KAHBHAO 40:13 - DAÜLANGPÜ LAIHING (BSI)

¹³ nyih jem mongkü Pharaoh-i nüng khoklat leipü leihen hatü sheleipü dousho shao nyokei shuohhen khih, hatü nüng shelei büpalei yungshong nopü hepak kü dükpü keiha nüngi Pharaohlei yungshong büpalei lak kü shuohhen khih.

KAHBHAO 40:13 Referans Kwoze

JEREMIAH 52:31

Judah am Jehoiakin ongpa wüpküpei nyupü bong hapüanpünyetpabü kü Babylon kü Evil-Merodakh ong vaiteke. Büpai Judah ong Jehoiakin kü bamei deih hatü len anpünyi mü nyih hapüngapabü kü khoklat leipü veshuohteke.

MENVIH KESHO 3:3

Shejao Oh Shembüpa, nüngü ngei shonei nyupü inyüshung; nüngi ngei kü müknyinshekhang shuoh, hatü nüngi ngelei shangjing ngangei anshihnyeih.

2 ONGPATHÜ 25:27

Judah am Jehoiakin ongpa wüpküpei küpshi nyupü bong hapüanpünyetpabü len anpünyi, nyih hapünyetpabü kü Evil-Merodakh-i Babylon kü ong vaiyei chongpangpü bong Judah am Jehoiakin ongpa khoklat leipü veteke.

KAHBHAO 7:4

Nyih nyet mongkü ngei kahdoknyülei nyih pinyi ya pinyi vang keiphahen, hatü ngei lingpü lemphü hapa kahdok shak kübü thittükhen” shei e.

KAHBHAO 40:1

Kanja angpheikü Ijip ongpalei yungshong nobü hatü aan lingbü nyi-i Ijip ongpa touei huluh shuoh.

KAHBHAO 40:12

Hahepak kü Joseph-i büpa kü, “Hapa lappeyü ha khih: Kao jem eepeyü nyih jem khih;

KAHBHAO 40:14

Shejao mechem ha nüng kü dhaümkahen ngei deih-ei dangtuh; chingmeilemlingei Pharaoh kü ngei jung ejatuh, hatü ngei kü hapa bampü dou dükshih hatü ngeiyao hapa shing kübü ngailangtuh.