KAHBHAO 43:18 - DAÜLANGPÜ LAIHING (BSI)

¹⁸ Shaang jomphong Josephei shemei müei shüpü nangkü longi nyem hatü jomphongi, “Shelei jenei hanggolei lop hüpü jeni ha koei leidaipü nangkü jenphongü shemongei shüpü vaaishang; jomi jen kü nemei-i düktü jen aa leihühen hatü jenei gaduthü yahlangphahen khih” shei etei.

KAHBHAO 43:18 Referans Kwoze

KAHBHAO 42:35

Jomi jomei hanggo aokei veishingkü ha mongei jomei lop kemei hüshi chongjateke. Mechem jom hatü chepai hathü lop dangpa, jom peü nyemteke.

ROM SHAHSHA APPÜ 7:8

Shejao mangi hapa shahkungnyü noteihen laphen dangei ngei kü mükhühpü lemphü vamhüpeih. Shahkung neshiüi mangü mahngchang.

MARK 6:16

Shejao mechem Herodi ha danpa, büpai, “Hapayü ngei sho showei jütükpü Johan yangei leipü khih” shei e.

ISAIAH 7:2

Mechem Judah ongpai Aram am Israel kahdokei peiyei nyükeja shei danpa, Ahaz ongpa hatü nanglakthü peü yingnyülei vanglüki phenha jenhüpü keiha jomei mongdang kheüteke.

MENVIH KESHO 73:16

Shejao ha mekei nyingei aokhen shei ngei deihshingkü, ngei shingvaishi hayü nyiuhinang dou leidaitü chongküpeih.”

MENVIH KESHO 53:5

Halei jom nyempü longpü kü nyuhen, shelei chemao nevampü nyemhihan kü nyuhen. Mehenangkü Kahvangibüpa nenyingpüthülei vangtao haitükhen; jom veühühen, mehenangkü Kahvangi jom yaktükteke.

JOB SHAHSHA APPÜ 30:14

Jomi bham lowei ngei shangkü ngümei shünyüke.

JOB SHAHSHA APPÜ 15:21

Nyempühanpü ngeüi büpalei dhaong mahen; yangei nyüpeih shei deihshingkü gühpathülei lak kü büpa mahtükhen.

SHAHPHENBÜTHÜ 14:4

Chenyü chepai hapayü SHEMBÜPAleipü khih shei nenying; mehenangkü büpai Philistia am khüei dou dükhen lem yempü shiüteke. Hapa nyihhihe kü Philistia ami Israel am shak kü vanglem lemei nyuteke.

SHAHPHENBÜTHÜ 13:22

Manoah-i chenyüha kü, “Jiyü dihen shepü khih; mehenangkü ji-i Kahvang eepü khih” shei ejateke.

SHAHKÜP 22:17

Shaang büpai shahshemi pinnyü vüshih-ei, ‘Pinnyü-ü pai mü ngühpü nela nevaiang’ shei ejema, pinnyü-ü pai mü ngühpü nela hih shei huhen shingvaishi pinnyülei nyühipai shemyem ja hepak kü nyempü iy hoipü shinshing ashak yah-ei jila kü nyupü behethü kü huhen,

SHAHKÜP 22:14

hatü büpai pinnyü khüei shahshemi ngei pinnyü mü shem yemshingkü pinnyü-ü pai mü ngühpü nela nevai-i chongküpeih shei nyonghüjema,

KAHBHAO 42:28

Büpai cheihinaüthü kü, “Ngelei hanggo ha khih! Ngelei lopü nyokei shihtü shüpü khih!” shei e. Hapa kü jomphong mong mah-ei hüki hük lemei meetü kheüei, “Kahvangi jen kü dükpü hayü meheang?” shei etei.

KAHBHAO 42:21

Jomphong hüki hük mü, “Jeni jenei naüpeü kü dükshuohpü hapalei mang nangkü ponghahnyu khih; büpa ponghahküpü jeni eephei; büpai ngei yangshih shei khümshingkü jeni ha nebangpeih. Hanangkü jen kü ha shanghah peipeih” shei etei.

KAHBHAO 43:17

Büpai epükei chongphobüi hathü shennyakthü Josephei shemei müei shüteke.

KAHBHAO 43:19

Hanangkü jomphongi Josephei chongphobü touei heihei shadenei yaongtü büpa mü,

DANIEL 6:4

Ha nyingei, vanglem lembü nyi hatü governorthü peü Danieli ongching kü dükpülingpü lemphü kü mang yephen lem yem, shejao jomi büpa kü shaipü pungpü meheyao neyepaok; mehenangkü büpayü shahhing epü, nehetnewongi nenyupü nevaijü meheyao ten neshiüpü shennyak nyuteke.

KAHBHAO 42:27

Mechem jomphong shennyak hüki gadu kü het ühshingei het ühhen hanggo apei veipa, büpai büpalei lop shakei shihshi dangteke.

KAHBHAO 44:8

Hami hamei hanggolei hüshi leipü lop nyokei koei leiyei shuohpeih. Hami nüngei shembülei shem leipü hon hi ngin mehekei gühhenang?