KAHBHAO 37:34 - DAÜLANGPÜ LAIHING (BSI)

³⁴ Hahepak kü Jakobi laophülei ashak shaaktük, hatü shüng kü dhoila ashak ngeihtü nyih longi mahng thep.

KAHBHAO 37:34 Referans Kwoze

KAHBHAO 37:29

Mechem Reuben nyokei leiyei kahshalei veipa, büpai Joseph ne-eepü nangkü büpai laophülei ashak shaaktük.

2 SAMUEL 3:31

Hapheikü Davidi Joab hatü büpa mü nyupü shennyakthü kü, “Ammei büm-ow shaaktuh; dhoila ashak ümtü Abner nangkü mahng theptuh” shei e, hatü mahng vühen daishingkü David ongpa mahng pheilei müei dai.

SHAKEI VAMPÜ 11:3

Ngelei denbü nyi kü nyih 1260 dhoila ashak ümtü teteivanhen wong shuohhen” shei e.

PHONGSHANTHÜ DOU 14:14

Mechem phongshan Paul hi Barnabas nyi-i ha danpa, jijinyi-i ashakviha shaaktüktü lenyaki khongnyü lemei mokei heih.

MATHI 26:65

Hapa shah kü ngongchongi büpalei ashak shaaktü, “Büpai eelanyüke! Jeni ha mü lenei mehe denpü nahen? Ammiyao shaang büpai eelapü danteke.

MATHI 11:21

Korazin am onyükei! Bethsaida am onyükei! Am kü dükpü yashanpü douthü paoh Tyre hatü Sidon am touei düklangmeyü jomü dhoila ashak ümtü depla nyiotü shelei mebü mang lah-ei mong lephah shepeih.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

JEREMIAH 36:24

Ongpa hatü büpalei lakchongbüthüi hathü shah dantü nyemei nedeih, nevaijü jomei ashak neshaaktük.

ISAIAH 36:22

Hapheikü ongshem veibü Eliakim, Hilkiahlei cheha, laknyangbü Shebna, hatü Asaphei cheha Joah nyangbü hathüi mongmangei jomei ashakviha shaaktüktü Hezekiah touei leiyei veshan mübüi mehe eshuoh, ha büpa kü eshuohteke.

ISAIAH 32:11

Kheütuh, laophü kü monglemtü nyupüthü; nentuh, am mongnyangshi nyupü nelathü. Ashakviha nyiuktüktuh, hatü dhoila ashaki ngeihtuh.

MENVIH KESHO 69:11

Mechem ngei owhen dhoila ashak thüngpa, jomi ngeiyü shahlemlak kü shihnyüke.

JOB SHAHSHA APPÜ 2:12

Mechem jomi tailei büpa eepa, jomi büpa khih shei nenyingaok; mechem büpa khih shei nyingpa, jomi wongmü thep, jomei ashakviha shaaktük, hatü shangjing kü depla nyioteke,

JOB SHAHSHA APPÜ 1:20

Hahepak kü Job yaong hatü büpalei ashak shaaktük, sho chaei kuptük hatü kahdokei aümei shaei khüm,

NEHEMIAH 9:1

Hapa len nyih hapüalipabü kü Israel nanglakthü peü thaiyei dhoila ashak ümtü kahdok nyiotü shüaeiyungleteke.

1 SHÜPPÜKENGPÜ 21:16

David ngangei veishuoh shingkü phumshang jiamei vangsho phongshani yanlu notü Jerusalem tentükhen lak yiüei ee. Hahepak kü David hatü mübüthüi dhoila ashak ümtü dhe shüshi lemteke.

2 ONGPATHÜ 19:1

Mechem Hezekiah-i ha danpa, büpai laophülei ashak shaaktük, hatü dhoila ashak ümtü Shembüpalei shemei dai.

1 ONGPATHÜ 21:27

Mechem Ahabi hathü shah danpa, büpai laophülei ashak shaaktüktü bümbai dhoila ashak ümtü shüaeiyungleteke. Büpai dhoila ashak ümtü shi, hatü mongshangei dhe yimdaitü nyu.

1 ONGPATHÜ 20:31

Büpalei lakchongbüthüi büpa kü, “Veihümao, Israel ongthü-ü phahji yahyang kohpü ongthü shei jeni danei nyüke. Hamphongi Israel ongpa touei shüng kü dhoila ashak, hatü shangjing kü vü hintü heihjashah; üpai nyingpa, büpai nüngei yangnyu yangphahen aokpeih” shei e.

2 SAMUEL 1:11

Hahepak kü Davidi laophülei ashak shaaktük hatü büpa mü nyupüthü peüi hapakei dük.

JOSHUA 7:6

Hahepak kü Joshua-i laophülei ashak shaaktük, hatü om dhüshi Shembüpalei Vangpüshuwpü Pela touei kahdok kü dhe shüshi nyuteke. Israel am behethüiyao hapakei dük hatü shangjing kü bhihla nyioteke.

KAHBHAO 42:38

Shejao büpai, “Ngelei hapeü nüng mü nedeishihpih, chejei didai, shaangü büpa mon aopeih. Lemei lemhük kei büpa kü vamjema, viüdaipü ngelei yangnyu-ü nüngi koei peipü mongshangi ngei dihen khih” shei e.

KAHBHAO 44:13

Hanangkü, jom peüi laophülei ashakviha shaaktük, hatü gadu kü hanggo shihtü chingnyü yemei nyokei lei.

2 ONGPATHÜ 2:12

Elisha-i ha eetü lenei, “Opa! Opa! Israel amei koyei kharithü hatü koyei shennyakthü!” shei e. Elisha-i hajük kü Elijah ne-ee. Hanangkü büpai büpalei ashak kü düktü nyi anei shaaktük.

2 ONGPATHÜ 22:11

Mechem ongpai hapa Shahkungnyü Laitap leipü shahthü danpa, büpai laophülei ashakviha shaak,

1 SHÜPPÜKENGPÜ 7:22

Jiji nangkü chepa Ephraimi nyih longi mahng thep hatü büpalei shem ami büpa mong nyiushem meihühen peiteke.

JOB SHAHSHA APPÜ 16:15

Ngei ngelei büm kü dhoila ashak thüngei ümpeih, hatü bhihla kü ngelei wong dungtükpeih.

JEREMIAH 48:37

Mehenangkü peüi sho hatü jumum chaei kuptükteke; peüei lakei makaw nyüke, hatü peüei shüng kü dhoila ashaki ngeihshi nyüke.

SHAHPHENBÜTHÜ 11:35

Mechem büpai pinnyü eepa, büpai mongshangei laophülei ashak shaaktük hatü lenei, “Oh ngelei yiükha! Nüngi ngelei mongdang mangtükteke! Mehenangkü ngei Shembüpa kü vangpüshuwpü hük lingpeih, hatü ngei ha mangtüknüng neaok” shei e.