KAHBHAO 46:34 - DAÜLANGPÜ LAIHING (BSI)

³⁴ amphongi, ‘Hamü hashih mebü obü opa am kei yemhimak haümpü am hih’ shei etuh. Shejüang amphong kü Goshen shinpülei nyuhen hanphahen; mehenangkü Ijip am shingvaishi mi yompü amü jiühitbenüng dou hih” shei eteke.

KAHBHAO 46:34 Referans Kwoze

MÜLANGPÜ 8:26

Shejao Mosai, “Hammü hapakei dükhenü jiüpü nevaikahen; mehenangkü Shembüpa, hamei Kahvang kü shuohpü jakpü moilayü Ijip am shingvaishi huluh shuohbenüng nyüke. Hami Ijip am touei jomi huluh shuohbenüng jakpü moila shuohjema, jomi ham kü yaongi neshükphahen je?

KAHBHAO 43:32

Joseph hayaoha, jomphongao hayaoha, hatü Ijip am büpa mü hahyingpüthü hayaoha shing hükei hahying; mehenangkü Ijip ami Hebrew am mü hahyinghenü Ijip am keyü chaibenüng nyuteke.

KAHBHAO 46:32

Jomphongü mi yompü am hatü yem haümpü am, hatü jomei mi, mohoh hatü jom angpü peü koei yiüteke shei eshuohhen hih’ shei eteke.

KAHBHAO 37:12

Shaang chejeihijei amü chepalei mithü kü het ühshing Shekhem yopailei heih-ei nyu,

KAHBHAO 45:10

Nüng yiüei Goshenei ngei yopailei nüng, nüngei hapeü hüpeüthü, nüngei yemhimakthü nüngi angpü peü ngei mü nyuhen.

KAHBHAO 30:35

Shejao hapa nyih büpai shahngpü nevaijü ampünyampü yum chebaongthü hatü chenyüthü hatü shola ow kohpü yumthü, hatü mi nyakla kemei yah-ei chehathü kü veihen shuohtük.

KAHBHAO 34:5

Shaang Shekhemi büpalei yiükha Dinah tentükteke shei Jakobi dan, shejao chehathü kemei laophülei yemhimakthü müei kahlei shadaikempü nangkü büpai hathü mangaong thahshi meheyao nedük.

KAHBHAO 13:7

hatü nyeinya vaishi Abramei mi yombüthü hi Lotei mi yombüthü aa kü deyeilaoei nyu. Hahepak kü Kanan hatü Perizz amü hapa kahdokei nyuhamteke.

KAHBHAO 13:8

Hahepak kü Abrami Lot kü, “Ji aa kü hatü jilei mi yombüthü aa kü meheyao dehilao nenyushah; mehenangkü jiyü shem am hih.

KAHBHAO 26:20

Gerar leipü mi yombüthüi Isakei mi yombüthü mü, “Hapa yungkukü hamei hih” shei eshi deteke. Hanangkü büpai hapa yungkuk kü Esek shei men; mehenangkü jomi büpa mü deteke.

KAHBHAO 37:2

Hapayü Jakob am shemei büshah. Joseph bong anpünyet kü chejeihijei am Bilhah hatü Zilpah nyilei hapeüthü kü sheühteiyei mi yomei nyu. hatü büpai hathü jung shahjang nemeipü chepa touei koei leiteke.

KAHBHAO 45:18

hatü ampa hatü shem am peü müei ngei touei yiüdaikei. Ngei Ijip kü peü mü meipü kahdok shuohhen, hatü ammi halei vampü hahyingi hüshemei nyuhen.

KAHBHAO 47:3

Pharaoh-i büpalei cheihinaüthü kü, “Amphongü menüng dousho keipü düknya?” shei e. Jomphongi, “Nüngei chongphobüthüyü obü opa am keiha mi haümpü am hih” shei e.

KAHBHAO 47:4

Jomphongi Pharaoh kü, “Hamphongü hapa kahdokei yenpa kei kanja nyunüng peiküpeih; mehenangkü Kanan kahdokei münghishaü longi nemei-i peipü nangkü nüngei chongphobüthülei yemhimak kü het ühshing neshiü. Shaang, hami nüng kü khümei phehüpeyü nüngei chongphobüthü kü Goshenei nyuhen hanshih” shei e.

KAHBHAO 47:6

Ijip kahdokü nüngei lakei nyüke; ampa hatü nüngei cheihinaüthü-ü meipü kahdok kü Goshenei nyemnyu; hatü nüngi jomphong khongkü dou aokhen hanei nyingjema ngelei yemhimak kü veihenao haneishuoh” shei e.

KAHBHAO 47:11

Joseph-i chepa hatü büpalei cheihinaüthü kü Pharaoh-i epü keiha Ijip kahdok kü peü mü meipü kahmük Rameses kahdok hanshuoh,

MÜLANGPÜ 8:22

Shejao hapa nyih kü nüngi ngeiyü Shembüpa khih shei nyinghen shangmü ngei ngelei nanglakthü nyupü Goshen kahmük hoithüng maanha nevamhü-i hayaoha banei tuhhen.