KAHBHAO 43:11 - DAÜLANGPÜ LAIHING (BSI)

¹¹ Hapheikü chepa Israeli jomphong kü, “Hakei-üng vaijema ha düktuh; kahmük kü vampü betjük vaümei ammei hanggo kü shih-ei yiüei hathü hapa shennyak kü balm meli maani, nyahjiü maani, hetnyai maani, nyalingngupai vantükpü, pistachio betjük hatü almond betjük yah-ei thintho yah-eishuoh.

KAHBHAO 43:11 Referans Kwoze

KAHBHAO 37:25

Hapheikü jomphong hahyingei nyushing kü jomi veishuohjü Ishmael am ut kü uotü Gilead leipü müh, meli hatü nyalingngupai van kotü Ijiplei yiüjapü eeteke.

JEREMIAH 8:22

Gileadei meli neshiüpü je? halei meli nobü neshiüpü je? Mehekei ngelei nanglakthüi büm yangei neleinya?

EZEKIEL 27:17

Judah hatü Israel ami am mü bhei leihteke; jomi ammei dou mü Minneth leipü wheat, nyahjiü, olive mainga, hatü vong meipü meli jeiyei shuohpeih.

KANDOK 18:16

Thintho hüki lem apnyüpeih; hapai lupülongpü mü pongei eteiaoknyeih.

1 SAMUEL 9:7

Shejao Sauli naü kü, “Ji büpalei heihjema mehe noei heihjahen? Jiei khongha leipü aan kemdaiteke. Kahvang shennyak kü shuohhen thintho meheyao neshiü. Jiei lakei mehe nyüpa?” shei e.

PHONGSHANTHÜ DOU 21:14

Büpa yawh-ei neleiaokpü nangkü hami, “Shembüpai mongpükei nyemvai” shei etü nenmü nyupeih.

EZEKIEL 27:15

Rhodes ami am mü bhei leih, hatü yungching yungkung kü nyupüthü ammei bhei shakpü am vaiteke; jomi am kü lop vaishi meinyübha hatü eboni douvang pü koei peiyei shuohpeih.

SOLOMONEI KESHO 8:14

Vamkei, ngelei bahapa, vong meipü kahshangei nüng meishiy cheha kei nevaijü shaok cheha kei nyukei.

SOLOMONEI KESHO 4:14

Vong meipü püthü, hatü saffron, calamus hatü cinnamon, hatü ayingshü lem longi, myrrh hatü aloes, hatü vong meipü bühen pü longi vamnyüke.

SOLOMONEI KESHO 4:10

Nüngi bampü mekei vüngnyangpa, ngelei naüpeü, ngelei shembünyü! Yiü mao nüngi bampü meshük meipa, hatü vong meipü meli peü mao nüngei mainga vong meshük meipüang!

KANDOK 21:14

Joei thintho shuohpai mongshih komhünyeih; Ashak mongei yawhdou jaaipai mongshih dohhünyeih.

KANDOK 19:6

Longshi shingi lupülongpülei yahyang shinshang yemnyeih, hatü peüi thintho shuohbülei mongjem vaihünyeih.

KANDOK 17:18

Ngapa hüki mon mih-ei bheishe hang shemhen ju shüei lahnyüpeih.

MENVIH KESHO 76:11

Nüngi mehe lahtük ha Shembüpa, nüngei Kahvang kü jiüshi düktuh; Büpa shinei nyupüthüi nyemshihanshi nyupüba kü thintho koei peituh.

MENVIH KESHO 72:10

Tarshish ongthü, hatü shübaongei nyupüthüi büpa kü bom ühhen; Sheba hatü Seba ongthüi thinthothü koei peihen.

MENVIH KESHO 68:29

Nüngei phopshem Jerusalemei nyupü nangkü ongthüi nüng kü thintho konyüke.

ESTHER 4:16

“Leituh, Susalei nyupü Jehoda am peü thaituh, hatü ngei nangkü nyih jem ya jem nehahneyingi shüaeiyungletuh. Ngei hatü ngei mü nyupü chongpholathü peü am keiha hamao shüaeiyunglehen. Hapheikü mon shahkungi nemongjao ngei ongpa touei heihhen: ha kü dijao nyemdidai” shei e.

2 ONGPATHÜ 20:12

Hahepak kü Baladanei cheha, Babylon ongpa Merodakh-Baladani Hezekiah ongpa tüngpü danei büpai Hezekiah kü lai hük hatü thintho hük shom.

