eyei danhen.

CHONGVENBÜ 6:7

Hangkui dükpü dou kemei shünyü shingvaishi düknyüpeih, shejao mechemao shümoh meipeih shei neshiü.

CHONGVENBÜ 5:18

Hapayü meipü khih shei ngei eepeih: Kahvangi shuohpü yangnyu nyih shohük mong aa kü shennyak hük shingvaishi hahhen, yinghen hatü laophüi dükpü dou kü hüshemei nyuhen, hapa-üng büpalei lashüh khih shei ngei nyingpeih.

CHONGVENBÜ 5:12

Longi hahjao maani hahjao dou dükpü shennyaki vüngnyangi shinyüpeih, shejao longi angpü shemmeipai mükhet ngoiyei neshinyih.

MENVIH KESHO 37:3

Shembüpa kü hinglemtuh, mei düktuh; shejüang am hapa kahdok kü nyuhen, hatü meishi mongongshi nyuhen.

MENVIH KESHO 23:1

Ngeiyü mi, Shembüpayü mi yombü; Ngei mepaiyao netaohen.

MENVIH KESHO 16:8

Ngei düngei Shembüpa ngei touei tuhnyeih; mehenangkü büpa ngelei lakdah philei nyüpeih, ngei nejenlenhen.

1 ONGPATHÜ 3:6

Solomoni jangei, “Nüngi nüng chongphobü opa David kü yahyang shinshang longi hupeih; mehenangkü büpai nüng kü hinglem, hatü mongdang daülangi hatü laülüki nyu. Nüngi nedoh-i büpa kü bam, hatü shinnyih thahshi hapa ong uoshing kü uohen büpa kü hapeü hük shuoh.

SHAHKÜP 33:1

Hapayü Kahvang shennyak Mosai büpa didaishekü Israel am kü moihiman shuohpü nyüke:

KAHBHAO 49:28

Hathüyü Israel phang anpünyi nyüke, hatü hathüyü chepai jom kü moihimanpü hepak kü jom kü epeih; jom peü kü jom kü jiüpü moihiman shuoh-ei moihimanteke.

KAHBHAO 49:24

Shejao büpalei lahhan jiüshangi, hatü büpalei lak wong kohshi nyüke. Hapayü wong kohpü Jakob Kahvang laki, hatü Mi Yombü, Israel amei Yaongei men kü nyüke.

KAHBHAO 48:16

ngei vongshüh peü kübü yangpü vangsho phongshani hapa naü nyi kü moihimantuh; Ngelei men hatü ngelei bühipa Abraham, Isakei men ha naü nyi homei nyuhütuh, hatü kahdoknyü kü hühihathü longi dahütuh.”

KAHBHAO 28:22

hatü ngei shemnyü vaishi haongpü yaongü Kahvangei shem vaihen, hatü nüngi ngei kü shuohpü lemphü kübü ngei nüng kü ankhong shuohhen” shei lah-ei eteke.

KAHBHAO 28:20

Hapheikü Jakobi, “Ngei daipü yenlem yangkü Kahvang ngei mü nyuei ngei yomjema, hatü hahying shuoh-ei ashakviha owhen yahphüjema,

KAHBHAO 28:3

“Jeiyong Kahvangi nüng kü moihimanhen, nanglak longi dahühen, hatü nanglak khongnyü longpü leihühen.

KAHBHAO 27:4

hatü ngei kü ngei hahhüpükei phai cheütü deikei, hatü ngei dishekü nüng kü moihiman shuohhen hih” shei e.

KAHBHAO 24:20

Hanangkü pinnyüi hapa yung yemhimaki yung yingpü shung kü shih-ei kongtüktü shao yungkukei yiüei utthüi mangmoh thahshi yung shoteke.

KAHBHAO 6:9

Hathüyü Noahlei hühihathü: Noah-ü daülangshemshepü shennyak nyu, hatü büpa hepak kü hangku khongkü eela neshiüpü yangnyu, hatü büpa Kahvang mü kam.

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

MÜLANGPÜ 3:16

Layaongtuh hatü Israel am behethü nyükei thaihütü jom kü, “Shembüpa, ammei bühipa Kahvang, Abraham Kahvang, Isak Kahvang, hatü Jakob Kahvang ngei touei vamei ephopeih shei eyeishuoh: Ngei am kü veishi nyüpeih hatü am kü Ijip ami mehe dükpa ngei nyingei nyüpeih.

MÜLANGPÜ 4:5

“Shembüpa, jomei bühipa Kahvang, Abraham Kahvang, Isak Kahvang hatü Jakob Kahvangi nüng touei shakei vamei hupü khih shei Israel ami nyinghen shingvaishi nüngi hapa düktuh” shei Shembüpai eteke.

1 SHÜPPÜKENGPÜ 5:1

Jakobei hashongpa Reubenei hühihathü. “Mehenangkü Reubeni chepalei yiükphü hük mü mükbongjuyungpü nangkü jeiyongpa heanü Joseph kü shuohtükpeih. Hanangkü bülem itpülei büpayü bühpü aimü jeiyongpa hean kü itei nenyangnyih,

KAHBHAO 24:40

Büpai ngei kü, ‘Ngelei hapeü shing nyüha hük ngelei mükhiphang hatü opalei shem am kübü danghen shingvaishi ngei ven danei kampü Shembüpai büpalei vangsho phongshan nüng mü shomhen, hatü nüngei yendai aokpü danghen.

KAHBHAO 27:27

Hanangkü büpai yopailei heih-ei büpa kü jüp, hatü büpa kü büpalei ashakviha ngü dümteke, hatü moihimanei e: “Oh ngelei hapeülei ngü-ü Shembüpai moihimanpü kah ngü kei khih.

KAHBHAO 35:3

hapheikü peikei, hatü ngei shanghahpü nyih ngei kü jangpü hatü ngei dailem peü kü ngei mü nyupü Kahvang kü moidü hük linghen jen Bethelei aongshah” shei e.

KAHBHAO 49:22

Joseph-ü nyalingngupai keiha; ünyü yangkü betjük jükpü nyalingngupai, büpalei vü bhamba kao banei aongnyüke.