KAHBHAO 32:28 - DAÜLANGPÜ LAIHING (BSI)

²⁸ Hahepak kü hapa shennyaki, “Nüng kü hajük kü Jakob shei nenyükhen shejao Israel shei nyükhen; mehenangkü nüngi Kahvang hatü hangku mü bhowei neütükteke” shei eteke.

KAHBHAO 32:28 Referans Kwoze

SHAKEI VAMPÜ 2:17

Üpa kü banghen dhaong nyu, Laanghai attoithü kü mehe enya, ha bangtuh. Üami vehok neünya, ngei jom kü joshi nyupü manna shuohhen, hatü ngei yaong shola hük hapa kü yahbüi nyingpü mü lenei üpaiyao nenyinghen mü men ja hük nyangtü shuohhen.

KAHBHAO 35:10

Kahvangi büpa kü, “Nüngei menü Jakob nyuteke, shejao hajük kü Jakob shei nenyükhen, shejao Israel shei nyükhen” shei e. Hanangkü büpa kü Israel shei nyük.

KAHBHAO 17:5

Nüng kü hajük kü Abram shei nenyükhen; nüngei menü, Abraham vaihen; mehenangkü ngei nüngü jat longilei pa leihütepih.

KAHBHAO 17:15

Kahvangi shao Abraham kü, “Anyüha Sarai kü sheyü Sarai shei nenyükhen; shaang mü leitü Sarah shei nyüktuh.

ISAIAH 65:15

Ammei menü ngei jepüthüi thaüvaüteihen shingvaishi tuhphonghen, hatü Shembüpa Kahvangi am dihühen; shejao büpa chongphopüthü kü büpai lebü men shuohhen.

KANDOK 16:7

Mechem shennyak hükei lemthüi Shembüpa mongmeihühen, büpai laophülei vepa-ao chingmei kü tuhnyeih.

KAHBHAO 33:4

Shejao Esau büpa mü pongnüng heih-ei büpa kü üng kü khaaitü om kü jüp, hatü jiji thep.

JOHAN 1:42

Büpai Jisu touei büpa müei dei. Jisui büpa kü veitü, “Nüngü Johanei cheha Simon. Nüng kü Cephas, (lappai, Peter) shei nyükhen” shei eteke.

KAHBHAO 25:31

Jakobi, “Shuohshah, shejao nüngi shongei ngei kü behepa hean yushih” shei e.

2 ONGPATHÜ 17:34

Shinnyih thahshi jomi jomei vanglem düknyüpeih. Jomi Shembüpa kü nekhümnyih, nevaijü Jakob, üpa kü Israel shei nyük, büpalei hapeüthü kü Shembüpai shuohpü shahkungnyüthü, hatü vanglemthü kü nemünyih.

2 SAMUEL 12:25

hatü Shembüpai büpa kü bampü nangkü büpai Nathan thibü mü shah shomei büpa kü Jedidiah shei men.

1 SAMUEL 26:25

Hahepak kü Sauli David kü, “Nüng moihimantuh, ngelei hapeü David! Nüngi dou longi dükhen hatü hathü lemphü kü nüngi aokpü danghen” shei e. Hanangkü Davidi büpalei lemei leidai hatü Saul-ao shemei leidai.

KAHBHAO 32:24

Jakob büpa monha nyu, hatü shennyak hüki vangngaipü thahshi büpa mü bhowteke.

KAHBHAO 31:24

Shejao Aram am Laban touei yanüng mangh mü Kahvang yiüei büpa kü, “Jakob kü ten vaituh mei vaituh shah phahükao neehen lituh” shei e.

BHEI-IE 13:16

Hathüyü Mosai kahmük kü gühshuk shompü shennyakthülei men nyüke. Mosai Nunei cheha Hoshea kü Joshua shei men jeiteke.

1 ONGPATHÜ 18:31

Shembüpai Jakob kü, “Nüngei menü Israel shei nyükhen” shei epü keiha Jakobei hapeüthü shemdep ieyei shing hükbaong heshap Elijah-i yaong anpünyi yah-ei,

KAHBHAO 33:20

Halei büpai moidü hük ling, hatü ha kü El-Elohe Israel shei menteke.

KAHBHAO 32:27

Hanangkü büpai büpa kü, “Nüngei men mekeiang?” shei phe. Büpai, “Ngelei menü Jakob” shei e.

1 SHÜPPÜKENGPÜ 1:34

Abrahamei cheha Isak nyu. Isakei cheha Esau hatü Jakob.

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.