2 ONGPATHÜ 16:8

Ahaz-i Shembüpalei shem hatü ongshemei nyupü hon hi ngin yah-ei Assyria ongpa kü thintho hük vaishi shom.

2 ONGPATHÜ 8:8

büpai Hazael kü, “Nüngi thintho hanei temtü hapa Kahvang shennyak mü pongteinüng heihtuh, hatü büpa homei ngei hapa dinshan kübü yangaoküla shei Shembüpa kü nyemphekününg heihtuh” shei e.

1 ONGPATHÜ 15:19

“Ampa hatü opa am nyupükei ji aa kao vangteishuwteiyei chingmei nyushah. Veituh, ngei nüng kü hon hi ngin thintho shomphünyeih. Hanangkü shaang Israel ongpa Baasha ngei toueipü nyemleidaiphanüng nüngi büpa mü chingmei lingpü mangtükkütuh” shei eshi shah shom.

1 ONGPATHÜ 10:25

Peipü peüi büpa kü thintho, hon, ngin, ashakviha, lahhilaong, hetnyai, koyei hatü gadu chehathü koei vangbong ieyei longi peiteke.

1 ONGPATHÜ 10:15

hatü hapayü bhei leihpüthüi, Arabia am ongthüi hatü kahmük kübü governorthüi shuohpü neomi shiüteke.

1 ONGPATHÜ 4:21

Solomoni Euphrates yungyen kübü Philistia kahdok hatü Ijip amei viong thahshi kü nyupü ongchingthü kü vanglem lem. Hapa jatthüi büpa kü bom shuoh, hatü jomphongü büpalei den kemei kü büpalei nanglakthü leiteke.

1 SAMUEL 25:27

Hatü nüng chongphobüi nüng kü koei peiküpü hapa thintho yah-ei nüng mü nyupü nethethü kü shuohtuh.

SHAHKÜP 33:14

Hekhang kübü betjük meipai, hatü hepak vangpan kübü betjük vungjüki moihimantuh.

KAHBHAO 43:14

hükpa anaü hatü Benjamin nyokei shomhühen mü hapa shennyak touei Jeiyong Kahvangi amphong phahjiphahen aokpeih. Ngei shingvaishiyü ngei tuhphongtü hapeüthü didaijao mehe enüng” shei e.

KAHBHAO 33:10

Jakobi, “Hapakei nevai, chingmeilemlingei nüngi phahjiyei deihjema nüngi ngelei lak leipü hapa thintho yahtuh; hingmei nüngei dhe eepeyü Kahvang dhe eepükei khih; nüngi ngei hapakei bamei yahteke.

LEVI 20:24

Shejao ngei am kü eshah, “Ammi hapa kahdok yahhen; ngei am kü amma hatü nyahjiü yenpü kahdok am kü mükjüp vaishi shuohhen. Ngeiyü Shembüpa, ammei Kahvang, hatü ngei lebü jatthü mü am hayaoha loukei jepeih.”

KAHBHAO 43:10

Hamphong paoh nepheilangmeyü shaang keiyü nyipa thahshi yiüei leidaitü nyuhah shepeih” shei e.

KAHBHAO 43:15

Hanangkü jomphongi thintho hatü lop shingnyi nyeishi kotü Benjamin müei Ijiplei yiüei Joseph touei yaong.

KAHBHAO 43:25

hatü Joseph om mü leijajü thintho shuohhen shei tem; mehenangkü jomphongü om mü halei hahyinghen shei epü danteke.

KAHBHAO 43:26

Mechem Joseph shemei leijapa, jomphongi büpa shemongei shüei hapa thintho shuohtü büpa touei aümei shateke.

EZEKIEL 27:22

Sheba hatü Raamah am bhei leihpüthüi am mü bhei leihpeih; Jomi ammei douthü mü hahying lemphü douvang yaong hatü hon jeiteihampeih.

MÜLANGPÜ 3:8

hatü ngei Ijip amei lak kübü am yanglanghen peiküpeih, hatü meipü hatü bhashahpü kahdok, amma hatü nyahjiü mon yenpü kahdok, Kanan am, Hit am, Amor am, Perizz am, Hiv am, hatü Jebus am nyupü kahmükei ngei jom müei leilanghen.