KAHBHAO 35:3 - DAÜLANGPÜ LAIHING (BSI)

³ hapheikü peikei, hatü ngei shanghahpü nyih ngei kü jangpü hatü ngei dailem peü kü ngei mü nyupü Kahvang kü moidü hük linghen jen Bethelei aongshah” shei e.

KAHBHAO 35:3 Referans Kwoze

ISAIAH 43:2

Mechem am yung homei daihen, ngei am mü nyuhen; hatü mechem am yungdang homei daihen, yungi am bhongei neshanlanghen. Mechem am awbhaong kü kamei daihen, awi am kü nekethen; awlomi am kü nelihen.

KAHBHAO 32:7

Hahepak kü Jakob longi nyemei mongshang, hatü büpai büpa mü nyupü shennyak, mi, mohoh, utthü kemei khong nyi vaishi hanteke,

KAHBHAO 31:3

Hahepak kü Shembüpai Jakob kü, “Ambü ampalei kahdok hatü jeihinaüthü yemei leituh, hatü ngei nüng mü nyukahen” shei e.

KANDOK 3:6

Nüngei lem peü kü büpa nyingtuh, hatü büpai nüngei lem kangshangi lingphahen.

KAHBHAO 31:42

Ngelei opalei Kahvang, Abraham Kahvang nenyulangmeyü hingmei nüngi ngeiyü lakkong leishihshah shepeih. Shejao Kahvangi ngei ponghahpü hatü ngei nyiueinangei dükpü eeyei meya büpai nüng kü lohpü khihma” shei e.

ISAIAH 30:19

Oh Jerusalemei nyupü Zion nanglakthü, am hajük kü netheppih. Ammi vaüpü eepü ngeü danei büpai am kü phahjiei deihhen; mechem büpai ha danhen büpai jangphahen.

MENVIH KESHO 107:6

Hahepak kü jom shanghahpai Shembüpa kü nyük, hatü büpai jom shanghah kübü yang.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

KAHBHAO 32:24

Jakob büpa monha nyu, hatü shennyak hüki vangngaipü thahshi büpa mü bhowteke.

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

MENVIH KESHO 107:8

Shembüpai bampü shingvaishi, hatü hangku kü büpalei thamapü douthü shing jomi menvih shuohhütuh.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

MENVIH KESHO 46:1

Kahvangü jen loishing hatü wong, shanghah kü shaangpü shaang sheühbü.

KAHBHAO 35:4

Hanangkü jomei kung amei kahvang lajeithü hatü dhaongchü kemei Jakob kü shuoh, hatü Jakobi hathü peü Shekhem yopai leipü longkhampü phangei jotük.

KAHBHAO 35:7

hatü büpa El-Bethel shei mentü moidü hük ling; mehenangkü büpai chejei toueipü laongei daishingkü hatouei büpa kü Kahvang shakei vamteke.

1 SAMUEL 10:3

“Nüng hatoueipü leiyei Tabor leipü longkham pünyü ngoijü nüngi shennyak jem Bethelei Kahvang mü heününg aongpü halei nüngi ponghen. Shennyak hüki yum cheha jem, shennyak hüki aan bhaok jem hatü hükpai yiü-üm hük kotü ponghen.

KAHBHAO 48:15

Joseph kü moihimanei hapakei e: “Kahvang üpa kü ngelei bühipai chongphopa, Kahvang üpai shinnyih thahshi ngelei yangnyu müpa,