KAHBHAO 37:8 - DAÜLANGPÜ LAIHING (BSI)

⁸ Chejeihijei ami büpa kü, “Nüngü hamphong shak kü ong vaihen deihpü je?” shei e, hatü jomphongi nyeinya büpalei mangh ejapü nangkü jiühit.

KAHBHAO 37:8 Referans Kwoze

PHONGSHANTHÜ DOU 7:35

“Üpai nüng vanglem lembü hatü shahphenbü vaihen jepa?” shei eshi jomi yaktükpü Mosayü büpa nyuteke, hatü shaangü pünien kü vamei vangsho phongshan hupü homei Kahvangi büpa vanglem lembü hatü bümei leihüpüba vaishi shomteke.

1 SAMUEL 10:27

Shejao hanei büpa kü yaüei, “Hapa shennyaki mekei etü jen yangaokhenang?” shei e. Jomphongi büpa kü yaüei e, hatü meheyao thintho neshuoh. Shejao Saul nenmü nyu.

HEBREW 10:29

Üami Kahvang Ha kü la-i shoup, jom daütükpü vangpüshuwpü iy sheihtük, hatü phahjipü Laangha kü ne-ienelempüthü kü meshük nemeipü hanghi danghen shangpeih shei ammi deihnya?

LUK SHAHSHA APPÜ 20:17

Shejao büpai jomphong kü veitü, “Lai kü nyangei nyupü hapayü mehe lappüang?” “Shem vepüthüi yaktükpü yaong shemshouk kü shongnyü yaong leipeih.”

LUK SHAHSHA APPÜ 19:14

Shejao laophülei nanglaki büpa kü jiühit, hatü büpa pheikü phongmokbüthü shomei, ‘Hami hapa shennyak ham shak kü vanglem lemkahen nenanyih’ ” shei e.

MENVIH KESHO 118:22

Shem vepüthüi yaktükpü yaong shongkaong yaong longpü leipeih.

1 SAMUEL 17:28

Davidei chejei bahhepa Eliabi jomphong mü Davidi eteipü danei, büpai David kü mongshih-ei, “Nüng mehenüng yiüküpa? Jahpanei mi üpa kü tuhphongtü daiküpa? Nüngei mongei deihpü hatü nüngei mongdang nemeipü ngei nyingei nyüpeih. Nüng mih hokpü kü veinüng shei daiküpü-ü” shei e.

MÜLANGPÜ 2:14

Hapa shennyaki Mosa kü, “Üpai nüngi ham shak kü vanglem lembü hatü shahphenbü vaihen jepa? Nüngi Ijip naüha jütükpükei ngeiyao jühen deihnyu je?” shei e. Hahepak kü Mosa nyem hatü ngei mehe dükpa, hayü mih-i nyinglangteke shei deih.

KAHBHAO 49:26

Ampalei moihimanü aivang den mebü kahshangthü, hatü den luangi daipü shangtaothülei moihiman mao longpüba. Hathü moihiman Josephei shangjing kü, hatü jeihinaüthü toueipü khaatei deitükpülei shangba kü nyutuh.

KAHBHAO 37:4

Mechem chejeihijei ami jomphong meyü chepai büpa kü-üng nyeishi bamnyüke shei nyingpa, jomi büpa kü neveihü hatü shahmei hükao büpa kü ne-e.

KAHBHAO 27:41

Shaang chepai Jakob kü moihiman shuohtükpü nangkü Esau-i Jakob kü jiühit, hatü Esau-i büpa nyingi, “Opa dihen nyih ngoikünyüke; hahepak kü Jakob jühen” shei deih.

KAHBHAO 37:9

Hapheikü shao büpai mangh hük mangh, hatü ha büpai chejeihijei am kü ejateke. Büpai, “Banghümao, ngei shao mangh hük manghpeih, vanghe, lennyü hatü litha anpühük ngei kü khümei manghküpeih” shei e.

KAHBHAO 42:10

Jomphongi büpa kü, “Nevaipih, hamei shembü, hamphongü hahying shaknüng yiüküpeih.

KAHBHAO 44:18

Judah-i Joseph touei heih-ei, “Oh ngeilei shembü, nüngei chongphobüi nüngei dhaongi danshi shah phahük eküshah; nüngi ha kü mongshih-ei tedeihkei; nüngü Pharaoh keipü khih.

KAHBHAO 50:18

Hahepak kü büpalei cheihinaüthüiyao büpa touei doei lemtü thepei, “Hamphongü nüngei aathü hih” shei e.

SHAHKÜP 33:16

Sinai Kahshangei pünien homei shah epü Shembüpai jomei kahdok thintho meipai mahütuh. Ha moihimanthü peü Joseph kü nyuhütuh; Mehenangkü büpayü jeihinaüthü khongkü mübü nyuteke.

1 SAMUEL 18:8

Hapa kesho kü Saul longi mongshih; mehenangkü jomphongi Davidi haja an jüpeih, shejao ngeiyü haja jüpeih shei enyüke; sheyü ongching danghen mon aopü khih shei büpai deih.