KAHBHAO 45:20 - DAÜLANGPÜ LAIHING (BSI)

²⁰ Am meshük ang, ha kü mongte-aa; mehenangkü Ijip kü peü mü meipeyü am shing vaihen” shei e.

KAHBHAO 45:20 Referans Kwoze

ISAIAH 1:19

Amphongi-üng mongei ven bangjema, amphongi kahdok kü vampü meipü hahhen;

LUK SHAHSHA APPÜ 17:31

Hapa nyih kü adokei nyupü shennyaki shem mongei tuhpü dou yahnüng teshü; hapa keiha kahlei nyupüthüi nyokei telei.

EZEKIEL 20:17

Shejoongpa ngei jom kü shinshangei deih, hatü ngei jom jahpanei nyushi jom nejütük nevaijü nemahtükkem.

EZEKIEL 9:5

Ngei bangei nyujü büpai lebüthü kü, “Büpa pheikü müei daiyei jütuh; hükao yangei tetuh; üpa kao tephahji;

EZEKIEL 7:9

Ngei am kü yahyangei nevaijü shinshangei neveipih; ngei ammei dükhiling hatü ammei jiühitnalai douthü am mü nyupü thahshi ngei ha shemhen. Shejüang am kü bheipeyü Shembüpa, ngei khih shei ammi nyinghen.

EZEKIEL 7:4

Ngei am kü yahyangei nevaijü shinshangei neveipih. Hingmei ngei ammei dükhiling hatü ammei jiühitnalai douthü am mü nyupü thahshi ngei ha kü shemhen. Shejüang ngeiyü Shembüpa shei ammi nyinghen.”

ISAIAH 13:18

Jomei lahhani nethethü jütükhen, jomi kahmong nyemha kü phahjiei nedeihhen, jomi hashihthü kü shinshangei neveihen.

EZRA 9:12

Hanangkü ammi jom mü yiük teyahtei. Am wong koh-ei leihen hatü kahdok kü vampü meipü ammi hahhen, hatü ammei hapeüthü shing denden mükjüp tuhhen shingvaishi jom mü meheyao chingmeivangmei teling, nevaijü mophimo teyemtei.

1 SAMUEL 30:24

Amphongi epü kü üpai bangkahenang? Mehenangkü vehok kü daipü hatü nedai-i hahying yungying shüpeikengei nyupüthü peüi hean aihük mü hanhen” shei e.

1 SAMUEL 25:13

Davidi büpalei shennyakthü kü, “Am peüi laophülei yan laaptuh” shei e. Hanangkü jom peüi laophülei yan laap hatü shennyak kho nyi hahying henghen tuhphongtü shennyak kho ali hükshing David phei müei aong.

1 SAMUEL 10:22

Hanangkü jomphongi Shembüpa kü, “Hatouei peikahen shennyak shao hanei nyüpü je?” shei phe, hatü Shembüpai jangei, “Veituh, büpayü hanggothü phangei joshi nyüke” shei e.

JOSHUA 7:11

Israel am mang thahteke; jom kü ngei dükhen eshuohpü ngelei vangpüshuwpü mangtükteke. Jom kü ngei teyah, mangtüktuh shei epü dou hanei yah-ei nyüke; jomi gühteke; shahshem eteke; jomi hapa dou laophülei douthü mü tuh-ei nyüke.

SHAHKÜP 19:21

Henüng keipü kü büm kü büm jei, mük kü mük jei, bha kü bha jei, lak kü lak jei, hatü la kü la jei shei phahji neshiüi nyukahen.

SHAHKÜP 19:13

Büpa kü phahji tehu. Israel kü hapakei jüteipü dohtüktuh; shejüang am meishi nyuhen.

SHAHKÜP 7:16

Shembüpa Kahvangi ammei lak kü shuohpü jatthü kemei mahtükkemtuh, hatü ammi jom kü yahyang shinshang tehu. Ammi jomei kahvang kü tekhüm; mehenangkü hapai am kü aethitai vaikahen.

MÜLANGPÜ 22:7

Mechem shennyak hanei-i küphü haneilei lop nevaijü doumeinangmei jaohen yah-ei tuhhen, hatü shem leipü hapa gühlangjema, hatü ha gühpü shennyak yepjema, shing nyi shemhühen.

KAHBHAO 45:18

hatü ampa hatü shem am peü müei ngei touei yiüdaikei. Ngei Ijip kü peü mü meipü kahdok shuohhen, hatü ammi halei vampü hahyingi hüshemei nyuhen.

MATHI 24:17

shem adokei nyupü shennyaki shem leipü dou yahnüng teshü;

KAHBHAO 20:15

Hatü Abimelekh-i, “Hathü peü ngelei kahdok hih; nüng nyuhüpü shing kü nyutuh” shei e.

KAHBHAO 45:19

Nüngi shao jomphong kü ha düktuh shei etuh: Ijip leipü mohoh khari hanei yah-ei ammei nyühihathü shing leituh, hatü ampa-ao müei yiüdaikei.

KAHBHAO 45:21

Israelei chehathü hapakei dük. Joseph-i jomphong kü Pharaoh-i epükei khari shuoh, hatü lemei hahhen hahyingao shuoh.

KAHBHAO 47:6

Ijip kahdokü nüngei lakei nyüke; ampa hatü nüngei cheihinaüthü-ü meipü kahdok kü Goshenei nyemnyu; hatü nüngi jomphong khongkü dou aokhen hanei nyingjema ngelei yemhimak kü veihenao haneishuoh” shei e.