KAHBHAO 38:2 - DAÜLANGPÜ LAIHING (BSI)

² Halei Judah-i Kanan am Shualei yiükha hük pongteke. Büpai pinnyü mü shem yem,

KAHBHAO 38:2 Referans Kwoze

1 SHÜPPÜKENGPÜ 2:3

Judahlei hapeüthü: Er, Onan, hatü Shelah. Hathü jom jemü Kanan am Bath-Shualei yiükha-i bühpü hapeüthü nyuteke. Judahlei hashongpa Er-ü Shembüpa touei mang thah; hanangkü Shembüpai büpa jütük.

KAHBHAO 24:3

hatü Shembüpa, vangsho hatü kahdoknyü shak kü Kahvangei men kü ngelei hapeü shing shaang chemi nyupü Kanan lapeü yiük neyahpih,

2 KORINT 6:14

Ammi nevaipüthü mü pang hük kü tepaai. Mehenangkü daülangpü hatü mang nyi melei jempa? Nevaijü vangngai-i vangnyak mü melei jempa?

2 SAMUEL 11:2

Nyih hük om hepak kü David shipü paoei shem adokei aongei kamteiyei nyu. Shem adok shangeipü büpai nyüha hük hangha lakei ee. Hapa nyühayü longi nela meipü nangkü,

SHAHPHENBÜTHÜ 16:1

Nyih hük Samson Gazalei heihshingkü halei büm yupü nyüha hük heüei pinnyü mü paümteke.

SHAHPHENBÜTHÜ 14:2

Mechem büpa shemei leipa, büpai chenyü hi chepa nyi kü, “Ngei Timnahlei Philistia am nela hük eepeih; pinnyü ngelei nyüha vaihen yahshih; ngei pinnyü mü shem yemhen hih” shei e.

KAHBHAO 46:12

Judahlei hapeüthü: Er, Onan, Shelah, Perez hatü Zerah (shejao Er hi Onan nyiyü Kananei nyushi didai). Perezlei hapeüthü: Hezron hatü Hamul.

KAHBHAO 34:2

Mechem Hiv am Hamorlei cheha Shekhem, hapa moidoi kü longpü shennyaki pinnyü eepa, büpai pinnyü yepei douten dük.

KAHBHAO 6:4

Hathü nyih kü hatü haphei kao Nephilim am hapa kahdoknyülei nyu. Mechem Kahvang hathüi hangkulei yiükhathü touei peipa, jomi hathü mü hapeüthü büh. Jomü aivang mebü hampa hatü bümlong wong kohpü men-e shennyakthü nyuteke.

KAHBHAO 6:2

Kahvang hathüi hangkuli yiükha nela meipü ee, hatü jomi jepüthü mü shem yem.

KAHBHAO 3:6

Mechem hapa nyühai hapa pü kübü betjükü hahhen meihen khih, veihenao meiangke hatü kihikon danghenao lümshi khih shei veiaokpa, pinnyüi maani yah-ei ha hah. Shao pinnyüi pinnyü mü nyupü chepaha kao hanei shuoh, hatü büpai ha hah.

BHEI-IE 26:19

Er hi Onan nyiyü Judahlei cheha nyi nyuteke, shejao jiji Kananei nyushi didai.

KAHBHAO 28:1

Hapheikü Isaki Jakob kü nyükei büpa kü moihimantü büpa kü, “Nüng Kanan am nyüha hük mao shem teyem.