KAHBHAO 47:26 - DAÜLANGPÜ LAIHING (BSI)

²⁶ Hanangkü kahdok kü vampü mop phaihan nga kü hükü Pharaohlei vaihen shei Ijip kahdok kü shahkung lingei Joseph-i tuh, hatü ha shinnyih thahshi düknyeih. Ngongpathülei kahdok mon Pharaohlei kahdok nevaiang.

KAHBHAO 47:26 Referans Kwoze

KAHBHAO 47:22

Shejao büpai ngongpathülei kahdok neshak; mehenangkü jomphongü düngei Pharaoh leipü hahying dang, hatü jom shing Pharaoh-i shuohpü hahying changshi nyu. Hanangkü jomi kahdok neyutük.

EZEKIEL 7:24

Ngei jomei shemei angpü mophimothü yah-ei deitükhen shingvaishi peü mü nemeipü jatthü müei peihen. Ngei wong kohpü am changmeipü dohtükhen, hatü jomei daülangpü shingthü sheihtükhen.

KAHBHAO 47:25

Nanglakthüi, “Nüngi hamei yangnyu yangteke. Nüngi ham kü longi phahjipeih; hanangkü hamphongü ongpalei aa vaihen” shei e.

KAHBHAO 14:20

Nüngei lak kü vepathü shuohpü Jaipüba Kahvangei men longtuh.” Hahepak kü Abrami büpa kü lemphü kübü ankhong shuohteke.

KAHBHAO 28:22

hatü ngei shemnyü vaishi haongpü yaongü Kahvangei shem vaihen, hatü nüngi ngei kü shuohpü lemphü kübü ngei nüng kü ankhong shuohhen” shei lah-ei eteke.

KAHBHAO 41:34

Nüngi shao bong nyet kahdok kü bhuh-eilinei angpü hepak kü mop phaihan nga kübü hük thaiyei tuhpü kü veihen lakchongbüthü hanei jetuh.

LEVI 27:30

Kahdok kü vampü laophülei hahying vaijao betjükvungjük vaijao hapalei ankhong hean peü Shembüpalei.

BHEI-IE 18:21

Shembüpai eteke, “Israel ami ngei kü shuohpü ankhong lemphü ngei Levi am kü ashakshemei chongphopü nangkü shuohtüktih.

SHAHKÜP 14:22

Bong ieyei ammei kah kü vampü hahying lemphü kübü ankhong moila hayaoha khaatei tuhtuh,

SHAHKÜP 26:12

Vangbong jempabü ieyei kü ammei lak kü vampü lemphü kübü ankhong moila Levi am, benha, hashihha, hatü vaümnyüthüi moh-ei hahhen shingvaishi moilatuh.

EZRA 7:24

Ammi ngongpathü, Levi am, kesho lokbüthü, pe shaden yompüthü, phopshemei chongphopüthü nevaijü Kahvangei phopshemei dou dükpü lebüthü kü lat yahhen, bom thaihen nevaijü lebü shathai meheyao yahhen wong neshiüpih shei nyingtuh.