KAHBHAO 42:34 - DAÜLANGPÜ LAIHING (BSI)

³⁴ Naüshompa müei peikei, shejüang amphongü shahhing epü shennyakthü khih shei ngei nyinghen. Hapheikü mon anaü vephahen hatü am hapa kahdokei bhei leih-ei aokhen shei ephopeih” shei eteke.

KAHBHAO 42:34 Referans Kwoze

KAHBHAO 34:10

Am ham mü nyutuh; kahdokü am shing bhashahshi nyüke; halei nyuei bhei leih-ei angeideiyei nyutuh” shei e.

KAHBHAO 34:21

“Hathü shennyakü jen mü longi küphü mei khih; jom jenei kahdokei nyuei halei bhei leih-ei nyemnyu; jom shingao kahdok changshi nyüke. Jeni jomei yiükha hatü jomi jenei yiükha yah-aokhen.

EZEKIEL 17:4

haleipü moungjaang bhagtü yah-ei daiyei bhei leihpü chingnyülei bhei leihpüthü nyupü kahdokei sheiteke.

1 ONGPATHÜ 10:15

hatü hapayü bhei leihpüthüi, Arabia am ongthüi hatü kahmük kübü governorthüi shuohpü neomi shiüteke.

KAHBHAO 42:20

hatü anaü shombü ngei touei müei peikei. Shejüang amphongei shah lekhen, hatü am nedihen” shei e, hatü jomi hapakei dükhen mongteke.

KAHBHAO 20:15

Hatü Abimelekh-i, “Hathü peü ngelei kahdok hih; nüng nyuhüpü shing kü nyutuh” shei e.

KAHBHAO 42:15

“Amphong keyü hapakei dokhen: Ongpalei men kü ngei vangei enyeih; amphongei naüshompa hatouei mangyiü thahshi amphong haleipü neleihen.