KAHBHAO 38:24 - DAÜLANGPÜ LAIHING (BSI)

²⁴ Len jem hükshing angpheikü hanei ami Judah kü, “Nüngei hapeülei nyüha Tamar-ü büm yupü am kei dükpü khih, hatü shaang pinnyü büm nekongi nyüke” shei eshuohteke. Judah-i, “Pinnyü ngaiyei aw kü jaktüktuh” shei e.

KAHBHAO 38:24 Referans Kwoze

LEVI 21:9

Ngongpalei yiükha hük büm yuei nedaünelangi leijema, pinnyüi chepa veühüteke; pinnyü-ü aw kü jaktükhen.

HOSEA 2:5

Mehenangkü pinnyüi mükbongjuyung dükteke; pinnyüi neveü gühshe shatü jom büh-ei paümteke. Pinnyüi, “Ngei kü nük, yung, phümphah ashak hatü nyemin ashak, olive mainga, hatü yiü shuohpü maithü touei daihen” shei eteke.

EZEKIEL 23:44

Mehenangkü shennyak hük büm yupü am touei peipükei jomi pinnyü touei peiteke. Hapa keiha jomi nehetpü nyüha Oholah hatü Oholibah nyi mü shiteke.

EZEKIEL 23:19

Shejao pinnyü nela hepak kü Ijiplei büm yuei nyupü nyihthü deih-ei pinnyü nyeinya nyeinya büm yupü am leidaipeih.

EZEKIEL 23:5

Ngei mü shem yemei tuhtü Oholah-i Assyria am veshanthü,

SHAHPHENBÜTHÜ 19:2

Shejao büpalei yiükphüi büpa kü loh-ei Judah kahdok Bethlehemei chepa am shemei büpa mü yanei leiyei lenyang ali hükshing nyuteke.

ROM SHAHSHA APPÜ 14:22

Nüngi hathü dou nangkü mepa kü hinglem hayü Kahvang anji aa kü mon tuhtuh. Laophüi jiüpeih shei deihpü kü laophü nyingi nenyonghüpüthü moihiman.

HOSEA 4:15

Oh Israel, nüngi mükbongjuyung düklangmao, Judah amao pungpü teleihü. “Amphong Gilgalei nevaijü Beth-Avenlei aongei tekhüm, nevaijü vanyangyem Shembüpa men kü tevangteshuw.”

HOSEA 3:3

hatü ngei pinnyü kü, “Nüng ngei mü nyih longi nyuhen, nüng büm yupü am tevai, nevaijü lebü shennyak üpa mao tekütejemtei, hatü ngei nüng mü nyukahen” shei e.

EZEKIEL 16:41

Jomi ammei shem awi shamtükhen hatü nyühathü longi eeshi am kü shahphenhen; am büm yupü ngei dohtükhühen hatü ammei chühimai kü lop shuohpü dohtükhühen.

EZEKIEL 16:28

Lebüthüi ammei mükbongjuyung hüneshemhüpü nangkü ammi shao Assyria am phei changei daiyei büm yuteke; hatü hapaiyao am hüneshemhü.

EZEKIEL 16:15

Shejao ammi am dhemeilaümapü kü monglemtü ammei menmeiyü büm yuhen nangkü noteipeih, hatü peihpü leipü peü mü mükbongjuyung dükpeih.

JEREMIAH 3:8

Ngei hingnelempü Israel kü yanhen lai shuohpeih, hatü pinnyüi mükbungjuyung dükpü nangkü yanei leishihpeih. Shejao ha eetü hingnelempü chenaü Judah-i nyemei nedeih; pinnyüao daiyei mükbungjuyung dükteke.

JEREMIAH 3:6

Josiah ongpalei nyih kü Shembüpai ngei kü eteke: Hingnelempü Israel, pinnyüi mehe dük, mekei pinnyü shangtao shaopü peülei aongei, hatü püdhüm peülei büm yuei kamteipü nüngi eela?

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

CHONGVENBÜ 7:26

Dipü mao nyeinya shahyakpeyü ngei nyüha hük hühhihang keiha pinnyülei mongdangü tailok kei, hatü pinnyülei lakü nyiamvü kei eeteke. Üpa shennyaki Kahvang mong hahhünya, pinnyü toueipü yangdaihen, shejao mang shennyakü pinnyülei tai kü manlanghen.

2 SAMUEL 12:7

Hahepak kü Nathani David kü, “Hapa shennyak-ü nüng khih! Shembüpa, Israel Kahvangi hapakei enyüke: ‘Ngei nüngü Israel shak kü ong vaihühen shingvaishi thiteiphuei jepeih, hatü Saulei lak kübü ngei nüng yangpeih.

2 SAMUEL 12:5

Davidi hapa shemmeipa kü mongshih, hatü Nathan kü, “Vanyangyem Shembüpalei men kü enyeih, hapakei dükpü shennyakü dihen shangei nyüke;

SHAHKÜP 24:16

Hapeüthüi ten dükpü nangkü nyühipa nejühen, nevaijü nyühipalei mang nangkü hapeüthü nemahtükhen; shennyak hük laophülei mang nangkü mon mahhen.

LEVI 20:10

Shennyak hanei-i laophülei chingyowpalei nyüha mü mükbongjuyungjema, jijiphen jütükhen.

KAHBHAO 34:31

Shejao jiji-i, “Hamei naüpeü-ü büm yupü am kü kei jomi dükhen je?” shei e.

KAHBHAO 20:9

Hapheikü Abimelekh-i Abraham nyükei shütü büpa kü, “Nüngi ham kü mehe düknya? Ngei hatü ngelei ongching kü hajük longpü mang koei peihühen mü ngei nüng kü mehe shaiphopa? Nüngi ngei kü nedükhen dou dükteke” shei e.

KAHBHAO 20:7

Shaang nüngi hapa nyüha chepaha kü leiyeishuoh; mehenangkü büpayü thibü hük, hatü büpai nüng shing phopphahen hatü nüng meishi nyuhen. Shejao nüngi pinnyü neleishihjema, nüng hatü nüngei nanglak kemei dihen” shei e.

KAHBHAO 20:3

Shejao yahük mangh mü Abimelekh touei Kahvang yiüei büpa kü, “Nüngi yahpü nyüha tata kü dihen; mehenangkü pinnyü-ü shem yemdaipü nyüha hih” shei e.

KAHBHAO 38:23

Judah-i, “Jahmao, pinnyüi hathü dou pinnyülei vaiyei nyemtuhhah, hei nevaijema mihnyiyangnyai ponghen khih. Veihümao, ngei pinnyü kü yum baongha shompü khih, shejao nüngi pinnyü nepong” shei e.

EZEKIEL 16:25

Lemnyüshong ieyei kü ammi lajei khümshing ling, hatü ammei dhemeilaüma yuhahteke; peihpü leipü peü kü laophülei büm yuhahteke.

EZEKIEL 16:26

Ngei mongshihhühen mü ammi iyjeiphaileipü Ijip am mü büm yupü nyeinya vamhüteke.