KAHBHAO 47:22 - DAÜLANGPÜ LAIHING (BSI)

²² Shejao büpai ngongpathülei kahdok neshak; mehenangkü jomphongü düngei Pharaoh leipü hahying dang, hatü jom shing Pharaoh-i shuohpü hahying changshi nyu. Hanangkü jomi kahdok neyutük.

KAHBHAO 47:22 Referans Kwoze

EZRA 7:24

Ammi ngongpathü, Levi am, kesho lokbüthü, pe shaden yompüthü, phopshemei chongphopüthü nevaijü Kahvangei phopshemei dou dükpü lebüthü kü lat yahhen, bom thaihen nevaijü lebü shathai meheyao yahhen wong neshiüpih shei nyingtuh.

1 TIMOTI 5:17

Behethü üami meishi chongphonya, anyei vaishi chongvenpü hatü nyuhpüvenpü dou düknya, jomphongü lat shingnyi nyeishi danghen shangpeih.

2 THESALONIKA 3:10

Mechem ham am mü nyupa, hami am kü ha shahkung shuohpeih: “Shennyak hüki dou nedükjema, büpa hah-ao nehahhen vongbong.”

GALATIA 6:6

Üami hathü shah nyuhhahnya, hathüi laophülei nyuhbü mü doumei peü hanteihen vongbong.

1 KORINT 9:13

Phopshemei chongphopüthüi phopshem leipü hahying dangnyeih, hatü moidülei chongphopüthüi moidülei moila shuohpü kübü phaihan dangnyeih shei ammi nenyingnyu je?

MATHI 10:10

khoung teko nevaijü bhagthuh nyi, nevaijü lathuh nyi teko, hatü lenshuoh teno; mehenangkü dou dükbüi laophülei hean danghen shangpeih.

NEHEMIAH 13:10

Levi am kao jomei hean neshuohpü nangkü Levi am, kesho lokbüthü kemei laophü laophülei kah yemei Jerusalem leipü leidaipeih shei danpeih.

2 SAMUEL 8:18

Jehoiadalei cheha Benaiah-ü Kereth hatü Peleth am shak kü veihen tuh, hatü Davidei chehathü ngongpathü vaiteke.

SHAHKÜP 12:19

Ammei kahdokei nyupü thahshi Levi am nebetükhen kentuh.

KAHBHAO 41:50

Münghishaü bongthü peishekü On leipü ngongpa Potipheralei yiükha Asenath-i Joseph kü yeshang nyi bühjateke.

KAHBHAO 41:45

Pharaoh-i Joseph kü Zaphenath-Paneah shei men, hatü büpa kü On leipü ngongpa Potipheralei yiükha Asenath mü shem yemhü. Hapa keiha Joseph-i Ijip kahdok kempü kü vanglem lembü lei.

KAHBHAO 14:18

Hahepak kü Salem ongpa Melkizedeki Abram kü aan hatü yiü deiyei shuoh. Büpayü Jaipüba Kahvangei ngongpa nyuteke,

KAHBHAO 47:21

hatü Joseph-i Ijip kahdok jung hük kübü hük thahshi nanglakthü peü aa leihü.

KAHBHAO 47:23

Joseph-i nanglakthü kü, “Shaang ngei amphong hatü ammei kahdok kemei Pharaoh shing shinnyih shaklangteke; hapa sheili yah-ei daiyei kah lingtuh.

KAHBHAO 47:26

Hanangkü kahdok kü vampü mop phaihan nga kü hükü Pharaohlei vaihen shei Ijip kahdok kü shahkung lingei Joseph-i tuh, hatü ha shinnyih thahshi düknyeih. Ngongpathülei kahdok mon Pharaohlei kahdok nevaiang.