KAHBHAO 45:1 - DAÜLANGPÜ LAIHING (BSI)

¹ Joseph-i büpalei mongei thephüei peipü yepei neaoki büpa mü yaongpü chongphobüthü kü, “Ngei toueipü amphong lüdaituh” shei e. Hanangkü Joseph-i chejei chenaüthü kü ngeiyü Joseph hih shei ngaiyei epü hepak kü büpa mü lebü mih üpayao nenyu.

KAHBHAO 45:1 Referans Kwoze

MATHI 18:15

Ammei jeihinaü khongkü hanei-i nüng khüei mang thahjema, anji mon nyupü hepak kü heih-ei ha pungpü eyeishuoh. Nüngi epü kü ha jeihinaüi bangjema nüngi büpa aokteke.

1 KORINT 13:5

nevaijü nemei-i nedüknyih. Laophü shing mon neyemnyih, lomi mongshih nevamnyih, nevaijü ten jaoshi netuhnyih.

PHONGSHANTHÜ DOU 10:41

hayü shennyak peü touei nevai shejao Kahvangi denbüthü vaihen jepü hamphong touei hatü büpa yangei leipheikü üami büpa mü hah hatü ying hathü touei vamei huteke.

JEREMIAH 20:9

“Büpa jung ne-etei-ü, nevaijü büpalei men hajük kü ne-etei-ü shei ejao, ngelei mongdang mongei büpalei shah-ü aw kei, hatü ngelei vangni mongei aw bahpükei shaamnyüke. Ngei hapa noshi nyiudaiteke, hingmei ngei neaoknyu.

ISAIAH 42:14

Hepak luangi ngei nenmü nyudaipeih, ngelei nanglakthü kü nejangi ngei nenmü nyudaipeih. Shejao shaangü ngei nyü hüki hapeü bühshingkü vaüpü keiha vaühen.

2 SAMUEL 1:20

Gathlei ha jung te-e, Ashkelon chingyangshong kü ha baongei yaüei te-e; Hei nevaijema Philistia nelathüi mongonghen, hatü nejaptükpüthülei yiükhathüi mongmeihen.

PHONGSHANTHÜ DOU 7:13

Nyipabü yiüpü hepak kü Joseph-i büpalei chejeihijei am kü büpa jung nyinghü, hatü Josephei shem am Pharaoh mü nyingteiyei lei.

KAHBHAO 44:34

Naüpeü nemüi mekei etü ngei opa touei leihenang? Opa mongshang küpü kü ngei veishi nyuhen neaok-ükhih” shei e.

2 SAMUEL 13:9

Hapheikü pinnyü-i nükshung kü aan shihtü büpa kü shuoh, shejao büpai nehahpih shei e. Amnoni, “Hatoueipü shennyakthü peü deitüktuh” shei e. Hanangkü peü büpa toueipü lüdaikem.

KAHBHAO 42:24

Büpai jomphong lemeipü yaakei leitü thep; hapheikü shao dhe yaakei leitü jomphong mü shah etei. Büpai Simeon yah-ei jomphongi eeshi shatü tuh.

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.