KAHBHAO 32:10 - DAÜLANGPÜ LAIHING (BSI)

¹⁰ nüngei chongphobü kü nüngi bampü hatü shahhing epü khongkü maanpü hükao ngei yahhen neshangangpih. Ngei lenshuoh mon notü Jordan yungdang homei daipeih, shejao shaang ngei khong nyi leiteke.

KAHBHAO 32:10 Referans Kwoze

MENVIH KESHO 18:35

Nüngi ngei kü yemleipü inyüshung shuoh, hatü nüngei lakdah-i ngei kü sheühpeih; nüngi sheüh-ei ngei longpü leihüpeih.

KAHBHAO 24:27

hatü, “Shembüpa, ngelei shembü Abrahamei Kahvang men longtuh. Büpai ngelei shembü kü bampü lakshing hatü lahtükpü jiüshi dükteke. Shembüpai shinnyih ngelei yendaiyü ngelei shembü amei jeihinaü shemei ngoihüteke” shei e.

2 SAMUEL 7:18

Hahepak kü David ongpai mongei shüei Shembüpa touei uotü, “Ngei üpaang, Oh Shembüpa Kahvang, hatü nüngi ngei kü hajük thahshi müei peihen mü ngelei shemong meheang?

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

2 KORINT 12:11

Ngeiyü ngapa hük kei nyupeih; hayü ammi ngei hapakei leihüpeih. Ngei nang meipü ehenü amphong vaipeih. Ngei meheyao nevaijao ngeiyü longpü phongshanthü mü melemeiyao maanpü nevai.

LUK SHAHSHA APPÜ 17:10

Hanangkü amphongiyao mechem am kü dükhen kangpü peü dükkemhen, hamphongü yahlak neshiüpü chongphobüthü; hami dükhen jiüpü dou mon düktih shei etuh.

LUK SHAHSHA APPÜ 5:8

Mechem Simon Peteri ha eepa, büpai Jisulei la tüngei aümei shatü, “Ngei toueipü lüdaishih, Shembüpa, ngeiyü mang shennyak!” shei e.

MIKA 7:20

Nüngi aivang den mü hamei bühipathü kü lahpü keiha, nüngi Jakob kü shahhing dükhen, hatü Abraham kü phahji yahyang huhen.”

ISAIAH 63:7

Shembüpalei phahji yahyang douthü jung ngei ehen; Büpai ham kü dükpü lemphüli shingvaishi ngei büpa kü menvih shuohhen. Büpai Israel nanglakthü kü longi moihimanteke, hatü phahji longi huteke.

ISAIAH 6:5

Ngei, “Onyükei!” shei lenteke. “Ngeiyü yahlak neshiü! Mehenangkü ngeiyü jubenyeijaang nedaüpü shennyak, hatü ngeiyü jubenyeijaang nedaüpü shennyakthü mü nyunyüpeih; shejao ngelei müki Ongpa, Jeiyong Shembüpa eeteke.”

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

MENVIH KESHO 85:10

Bampü hatü hinglempü nyi pongteihen, daülangshemshepü hatü chingmei nyi ju kü jüpteihen.

MENVIH KESHO 84:7

Jomü wong kübü wong dangei dainyüke, Jomi Zionlei kahvangthü khongkü Kahvang eehen.

MENVIH KESHO 61:7

Büpa düngei Kahvang touei ong uoshing kü uohütuh; nüngi bampü hatü monglemaokpai büpa yangei tuhtuh.

MENVIH KESHO 16:2

Ngei Shembüpa kü, “Nüngü ngelei Shembüpa; nüng mü lenei ngei kü mei neshiü” shei epeih.

MENVIH KESHO 8:5

Nüngi büpa vangsho phongshanthü mü ajüki phangpa kü ling, hatü nüngi büpa kü müknyinshekhang hatü vangdhümi athen thenhü.

JOB SHAHSHA APPÜ 17:9

Shejao daülangpü jomei lem kü jiüshangi nyuhen, hatü lak daülangi nyupüthü wong koh-ei leihen.

JOB SHAHSHA APPÜ 8:7

Shelei nüngi angpü maani mon vaijao, pheilei nüngi nyeinya anghen.

SHAHKÜP 8:18

Shejao hayü Shembüpa, ammei Kahvangi shemmei leihüpeih shei deihtuh, hatü büpai shinnyih thahshi ammei bühipa kü lahtükpü lakshing düknyüpeih.

KAHBHAO 32:7

Hahepak kü Jakob longi nyemei mongshang, hatü büpai büpa mü nyupü shennyak, mi, mohoh, utthü kemei khong nyi vaishi hanteke,

KAHBHAO 32:5

ngei mohoh, gadu, mi, nyüha hatü baha aathü longi nyüpeih, hatü ngei ngelei shembü touei nüngi shinshangei nyemdeihpha shei hapa ehen shompeih’ ” shei ehen eteke.

KAHBHAO 30:43

Hapa keiha hapa shennyak longi shemmei lei, hatü yemhimakthü, nyüha baha aathü, ut hatü gadu longi angteke.

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

KAHBHAO 18:27

Shao Abrahami, “Ngeiyü bhihla keiha maanpü kong yangnyu vaijao Shembüpa touei monglongei ngei ha enyeih,

2 SAMUEL 17:24

Mechem Absalomi Israel am kemei mütü Jordan yung homei heihpa, hahepak kü Davidü Mahanaim ngoidaitü nyuteke.

KAHBHAO 24:12

Büpai, “Oh Shembüpa, ngelei shembü Abrahamei Kahvang, ngei shinnyih aokpü danghütuh, hatü ngelei shembü Abraham kü bampü hueishuoh.

KAHBHAO 28:13

Hatoumü Shembüpai büpa touei yaongtü, “Ngeiyü Shembüpa, ambü Abrahamei Kahvang, hatü Isak Kahvang; nüng lempü kahdokü ngei nüng hatü nüngei lihilathü kü shuohhen;

KAHBHAO 31:3

Hahepak kü Shembüpai Jakob kü, “Ambü ampalei kahdok hatü jeihinaüthü yemei leituh, hatü ngei nüng mü nyukahen” shei e.