KAHBHAO 39:4 - DAÜLANGPÜ LAIHING (BSI)

⁴ Hanangkü Potiphar-i Joseph kü monghah-ei deih, hatü büpalei shemei nyupü lemphü kü büpai veibü vaihen dousho shaei tuh.

KAHBHAO 39:4 Referans Kwoze

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

KANDOK 27:18

Üpai adhajük kah lingnya, büpai haleipü betjük hahhen; Üpai laophülei shembü kü jungnya, büpa kü dhüm shuohhen.

KAHBHAO 39:8

Shejao büpai ha nemongi büpalei shembülei chenyüha kü, “Veituh, ngelei shembüi shemei nyupü mepa kao mongne-aanyih; büpai angpü peü ngelei lak kü shuoh-ei nyüpeih.

KAHBHAO 24:2

Abrahami büpalei chongphobü peü mü behe hatü khei vaipü shennyak kü, “Ngelei shüngkung kü nüngei lak haütuh,

KAHBHAO 19:19

Anjilei chongphobü kü longi bamei ngelei yangnyu yangphüteke, shejao kahshang lemei ne-aongaokhen khih; mehenangkü hapa vongshüh pongpü eeyei ngei dihen khih.

KANDOK 22:29

Üami laophülei dou kü lahhinlangnyaiyei düknya, jomi nanglak nevai, ongpa chongphoei eehen.

KANDOK 17:2

Nelinehapü hapeü shangkü kon kohshi nyupü aa hükivanglem lemhen, hatü jeihinaüthü khongkü hük keiha mükjüp hanteihen.

KANDOK 16:7

Mechem shennyak hükei lemthüi Shembüpa mongmeihühen, büpai laophülei vepa-ao chingmei kü tuhnyeih.

KAHBHAO 33:10

Jakobi, “Hapakei nevai, chingmeilemlingei nüngi phahjiyei deihjema nüngi ngelei lak leipü hapa thintho yahtuh; hingmei nüngei dhe eepeyü Kahvang dhe eepükei khih; nüngi ngei hapakei bamei yahteke.

KAHBHAO 18:3

Büpai, “Oh Shembüpa, amphongi bamei deihjema, shemei nehaki tepeihdai.

KANDOK 14:35

Ongpa hüki kon kohpü chongphobü kü mong hahnyeih, shejao büpa mongshihpü hapa hai dou dükpü chongphobüi ponghahnyeih.

1 SAMUEL 16:22

Hapheikü Sauli Jesse kü shah shomei, “Davidü ngei mü chongphoei nyemnyu, ngei büpa kü longi monghahnyeih” shei e.

KAHBHAO 33:8

Esau-i, “Ngei heüpü khongü meheang?” shei e. Jakobi, “Hathüyü nüngi phahjiyei nyemdeihpha shei shuohpeih” shei e.

KAHBHAO 32:5

ngei mohoh, gadu, mi, nyüha hatü baha aathü longi nyüpeih, hatü ngei ngelei shembü touei nüngi shinshangei nyemdeihpha shei hapa ehen shompeih’ ” shei ehen eteke.

KAHBHAO 15:2

Shejao Abrami, “Oh Shembüpa Kahvang, nüngi ngei kü mehe yahphahen? Mehenangkü ngeiyü hapeü neshiü, hatü ngelei mükjüpü Damaska am Eliezer-i yahhen je?” shei e.

1 ONGPATHÜ 16:9

Shejao büpalei koyei kharithü hükkeishing kü veipü büpalei lakchongbü Zimri-i büpa khüei yaong. Hahepak kü Elah-ü Tirzahlei yiüi chokei Tirzah ongshem kü veibü Arza am shemei nyu.

RUTH 2:6

Hapa shennyaki, “Pinnyü-ü Naomi mü leipü Moab am khih.

1 SAMUEL 2:26

Hashih Samuel-ü bümhishao kü hatü Kahvang hatü shennyak tou kü monghahshi longteke.

ESTHER 2:9

Hegai-i Esther lümei deih, hatü büpai mong hahhü. Shülangi büpai pinnyü kü nela meihen jungeilang hatü meipü hahying shuoh. Büpai ongshem leipü chongphohen nela nyet jetü pinnyü hatü nelathü peü mü meipü shingei tuhteke.

KANDOK 3:4

Shejüang nüngi Kahvang, hatü hangku touei bampü hatü menmei danghen.