KAHBHAO 41:42 - DAÜLANGPÜ LAIHING (BSI)

⁴² Hapheikü Pharaoh-i büpalei lakjaang leipü anguti yah-ei Joseph-ei lakjaang kü shepteke. Büpai büpa kü nyemin ashaki thüngpü bhagthuh thuhhü, hatü üng kü honyük yükshuoh.

KAHBHAO 41:42 Referans Kwoze

DANIEL 5:29

Hahepak kü Belshazzari ngeükhüam shuohpü nangkü Daniel kü ong ow owhüteke, honyük hük üngkam baongei yükshuohteke, hatü ongching kü büpa jempabü longpü leihü.

DANIEL 5:7

Ongpai thibüthü, lashüh tetpüthü, lithilen tetpüthü hatü phongyompüthü müei deikei shei len. Mechem jomphong peijapa, ongpai jomphong kü, “Üpai ha nyangpü ieyei aokhen hatü hapa lappü ngei kü tetei ephahenshang, büpa kü ongow owhühen, hatü büpalei üng kü honyük üngkam baongei yükhühen hatü büpa ngelei ongching kü jempabü uoshing kü uohühen” shei eteke.

ESTHER 3:10

Hanangkü ongpai büpalei anguti hukei Agag am Hammedathalei cheha Haman, Jehoda amei vepa kü shuoh.

DANIEL 5:16

Nüngi mongshang lemphüli hatü shahjo peü tetei eaoknyuja shei ngei shaang danpeih. Nüngi hapa nyangpü ietü hapa lappü nih-ei apha-aokjema, ngei nüng kü ong ow owphahen, hatü üngkam baongei honyük yükphahen, hatü nüngü ongching kü jempabü longpü leihühen.”

ESTHER 8:2

Ongpai Haman leipü yah-ei leilangpü anguti yah-ei Mordekai kü shuoh, hatü Esther-i büpa kü Hamanei mophimo shang kü shembü vaihü.

ESTHER 8:15

Mordekai-i ongpa toueipü ong-ow thüngla hatü shola, hon athen longpü thentü hatü nyemin ashak mangshempü owtü dai. Hahepak kü Susa chingnyü-ü mongongmonglepai maei nyu.

ESTHER 8:10

Mordekai-i Xerxes ongpalei men kü nyangtü ongpalei füoshang shingtü hathü lai koei longi shülangi mokpü ongpalei koyeithü kü uotü shomteke.

EZEKIEL 27:7

Jahas kü vanglük yüphen ashakü Ijip leipü meipü nyemin ashak khüamlung kei nyuteke. Shangei jümpü ashakü Cyprus shübaong leipü manghshempü ashaki lingteke.

SOLOMONEI KESHO 1:10

Dhaongchü chüpai nüngei omdhaong bah-angke, Yüknyü yükpai nüngei üngchong meiangke.

KANDOK 31:24

Pinnyüi nyemin ashak hatü shüngshep daknyüke, hatü hathü yunyüke.

KANDOK 31:22

Pinnyüi shinshing kü nyemhen ashak daknyüke; pinnyülei ashakü nyeminpü, hatü mangshümpü ashak nyüke.

ESTHER 8:8

Shaang ongpalei men kü am kü meipü aimü Jehoda am nangkü shahkung hük nyangtuh, hatü ha kü ongpalei füoshang shingtuh; mehenangkü ongpalei men kü nyangpü lai hatü büpalei füoshang shingtükpü lai üpaiyao bentüknüng neaokpih” shei e.

ESTHER 3:12

Hapheikü shongpü len nyih anpüjempabü kü ongpalei laknyangbüthü nyük hatü jomphongi ongching phangkü noteipü shahlem laolao, nyangpü vanglem laolao aimü lepei Hamani epükei nyang, hatü vanglem lembüthü, governorthü, hatü lakchongbüthü peü kü shom. Hapayü Xerxes ongpalei men kü nyang hatü ha kü büpalei füoshang shingteke.

LUK SHAHSHA APPÜ 15:22

Shejao chepai büpalei chongphobüthü kü, “Peü mü meipü bhagthuh deikei, hatü ha büpa kü thuh-eishuoh; büpalei lakjaang kü anguti shepeishuoh, hatü lathuh thuh-eishuoh,

KANDOK 1:9

Hathüyü nüngei shangjing kü chübongale shihpükei, hatü üngkam baongei honyük yükpükei nyüke.

ESTHER 10:3

Xerxes ongpa pheikü Hebrew am Mordekaiyü laphen kü nyipabü nyu, hatü Hebrew am khongkü wonghingan kohpü hatü jempü Hebrew am peüi kenpü men-e shennyak nyuteke; mehenangkü büpai laophülei nanglak meihen nangkü dou dük, hatü Hebrew am peü yanghen nangkü shah eteke.

KAHBHAO 38:18

Büpai, “Menüng keipü vangpü hük ngei nüng kü shuohhen?” shei e. Pinnyüi, “Nüngei füoshang hatü vü hatü nüngi nopü lenshuoh yahkei” shei e. Hanangkü büpai pinnyü kü hathü shuohtü pinnyü mü shi, hatü büpa homei pinnyü büm nekongi lei.

KAHBHAO 41:43

Büpai büpalei koyei khari nyipabü kü büpa uohü, hatü shennyakthüi, “Lem yamtuh” shei lenei e. Hapa keiha büpai Ijip kahdok kempü kü büpa governor vaihüteke.

1 SAMUEL 18:4

Jonathani büpai owshi nyupü ow, vehok ow, büpalei yanlu, lah hatü shüngshep hukei David kü shuoh.

MENVIH KESHO 73:6

Hanangkü changmeipeyü jomei chühiyük, hatü dehilao-ü owhiai kei ownyüke.

SOLOMONEI KESHO 4:9

Ngelei naüpeü hatü shembünyü, nüngei mükvang nakung kü chem mon veipai; nüngei üngchong yüknyü kü chem mon mükvaungi veipai ngelei mong nüng kü shüngdaiteke.

JEREMIAH 52:33

Hanangkü Jehoiakini büpalei khoklat leipü ow bhühtüktü düngei ongpalei nükdülei hahyingei nyu.

ISAIAH 3:23

aina kohpü ashak, nyemin ashak, shangshak, dok-üm ashak yah-ei lüdaihen.