KAHBHAO 35:2 - DAÜLANGPÜ LAIHING (BSI)

² Hanangkü Jakobi büpa mü nyupü shem am peü kü, “Am mü nyupü kung amei kahvang peü yaktüktuh hatü am nyingi daütüktuh hatü ashakviha jeituh,

KAHBHAO 35:2 Referans Kwoze

MÜLANGPÜ 19:14

Hanangkü Mosa kahshang leipü leiyei nanglakthü daühüteke, hatü jomi laophülei ashakviha daüteke.

MÜLANGPÜ 19:10

Shembüpai Mosa kü, “Nüng nanglakthü touei leituh hatü shinnyih hatü ngenyih shei jom daüeilangei temtuh. Jomi jomei ashakviha daüeilanghütuh,

JAKOB 4:8

Kahvang yopailei peikei hatü büpa am yopailei peikahen. Ammei lak daütüktuh, am mang shennyakthü, hatü ammei mongdang daütüktuh, am mong nyi kohpüthü.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

JOSHUA 24:23

Joshua-i, “Shejema shaangüng am toueipü kung amei kahvangthü yaktüktuh, hatü Shembüpa, Israel amei Kahvang kü ammei mongdang shuohtuh” shei e.

JOSHUA 24:15

Shaang ammi Shembüpa chongnephohüjema, ambü ampai Euphrates yungdangei chongphopü kahvangthü hi nevaijü am shaang nyupü kahdok Amor amei kahvangthü chongphohenmepapa chongphohen shinnyih-üng amphongi jehahtuh, shejao ngei hatü hamei shemongi payü Shembüpaüng chongphohen” shei eteke.

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.

SHAHKÜP 32:16

Jomi lebü kahvangthü homei Shembüpa mükhakhüteke, hatü jomei douteni büpa mongshih vamhüteke.

KAHBHAO 31:34

Racheli hapa shem kahvang lajei yah-ei ut dokshang uoshing phangei hütü ha kü pinnyü uodai. Labani ashakshem yiukeiyatei yem shejao nedang.

KAHBHAO 31:19

Shaang Labani mimum japhen dai, hatü Racheli chepalei shem kahvang lajei güh-ei lüdai.

JUD SHAHSHA APPÜ 1:23

aw leipü leppükei lebüthü yangtuh, hatü lebüthü kü nyempü mü phahji hutuh, shejao jomei büm iyjeiphailei homei sheihtükpü ashakviha kü jiühittuh.

GALATIA 4:8

Shelei mechem ammi Kahvang nenyingi nyupa, amphongü nyingnyoi kü-üng Kahvang nevaipü kahvangthülei aa vaihampeih.

1 KORINT 10:7

Jomphong hanei am keiha am lajei khümpü am telei; hapa nyangei nyüke, “Nanglakthüi hahhen yinghen uo, hatü jom ngahenjahen yaong.”

PHONGSHANTHÜ DOU 19:26

Ammiyao eeteke hatü danteke, Ephesialei mon nevai shejao Asia kempülei hapa Pauli shennyakthü longi laki lingpü kahvangü kahvang nevaipih shei eshi yawh-ei leplangkemteke.

DANIEL 5:4

Mechem jom yiüi chokkempa, jomi hon, ngin, melangnyiam, nyiam, pü hatü yaongi lingpü kahvangthü men long.

EZEKIEL 20:7

Hatü ngei jom kü, “Ammei mük mopü jiühitbenüng douthü peü yaktüktuh, am peüi, hatü Ijip amei lajeithü homei am nedaü-i teleihü; ngeiyü Shembüpa, ammei Kahvang” shei etepih.

JEREMIAH 16:20

Shennyaki laophülei kahvang lingnyu je? Hih, shejao hathüyü kahvang nevai!

JEREMIAH 13:27

Shangchingthülei ammei jiühitnalai, mükbongjuyung, vaüpü eepü, neveüi büm yupü ngei eetepih. Onyükei, Oh Jerusalem! Nedaünelangi meshük lushi nyuhenang?”

JEREMIAH 5:7

Mekei etü ngei am kü mang tükaokhen? Ammei hapeüthüi ngei yakphongteke, hatü Kahvang nevaipü kü khümnyüke. Mechem ngei jom kü moh-ei ühshuohhen, jomi mükbungjuyung düknyüke, hatü büm yupü amei shemei küpshi nyunyüke.

ISAIAH 52:11

Layaongtuh, layaongtuh, haleipü lüdaituh! Nedaünelangpü dou kü tehong! Haleipü vamei lüdaituh, hatü Shembüpalei yungshongthüao kotuh.

ISAIAH 1:16

Am nyingi paütüktuh, hatü daülangi leituh. Am toueipü ammi dükpü doulemthü yaktükkemtuh, ten dükpü dohdaituh.

CHONGVENBÜ 5:1

Shembüpalei shemei mechem nüng daihenshang lakhila kenhingshi daituh. Jiüpü nejiüpü nenyingi ngapa kei moila shuohpü leimeyü yopailei heih-ei banghahpü-üng meipüba.

MENVIH KESHO 51:7

Hyssop yah-ei ngei daütükshih, hatü ngei daüdaihen; ngei paütükshih, hatü ngei shüdao mao shoshi leidaihen.

MENVIH KESHO 51:2

Ngei pungpü kübü meishi daütükshih, hatü ngelei mang kübü ngei paütükshih.

