KAHBHAO 37:26 - DAÜLANGPÜ LAIHING (BSI)

²⁶ Hahepak kü Judah-i cheihinaüthü kü, “Jeni jenei naüpeü jütü büpalei iy jojü mehe nanglei nyüpa?

KAHBHAO 37:26 Referans Kwoze

KAHBHAO 37:20

Kei, jeni büpa jütü kahsha hükei shükphongshah; jeni büpayü phaüyemi hahtükpü khih shei ehen, hatü büpalei mangh mehe vaikahen veishah” shei etei.

KAHBHAO 4:10

Shembüpai, “Nüngi mehe dükpa? Bangtuh! Anaüei iy kahdok leipü ngei thahshi lenei aongnyüke.

ROM SHAHSHA APPÜ 6:21

Shejema ammi shaang veüei deihpü dou dükei nyushingkü ammi mehe nanglei dangpa? Hathü douei dohpütenpeyü dipü nyüke.

MATHI 16:26

Shennyaki kahdoknyü kemei shakeishenaoktü laophülei yangnyu mahtükjema mehe nanglei nyüpa? Nevaijü laophülei yangnyu nangjei mehe shuohhen?”

EZEKIEL 24:7

Pinnyüi laophü mongei iy yenhüteke. Bhihla-i nelintükaokhen mü yaongba shangei haishi nyüke.

JEREMIAH 41:8

Shejao jomphong khong kü shennyak ani Ishmael kü, “Hamphong tejütük; mehenangkü hamei lakei wheat hah, barley, mainga hatü nyahjiü kahlei joshi nyüpeih” shei e. Hanangkü büpa hathü nejütüki yangei tuh.

MENVIH KESHO 30:9

Ngei didaijü hatü ngei kahshalei shüdaijü mehe nanglei nyüpa? kübhih-i nüng vihhen je? Nüng meipü jung hapai ehen je?

JOB SHAHSHA APPÜ 16:18

Oh kahdok, ngei kü nemei-i dükpü teküplang! Shahhing shingvaishi ngei lenpü kü nenmü tenyudai!

2 SAMUEL 1:16

Davidi büpa kü, “Nüngei iy nüng shak kü nyutuh; nüngi laophülei ju-i, ‘Ngei Shembüpai jepü shennyak jüpeih’ shei denpü shuohteke” shei e.

SHAHKÜP 17:8

Ammi shahphenpü uoshingei nedanteipü hanei koei peipüiy-aongmashateipü nevaijü mophimo heanlem nangkü aetteipü, nevaijü üpteilenteipü nang ammi shahphen neshuoh-aokhen mü vamjema, Shembüpa, ammei Kahvangi jepü khümshingei yah-ei deituh,

KAHBHAO 25:32

Esau-i, “Ngei dihen khih, behepa hean mehe nadang nyüpa?” shei e.

KAHBHAO 40:15

Ngeiyü Hebrew kahdok leipü güh-ei deilangpeih, hatü jomi shaang ngei kü hatouei khoklat kü tuhhen mü ngei mehe tenao nedükangpih” shei e.

KAHBHAO 42:21

Jomphong hüki hük mü, “Jeni jenei naüpeü kü dükshuohpü hapalei mang nangkü ponghahnyu khih; büpa ponghahküpü jeni eephei; büpai ngei yangshih shei khümshingkü jeni ha nebangpeih. Hanangkü jen kü ha shanghah peipeih” shei etei.

KAHBHAO 50:20

Amphongi ngei kü nemei-i dükhen deihjao Kahvangi hapayü shinnyih büpai dükpükei shennyak longi yangei tuhhen med kü mei leitü deihpeih.

JEREMIAH 36:25

Elnathan, Delaiah hatü Gemariah hathüi ongpa kü ha laidü aw kü tejaktük shei khümei ejao büpai hathüi epü nebang.

KAHBHAO 4:9

Hapheikü Shembüpai Kain kü, “Anaü Abel melei nyüpa?” shei phe. Büpai jangei, “Ngei nenying. Ngeiyü naüpeü yombü je?” shei e.