KAHBHAO 48:12 - DAÜLANGPÜ LAIHING (BSI)

¹² Hapheikü Joseph-i jiji chepalei shüngdok leipü yahlangtü büpai büpa touei kahdokei aümei sha.

KAHBHAO 48:12 Referans Kwoze

KAHBHAO 42:6

Shaang Joseph-ü hapa kahdok kü governor vaiteke; büpai kahmük kübü nanglak peü kü hahying yuteke. Josephei chejeihijei amao yiüei büpa touei jomei dhe kahdokei aümei sha.

EPHESIA 6:1

Hashihthü, amphongi Shembüpa kü laophülei nyühipa kü dhüm shuohtuh; mehenangkü ha jiüpeih.

KANDOK 31:28

Pinnyüei hapeüthü longei pinnyü kü, “Moihimanpü nyü” shei nyüknyüke; Pinnyülei chepahaiyao pinnyü kü vihnyüke.

2 ONGPATHÜ 4:37

Pinnyü shem mongei shüei büpalei la tüngei kahdokei aümei sha. Hapheikü pinnyüi cheha mütü vamei dai.

1 ONGPATHÜ 2:19

Hanangkü Bathshebai Solomon ongpa touei Adonijahlei men kü hapa ehen pei. Ongpai chenyü mü pongteihen yaong, hatü pinnyü touei aümei sha, hatü laophülei ong uoshingei uo. Büpai chenyü shingao uoshing hük dei, hatü pinnyü ongpalei lakdah philei uohü.

LEVI 19:32

Viünyü viüpa kü sheühtuh; behe kü dhüm shuohtuh, hatü ammei Kahvang kü nyemtuh. Ngeiyü Shembüpa.

LEVI 19:3

Am peüi laophülei nyü hatü pa kü dhüm shuohtuh, hatü Sabbath themtuh. Ngeiyü Shembüpa, ammei Kahvang nyüke.”

MÜLANGPÜ 34:8

Mosai shülangi kahdokei aümei shatü khüm.

MÜLANGPÜ 20:12

Shembüpa, ammei Kahvangi shuohpü kahdok kü yangnyu shoshoei nyuhen shingvaishi ammei anyü hatü ampa kü dhüm shuohtuh.

KAHBHAO 33:3

Büpa jom shelei shaong, hatü chejei ngoiyaki nyetpa thahshi kahdokei aümei shateke.

KAHBHAO 23:7

Abrahami yaongei hapa kahdok kü nyupü Hit am touei aümei sha.

KAHBHAO 19:1

Hapa vangsho phongshan nyi om mü Sodom ngoi, hatü Lot-ü chingnyü penyüsha touei uoshi nyu. Mechem büpai henyi eepa, büpa yaongei jiji mü pongnüng heih-ei büpalei dhe aümei shatü khüm.

KAHBHAO 18:2

Abrahami ngangei veishingkü büpa yopailei shennyak jem yaongshi ee. Büpai hathü eeyei hathü mü pongteinüng ashakshem shaden leipü mokei heih-ei kahdokei aümei shaei khüm.

KAHBHAO 48:11

Israeli Joseph kü, “Ngei nüngei dhe eehen shei nedeih-angpih, shejao halei Kahvangi ngei kü nüngei hapeüthüao eehüteke” shei e.

KAHBHAO 48:13

Joseph-i jijiphen müei dei; Ephraimü büpalei lakdah philei shejao Israel kü laknyongphi lemei, hatü Manasseh-ü büpalei laknyongphi lemei shejao Israel kü lakdahphi lemei jiüshi büpai müei dei.