KAHBHAO 39:3 - DAÜLANGPÜ LAIHING (BSI)

³ Büpa mü Shembüpa nyüke shei büpalei shembüi veiaok, hatü büpai dükpü lemphü kü Shembüpai moihimanteke.

KAHBHAO 39:3 Referans Kwoze

MENVIH KESHO 1:3

Jomphongü yungkungei sheipü püthü, hapalei dühü kü betjük jükpü, hatü phenlak nekaongpü püthü keiha jomi dükpü peü kü daeishenyüke.

KAHBHAO 30:27

Shejao Labani büpa kü, “Nüngi ngei kü bamei deihjema, haleiüng chongkütuh. Nüng nyupü nangkü Kahvangi ngei kü moihimanpü khih shei phongyompai nyingteke” shei e.

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

2 SHÜPPÜKENGPÜ 26:5

Zekhariahlei nyih kü Kahvang kü nyemhen nyuhpü nangkü büpai Kahvang yem. Büpai Shembüpa yempü thahshi Kahvangi büpa kü moihiman.

1 SAMUEL 18:14

Büpai dükpü lemphüli kü aokpü dang mehenangkü Shembüpa büpa mü nyu.

KAHBHAO 21:22

Hahepak kü Abimelekh-i büpalei veshan mübü Phikol mü heih-ei Abraham kü, “Kahvangü nüng hatü nüngi dükpü lemphü mü nyüke.

KAHBHAO 26:28

Jomphongi büpa kü, “Shembüpa nüng mü nyüke shei hami veiaoknyüke; hanangkü jen aa kü vangteipü nyushah; hami nüng mü vangteishuwteipü lingshah,

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

1 KORINT 16:2

Hatyang kü shongpü nyih kü am peüi laophü kü peipü ittü lop yowei tuhtuh; shejüang ngei peishingkü lop nethaihen.

ZEKHARIAH 8:23

Jeiyong Shembüpai hapakei enyüke: “Hapa nyihhihe kü shahlem hatü jat laolao kübü shennyak an peiyei Jehoda amei shennyak hükei ashakjung kü shongtü, ‘Hamphongao nüng mü daiküshah; mehenangkü Kahvangü am mü nyüke shei hami danpeih’ shei ehen.”

NEHEMIAH 2:20

Hahepak kü ngei jomphong kü, “Vangsho Kahvangi ham kü aokpü shuohhen, hatü büpa chongphobü hami ha lingei leihen chongpanghen, shejao Jerusalem nangkü shei amphongei phaihan nevaijü ammi ehen nevaijü hapalei büshah eshi dah shakei ehen neshiüpih” shei eteke.

1 SHÜPPÜKENGPÜ 22:13

Israel am shingvaishi Mosa homei Shembüpai shuohpü shahkung hatü vanglemthü kenhingei dükjema nüngi aokpü danghen. Nüng wong kohtuh hatü monglongtuh. Nüng tenyem nevaijü mongtemaan.”

1 SAMUEL 18:28

Shejao mechem Sauli Shembüpa David mü nyüke hatü cheha Mikhaliyao David kü bamnyüke shei nyingpa,

KAHBHAO 39:23

Khoklat veshan longpübai Joseph kü eyei tuhphongpü mepa kao mongne-aa; mehenangkü Shembüpa büpa mü nyu, hatü büpai mehe dük, ha kü Shembüpai moihimanteke.

KAHBHAO 30:30

Ngei peishekü nüng maani angpü sheyü longi dateke, hatü ngei melei nyu, Shembüpai nüng kü moihimanteke. Shejao shaang ngei ngelei shemong shing mechem dükhahhen?” shei e.

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 21:20

Ha naü longyaki Kahvang hapa naü mü nyu, hatü büpa Paran jahpanei nyu, hatü sikari shennyak meipü leiteke.

KAHBHAO 39:2

Shembüpa Joseph mü nyu, hatü lemphü aokpü shennyak lei; büpa Ijip am büpalei shembü amei shemei nyu.

2 ONGPATHÜ 18:7

Shembüpa büpa mü nyu; büpai dükpü lemphü kü aokpü dang. Büpai Assyria ongpa khüei yaong, hatü büpai büpa chongnepho.

KAHBHAO 21:23

Shaang nüngi Kahvangei men kü ngei mü, ngelei hühihathü mü nevaijü ngei phei kübüthü mü lueilemei nelingpih shei ngei kü lahshih. Ngei nüng mü hingshangi nyupü keiha nüngiyao ngei hatü nüng nyupü kahmük kü hingshangi nyuhen lahshih” shei e.

KAHBHAO 39:21

Shejao Shembüpa Joseph mü nyu, hatü büpa bampü hu; büpai khoklat yompü veshan longpübai büpa kü bamhen peihü.

SHAHKÜP 2:7

Shembüpa, ammei Kahvangi ammi dükpü lemphüli kü moihimanteke. Mangpü jahpan homei daipü lemyang kemei kü büpai am kü jungteke. Vangbong pinyi thahshi Shembüpa, ammei Kahvang am mü nyu, hatü ammi napü lemphü dangteke.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

1 SAMUEL 3:19

Samuel long hatü Shembüpa büpa mü nyu hatü büpalei shah hükao kahdokei nevüshih.

1 SHÜPPÜKENGPÜ 9:20

Sheleiyü Eleazarlei cheha Phinehasyü shaden yombüthü kü mübü nyu, hatü Shembüpa büpa mü nyu.

2 SHÜPPÜKENGPÜ 1:1

David ongpalei cheha Solomoni Israel ongching wong kohshi ling; Shembüpa, büpalei Kahvang büpa mü nyu hatü büpa ahshi-üng longpü leihüteke.