KAHBHAO 37:9 - DAÜLANGPÜ LAIHING (BSI)

⁹ Hapheikü shao büpai mangh hük mangh, hatü ha büpai chejeihijei am kü ejateke. Büpai, “Banghümao, ngei shao mangh hük manghpeih, vanghe, lennyü hatü litha anpühük ngei kü khümei manghküpeih” shei e.

KAHBHAO 37:9 Referans Kwoze

KAHBHAO 37:7

Jen peü kahlei hahbhaong shaei nyuteke. Ngangahük kü ngelei hahbhaong yaongteke, hatü amphongei hahbhaong kemei shonei aümei shaei khümei manghküpeih” shei e.

PHILIPPI 2:15

shejüang kaokdaipü hatü nyongdaipü den kü amphong eela neshiüpü, daülangpü, kawhikang neshiüpü Kahvang hathü vaihen; hapa kü amphong lithathü kei kahdoknyü kü nyahen.

DANIEL 8:10

Hapa vangsho phongshanthü kei wong kohshi longteke hatü büpai vangsho lithathü hanei kahdokei vüshih, hatü hathü kü la-i shoup.

KAHBHAO 47:12

hatü Joseph-i chepa, büpalei cheihinaüthü hatü chepalei shem am shennyak meshük nyu, ha ittü hahying shuoh.

KAHBHAO 46:29

Joseph-i büpalei koyei khari temtü Goshenei chepa Israel mü pongteinüng heih. Josheph-i chepa touei ngoihinüng chepa kü khaaitü hepak luangi thep.

KAHBHAO 45:9

Shaang amphong shülangi opa touei leiyei büpa kü, ‘Anha Joseph-i hapakei enyüke: Kahvangi ngeiyü Ijip kempü kü shembü leihüteke. Nepheidai-i ngei yemei yiüdaikei.

KAHBHAO 44:19

Ngeilei shembü nüngi nüngei chongphobü kü, ‘Ampa nevaijü anaüpeü nyüla?’ shei phephopeih.

KAHBHAO 44:14

Mechem Judah hatü chenaüthü Josephei shemei shüjapa, Joseph-ü shemei nyu, hatü jom peüi büpa touei aümei sha.

KAHBHAO 43:28

Jomphongi, “Nüng chongphobü, opayü meishi-üng shaang thahshi yemmü nyüpeih” shei e, hatü jomphongi aümei shatü büpa kü dhüm shuoh.

KAHBHAO 41:32

Aihük mangh nyi manghpeyü Kahvangi ha temtüktü nyüke, hatü büpai ha lomi koei peikahen.”

KAHBHAO 41:25

Hahepak kü Joseph-i Pharaoh kü, “Hapa mangh nyiphen aihük mon khih; Kahvangi mehe dükhen nyu, ha shakei vamei hupü khih.

KAHBHAO 37:10

Mechem büpai manghthü chepa kü hatü chejeihijei am kü ejapa, chepai büpa kü loh, hatü, “Nüngi hayü mehe mangh manghküpa? Hingmei anyü henji hatü anjeihijei am peü peiyei nüng kü kahdokei aümei khümhen je?” shei e.

KAHBHAO 37:8

Chejeihijei ami büpa kü, “Nüngü hamphong shak kü ong vaihen deihpü je?” shei e, hatü jomphongi nyeinya büpalei mangh ejapü nangkü jiühit.

KAHBHAO 20:3

Shejao yahük mangh mü Abimelekh touei Kahvang yiüei büpa kü, “Nüngi yahpü nyüha tata kü dihen; mehenangkü pinnyü-ü shem yemdaipü nyüha hih” shei e.

KAHBHAO 42:6

Shaang Joseph-ü hapa kahdok kü governor vaiteke; büpai kahmük kübü nanglak peü kü hahying yuteke. Josephei chejeihijei amao yiüei büpa touei jomei dhe kahdokei aümei sha.

KAHBHAO 43:26

Mechem Joseph shemei leijapa, jomphongi büpa shemongei shüei hapa thintho shuohtü büpa touei aümei shateke.

BHEI-IE 12:6

“Ngei epü bangtuh: Mechem am mü thibüthü nyuhen, ngei jom touei manghkhang homei shakei vamnyüpeih; Ngei jomphong mü mangh kü eteinyüpeih.