KAHBHAO 41:25 - DAÜLANGPÜ LAIHING (BSI)

²⁵ Hahepak kü Joseph-i Pharaoh kü, “Hapa mangh nyiphen aihük mon khih; Kahvangi mehe dükhen nyu, ha shakei vamei hupü khih.

KAHBHAO 41:25 Referans Kwoze

DANIEL 2:45

Yaongvak hük kübü yaong shennyakei laki nehongpü kü lokei, hatü hapai nyiam, melangnyiam, ashem, ngin hatü hon kü shüktü ngümtükei eepü manghkhang lappeyü hapa khih. Longpü Kahvangi ngoikahen hepak kü mehe vamkahen ha huteke. Hapa mangh hatü lappü nihpeyü jiüpü hatü hinglemhen nyüke.

SHAKEI VAMPÜ 4:1

Hapa pheikü ngei veiteke, hatü vangsholei sha hük aptüktü nyuteke. Shongpü ngeü amit keiha ngei kü epü danpeyü, “Halei aongkei, hatü hapa pheikü mehe vamhen ngei nüng kü huphüshah” shei e.

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

MARK 13:23

Shejao am lituh; ngei lemphü am kü etepih.”

MATHI 24:40

Hahepak kü shennyak nyi kahlei nyuhen; hük yahlangtü hük tuhphonghen,

AMOS 3:7

Hingmei, Shembüpai büpalei küpjan büpa chongphopü thibüthü kü ne-epheikü meheyao nedüknyih.

DANIEL 2:47

Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

ISAIAH 43:9

Jatthü peü chemi thaituh, hatü shennyakthü peü chemi thaituh. Jomei kahvangthü mepai ngoikahen nang tetei epa? Peihdaipü douthü üpai yeihshi tetei epa? Jom dah shakhen shingvaishi jomei denbüthü müei deikei, hatü jomphongi bangtü, “Hapayü jiüteke” shei nyem-e.

MENVIH KESHO 98:2

Shembüpai aokpü dangpü nyinghüteke; jatthü touei büpa dah shakpü shakei vamteke.

JOSHUA 11:6

Shembüpai Joshua kü, “Ammi jom kü tenyem, ngenyih shaang kei jom kemei jüei Israel am kü shuohhen; ammi jomei vehok koyeithülei laphei chah langtüktuh hatü koyei kharithü aw kü jaktüktuh” shei e.

KAHBHAO 41:16

“Ngei ha nedükaokpih. Shejao Kahvangi Pharaoh-i napü kü jangpü shuohhen” shei Joseph-i Pharaoh kü jangei e.

MÜLANGPÜ 9:14

Hei nevaijema hapa kahdoknyü kü ngei kei üpayao neshiü shei nüngi nyinghen shangmü ngei hapa shan keyü nüng hatü lakchongbüthü hatü nüngei nanglakthü kü ngelei hanghi chetshi shomhen.

KAHBHAO 41:26

Meipü mohoh nyet hayü bong nyet, hatü hahmai meipü nyet hayao bong nyet lappü; ha mangh nyiphen hük khan.

KAHBHAO 41:28

Hayü ngei nüng kü epükei Kahvangi mehe dükhen nyu, ha büpai hupü khih.

KAHBHAO 41:32

Aihük mangh nyi manghpeyü Kahvangi ha temtüktü nyüke, hatü büpai ha lomi koei peikahen.”

KAHBHAO 40:8

Jiji-i büpa kü, “Henji-i mangh manghpeih, hatü hapa mangh tetei ephahen üpayao neshiü” shei e. Joseph-i jiji kü, “Mangh tetei ehenü Kahvangei nevaipü je? Ngei kü eshih” shei e.