KAHBHAO 34:7 - DAÜLANGPÜ LAIHING (BSI)

⁷ hatü Jakobei chehathü kah leipü aongei nyu. Mechem jomphongi ha danpa, jomphong longi mongshang hatü mongshihteke, mehenangkü büpai nedükhen dou dükei Jakobei yiükha tentükpai Israel am kü ne-ienelem veüpong shuohteke.

KAHBHAO 34:7 Referans Kwoze

SHAHPHENBÜTHÜ 20:6

Hanangkü ngei pinnyülei mahng yah-ei leiyei phuo mü phuo mü dehtü Israel jatthü peü touei shompeih; mehenangkü jomi Israel am kü hapa keipü nebahnevaipü dou dükpeih.

JOSHUA 7:15

Üpa shennyakei hapa gühdou danghenshang, büpa hatü shem am, hatü büpai angpü lemphüli aw kü jaktükhen; mehenangkü büpai Shembüpalei vangpüshuwpü mangtükteke hatü Israel kü veü koei leiteke” shei eteke.

SHAHKÜP 22:21

pinnyü chepalei shem shadenei müei deihen hatü jom ching ami pinnyü yaongi shükei jühen. Mehenangkü pinnyüi chepa amei shemei nyushi mih mü mükbongjuyungei Israel kü veüpong dou dükteke. Hapakei am toueipü mang daütükhen.

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

KAHBHAO 20:9

Hapheikü Abimelekh-i Abraham nyükei shütü büpa kü, “Nüngi ham kü mehe düknya? Ngei hatü ngelei ongching kü hajük longpü mang koei peihühen mü ngei nüng kü mehe shaiphopa? Nüngi ngei kü nedükhen dou dükteke” shei e.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

JAKOB 3:10

Ju hük kübü-üng menvih hatü thaüvaü vamnyüke. Ngelei jeihinaü nyahinaüthü, hapakeiyü nevaihen vaipü khih.

EPHESIA 5:3

Shejao iyjeiphailei hatü nedaünelangpü lemphü, nevaijü hahnempü henüng keipü ammi te-etei; mehenangkü daülangpüthü touei ha jiüpü nevai.

1 KORINT 10:8

Jom hanei ami mükbongjuyung düktü nyihcha kü 23, 000 di; hapakei jeni nedükhen khih.

1 KORINT 6:18

Iyjeiphailei tuhtüktuh! Shennyak hüki thahpü mang kemei büm kü hongei neshiü, shejao mükbongjuyungü laophülei büm khüei düknyüpeih.

KANDOK 7:7

nethethü khongkü bahük sholi neshiüpü ngei eeteke.

MENVIH KESHO 93:5

Nüngei shahkungthü nedohneten, den kü nüngei shem daülangpai maei nyüke, Oh Shembüpa.

2 SAMUEL 13:21

Mechem David ongpai hathü douthü jung danpa, büpa longi mongshih, shejao büpai Amnon kü hanghi neshuoh; mehenangkü büpayü hashongpa vaipü nangkü büpai büpa kü bamteke.

SHAHKÜP 23:17

Israel am nyüha vaijao, baha vaijao phopshemei büm yupü am neleihen vongbong,

LEVI 4:27

Khong kübü nanglak hüki nenyingi mang thahjema, hatü Shembüpalei shahkung kü nemongpü lemhük dangkao dükjema, büpayü mang nyüke.

LEVI 4:13

Israel noknyü kemei nenyingi mang thahjema, hatü Shembüpalei shahkung kü nemongpü lemhük dangkao dükjema, hatü jomi hapa nang meheyao nyingei nenyujao jomphongü mang nyüke.

LEVI 4:2

“Mechem shennyak hanei-i nenyingi mang thahhen, hatü Shembüpalei shahkung kü nemongpü dou dükhen, hapakei düktuh shei Israel nanglakthü kü etuh” shei eteke.

KAHBHAO 46:7

büpalei hapeüthü, hüpeüthü nyüha baha Ijiplei müei yiü.

1 TIMOTI 5:13

Ha mü lenei jomphong nehetnewong, shem kü longteiyei, jom nehetnewongpü mon nevai, shejao mihla eyei, shing nenüngi ne-ehen shah eyei longteinyüke.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

KAHBHAO 34:6

Shekhemei chepa Hamor-ü Jakob mü ha nang eteihen heih-ei nyu,

KAHBHAO 34:8

Hamor-i jomphong kü, “Hapeü Shekhemi ammei yiükha kü longi bamnyüke. Chingmeilemlingei büpa mü shem yemhütuh.

SHAHKÜP 22:20

Shejao khüei epü jiüshi hatü pai mü ngühpü nela nevai shei yepaokjema,

JEREMIAH 29:23

Mehenangkü jomi Israel kü nyembenüng mang dükteke; chingyowpalei nyüha mü mükbongjuyung dükteke, hatü ngei neshomshomi ngelei men kü shahshem eteke. Ngei ha nyingnyeih hatü ngei ha kü denpü shuohnyeih shei Shembüpai enyüke.”