JOB SHAHSHA APPÜ 1:5

Mechem jom mopü temhenshang Jobi jomphong daütük, hatü büpai dhom mü lomi paoei jomphong pabüm ieyei shing jakpü moila shuoh; mehenangkü Jobi, “Ngelei hapeüthüi mang thah-ei shiühen aokpeih, hatü jomei mongei Kahvang thaüvaüei shiühen aokpeih” shei e. Jobi düngei hapakei dükteke.

1 SHÜPPÜKENGPÜ 16:26

Mehenangkü jatthülei kahvangthü kemei lajei monha, shejao Shembüpai vangshothü lingpeih.

2 ONGPATHÜ 17:29

Shejao jatthü peüi laophü laophü nyupü shingthü peü kü laophülei kahvang lajei lingtü Samaria ami lingpü khümshing vaümchongthü touei haüei tuh.

2 ONGPATHÜ 5:10

Elisha-i büpa kü eshuohhen shingvaishi phongmokbü hük shomei, “Daiyei Jordan yungyenei nyetpa thahshi paütuh, shejüang nüngei büm chemjalak kü daüei meidaihen hih” shei eteke.

2 SAMUEL 7:23

Hatü nüngei nanglak Israel kei kahdoknyü kü jat hük Kahvangi laophü lompü nanglak vaihen angei leipü, hatü laophü shing men tuhhen, hatü laophülei nanglak touei lebü jatthü hatü jomei kahvangthü changtüktü jomphong shing longpü hatü nyempühanpü dou dükpü üpa nyüpa?

RUTH 1:15

Hanangkü Naomi-i pinnyü kü, “Veituh, anüngnyü jomei nanglak hatü jomei kahvang yemei leidaiteke. Nüngao pinnyü mü leituh” shei e.

SHAHPHENBÜTHÜ 10:16

Hanangkü jomphong jom toueipü kung amei kahvangthü yaktüktü Shembüpa kü khüm, hatü büpai Israel am ponghahpü kü veishi nenyuaok.

JOSHUA 24:20

Ammi Shembüpa yakphongtü lebü kung amei kahvangthü chongphojema, büpai shelei am kü meipü düklangmao am kü shanghah yahphahen hatü li mahtükhen” shei e.

JOSHUA 24:2

Joshua-i nanglakthü peü kü e, “Shembüpa, Israel amei Kahvangi enyüke: Hepak longi daiteke, ammei ambü ampa, Abraham hatü Nahor nyilei chepa Terah omshi Euphrates yungdangei lebü kahvangthü chongphoei nyuhampeih.

JOSHUA 23:7

am mü nyupü jatthü mü tejemtei; jomei kahvangei men tenotei nevaijü vangeishuwei te-e. Ammi hapa kü chongtepho nevaijü tekhüm.

SHAHKÜP 11:28

shejao ngei shinnyih am kü epü Shembüpa, ammei Kahvangei shah nebangi ammi shelei nekhümpü kahvangthü kü khümei lemnyong kü daijema thaüvaü nyüke.

SHAHKÜP 7:25

Ammi jomei kahvangei lajeithü aw kü jaktükhen. Hathü shihpü hon hi nginthü kü amphongi mük tehüh, hatü amphongi laophü shing ha teyah; hei nevaijema hapai aethitai vaikahen, hatü Shembüpa, ammei Kahvang touei hapayü jiühitbenüng nyüke.

SHAHKÜP 6:14

Lebü kahvang kü tekhüm, am ngeih-ei shonei nyupü nanglakthülei kahvang kü tekhüm.

SHAHKÜP 5:7

Ngei mü lenei ammi lebü kahvang te-ang.

BHEI-IE 31:24

Nyih nyetpabü kü amphongi laophülei ashakviha dhotükhen; hapheikü mon am baümtap mongei leiaokhen” shei e.

LEVI 17:16

Shejao jomphongi ashakviha nedho hatü hangha nelakjema, jom pungpü jom shangkü nyuhen.

LEVI 15:5

Shennyak hanei büpalei shinshing kü hongjema ashakviha dhotükhen hatü hangha laktükhen vongbong, hatü büpa om dhüshi nedaüpü leihen.

MÜLANGPÜ 23:13

Ngei am kü epü lemphüli kenhingei bangtuh. Ammi lebü kahvang kü tephop; ammei ju kübü ha jung epü tedanhü.

KAHBHAO 35:22

Mechem Israel hapa kahdokei nyupa, Reuben peiyei chepalei yiükphü Bilhah mü shi, hatü Israeli ha dan. Shaang Jakobei yeshangthü jom anpünyi nyu.

KAHBHAO 34:2

Mechem Hiv am Hamorlei cheha Shekhem, hapa moidoi kü longpü shennyaki pinnyü eepa, büpai pinnyü yepei douten dük.

KAHBHAO 31:30

Shaang nüngü ampalei kahdokei leihen ongyangpü nangkü leidainyu khih, shejao nüngi mehekei ngelei shem kahvang lajei gühpa?” shei e.

1 SAMUEL 16:5

Samueli “Hih, ngei Shembüpa kü moila shuohhen peiküpeih. Amphong laophü nyingi daüeilangtüktuh hatü ngei mü moila shuohhen peikei” shei e. Hapheikü büpai Jesse hatü hapeüthü daühü hatü jomphong kü moila shuohhen nyük.

JOSHUA 24:14

“Hanangkü shaang Shembüpa kü dhüm shuohhen, hatü shüeinyiükei, hinglemei büpa chongphotuh; ambü ampai Euphrates yungdangei hatü Ijiplei chongphopü kahvangthü yaktüktuh hatü Shembüpa chongphotuh.