KAHBHAO 43:14 - DAÜLANGPÜ LAIHING (BSI)

¹⁴ hükpa anaü hatü Benjamin nyokei shomhühen mü hapa shennyak touei Jeiyong Kahvangi amphong phahjiphahen aokpeih. Ngei shingvaishiyü ngei tuhphongtü hapeüthü didaijao mehe enüng” shei e.

KAHBHAO 43:14 Referans Kwoze

ESTHER 4:16

“Leituh, Susalei nyupü Jehoda am peü thaituh, hatü ngei nangkü nyih jem ya jem nehahneyingi shüaeiyungletuh. Ngei hatü ngei mü nyupü chongpholathü peü am keiha hamao shüaeiyunglehen. Hapheikü mon shahkungi nemongjao ngei ongpa touei heihhen: ha kü dijao nyemdidai” shei e.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

PHONGSHANTHÜ DOU 21:14

Büpa yawh-ei neleiaokpü nangkü hami, “Shembüpai mongpükei nyemvai” shei etü nenmü nyupeih.

NEHEMIAH 1:11

Oh Shembüpa, nüngei chongphobüi phoppü kü, hatü nüngei men kü dhüm shuohpü kü mongongpü chongphobüi phoppü kü nüngei dhaong shaangshih. Shinnyih nüngei chongphobü aokpü danghütuh, hatü ongpai ngei kü bamhütuh!” Hahepak kü ngeiyü ongpalei yungshong nobü nyupeih.

KANDOK 16:7

Mechem shennyak hükei lemthüi Shembüpa mongmeihühen, büpai laophülei vepa-ao chingmei kü tuhnyeih.

MENVIH KESHO 119:41

Nüngi bampü ngei kü peihüshih, Oh Shembüpa, nüngi lahpükei nüngei yemleipü ngei kü yahshih.

MENVIH KESHO 100:5

Mehenangkü Shembüpayü meiangpeih; büpa bampü hatü shahhing epü denshem peü kü nyunyeih.

KAHBHAO 22:14

Hanangkü Abrahami hapa shing kü, “Shembüpai shuohnyüpeih” shei men, hatü shinnyih thahshi, “Shembüpai kahshangei shuohnyeih” shei enyüke.

2 JOHAN 1:3

Jen touei Opa Kahvang hatü Shembüpa Jisu Khrista, Palei Ha shahhing hatü bampü kü phahji, yahyang hatü chingmeivangmei jen mü nyemnyuma.

TITUS 1:4

Hinglempü kü hean yahpü ngelei hingshangpü hapeü Titus touei Pa Kahvang hatü jen Yemleipüba Jisu Khrista leipü phahji hatü chingmei nyute.

1 TIMOTI 1:16

Shejao ha tata kü üami büpa kü hinglem yangnyuyem danghen shei Khrista Jisui nedohnetenpü büpa nenteiaokpü lappü hük huhen shingvaishi ngei keipü nemeipü mang shennyak kü phahji hupeih.

1 TIMOTI 1:2

Vaipü kü ngelei mong hahpü hapeü Timoti touei: Pa Kahvang hatü jenei Shembüpa Khrista Jisu leipü phahji, yahyang hatü chingmei nyute.

PHONGSHANTHÜ DOU 7:10

hatü shanghah peü kübü büpa yang, hatü Ijip ongpa Pharaoh touei yaongshingkü büpa kü bamhahhen mü hatü kihikon huaokhen mü leihüpeih; hanangkü ongpai Ijip kü, hatü jomei shemong kempü kü vanglem lembü vaihen büpa jepeih.

LUK SHAHSHA APPÜ 1:50

Büpalei phahjiyü büpa kü nyempüthü shing hüdenhalenshi nyüke.

ISAIAH 49:13

Mongongpai kesho loktuh, Oh vangshothü mongongtuh, Oh kahdoknyü, kesho lokei bhaotuh, Oh kahshangthü! Mehenangkü Shembüpai laophülei nanglakthü nyiushem meihüteke, hatü büpalei hanghipü nanglakthü kü phahji yahyang huhen.

KANDOK 21:1

Ongpa hükei mongdangü Shembüpalei lakmongei nyüke; yungyen hük büpai mongpü lemei shanshihpükei mülangnyüke.

KANDOK 1:1

Hapayü Israel amei ongpa, Davidei cheha Solomonei kandok shahthü nyüke:

EZRA 7:27

Shembüpa, jenei bühipa Kahvangei men longtuh; mehenangkü büpai hapa keiha Jerusalemei Shembüpalei shem müknyinshekhangshi linghen ongpalei mongkü eteke,

KAHBHAO 42:36

Chepa Jakobi jomphong kü, “Ngei mon tuhtü ngelei hapeüthü kemei nyemdidaikem shei deihpü je? Joseph neshiü, sheyü Simeonao neshiü, hatü shaang Benjaminao yah-ei daihen enyüke. Ngeiyü henüng ponghahnyu khih!” shei e.

KAHBHAO 42:24

Büpai jomphong lemeipü yaakei leitü thep; hapheikü shao dhe yaakei leitü jomphong mü shah etei. Büpai Simeon yah-ei jomphongi eeshi shatü tuh.

KAHBHAO 39:21

Shejao Shembüpa Joseph mü nyu, hatü büpa bampü hu; büpai khoklat yompü veshan longpübai büpa kü bamhen peihü.

KAHBHAO 35:11

Kahvangi büpa kü, “Ngeiyü Jeiyong Kahvang: Nüng kü betjük jükei nanglak longi datuh; nüng kübü jat hük hatü jat khong longi vamhen, hatü nüng kübü ongthü vamhen.

KAHBHAO 28:3

“Jeiyong Kahvangi nüng kü moihimanhen, nanglak longi dahühen, hatü nanglak khongnyü longpü leihühen.

MENVIH KESHO 85:7

Nüngi bampü ham kü hushih, Oh Shembüpa, hatü nüngei yemleipü ham kü yahshih.

JOHAN 19:22

Pilati jomphong kü, “Ngei mehe nyangtük, nyangtük” shei e.

KAHBHAO 43:13

Anaüao müei hapa shennyak touei yiütuh;

MENVIH KESHO 106:46

Jom yepei deipü ami jom kü shinshanghen mü büpai leihüpeih.

KAHBHAO 44:12

Hapa chongphobüi behepa kübü pangei naü-eepa aimü veiyei daishingkü hapa yungshongü Benjaminei hanggolei hüshi dangteke.