KAHBHAO 44:10 - DAÜLANGPÜ LAIHING (BSI)

¹⁰ Büpai, “Shejema meiteke, nüngi epükei nyemvai. Üpalei hapa danghenshang, büpa mon ngelei aa vaihen, aopü am peü leishihhen” shei e.

KAHBHAO 44:10 Referans Kwoze

MÜLANGPÜ 22:3

Büpai gühpü nangkü hang shemhen vongbong, shejao büpai hapakei neshemaokjema, güh hang shemei büpa aa hük vaiyei yutükhen. Shejao hapa sho mahpü nyihnüng vampü vaijema, jüpü shennyak kü mang nyüke.

KAHBHAO 44:33

“Hanangkü chingmeilemlingei naü nangjeiyei nüngei aa vaishi ngei tuhhahtuh, hatü ngelei naüpeüthü mü naüpeüao leishihtuh.

KAHBHAO 44:17

Shejao Joseph-i, “Ngei henüng dou nedükpih! Yungshong hüshi dangpü shennyak mon ngeilei aa vaihen. Aopü am peü ampa touei meishi leijatuh” shei e.

KAHBHAO 44:9

Nüngei chongphobü hamphong hükei dangkao ha hüshi chongküjema büpayü jütükhen, hatü aopü ham peü nüngei aa leihen hih” shei e.

KAHBHAO 44:11

Hanangkü jom peüi hanggo kahdokei yah-ei haütü apteke.