KAHBHAO 31:3 - DAÜLANGPÜ LAIHING (BSI)

³ Hahepak kü Shembüpai Jakob kü, “Ambü ampalei kahdok hatü jeihinaüthü yemei leituh, hatü ngei nüng mü nyukahen” shei e.

KAHBHAO 31:3 Referans Kwoze

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

KAHBHAO 32:9

Hapheikü Jakobi, “Oh ngelei opa Abraham Kahvang, hatü Isak Kahvang, ngei kü, ‘Nüngei kahmük hatü jeihinaü touei leituh hatü ngei meipü dükphahen hih’ shei epü Oh Shembüpa,

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

KAHBHAO 31:13

Ngeiyü nüngei shemnyü thiteiphuei haongpü hatü ngei kü vangpüshuwpü hük lingpü shing Bethel leipü Kahvang. Shaang hapa kahdok tuhtü nüngei nyübüh kahdok yemei leituh” shei eteke.

KAHBHAO 21:22

Hahepak kü Abimelekh-i büpalei veshan mübü Phikol mü heih-ei Abraham kü, “Kahvangü nüng hatü nüngi dükpü lemphü mü nyüke.

MENVIH KESHO 46:1

Kahvangü jen loishing hatü wong, shanghah kü shaangpü shaang sheühbü.

KAHBHAO 35:1

Kahvangi Jakob kü, “Yaongtuh hatü Bethelei aongei halei nyutuh. Anjei Esau kü nüng nyemei daishingkü nüng touei vamküpü Kahvang kü halei moidü hük lingtuh” shei e.

KAHBHAO 31:18

hatü yemhimak kemei mütü büpai Paddan-Aramei nyushi yowpü mop kemei kotü Kanan kahdokei chepa Isak yemei leihen layaong.

KAHBHAO 30:25

Racheli Joseph bühpheikü Jakobi Laban kü, “Ngei ngelei nyübüh kahdok yemei leihen ngei shomtuh.

KAHBHAO 28:13

Hatoumü Shembüpai büpa touei yaongtü, “Ngeiyü Shembüpa, ambü Abrahamei Kahvang, hatü Isak Kahvang; nüng lempü kahdokü ngei nüng hatü nüngei lihilathü kü shuohhen;

KAHBHAO 28:4

Büpai nüng hatü nüngei hühiha kü Abrahamei moihiman shuohhen; nüngi shaang benha vaishi nyupü Abraham kü Kahvangi shuohpü ha kahdok nüngei vailanghen” shei e.

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 13:15

Nüngi eepü kahdok kemei ngei nüng hatü nüngei lihilathü kü den shing shuohhen.

MENVIH KESHO 90:15

Ham ponghahpü nyihthü shük, hatü ham shanghahpü bongthü shük nüngi ham kü mongong yahshih.

KAHBHAO 50:24

Hapheikü Joseph-i büpalei cheihinaüthü kü, “Ngei sheyü didaihen khih, shejao hingmei Kahvangi am kü junghen, hatü Abraham, Isak hatü Jakob kü lahpü kahdokei am müei leihen” shei e.

KAHBHAO 31:2

Shao Jakobi sheleipükei Labani büpa kü nenonyu shei veiaok.

KAHBHAO 31:4

Hanangkü Jakobi büpalei mi nyupü kahlei Leah hi Rachel nyi kü shakei shei shah shomei nyük,

KAHBHAO 35:3

hapheikü peikei, hatü ngei shanghahpü nyih ngei kü jangpü hatü ngei dailem peü kü ngei mü nyupü Kahvang kü moidü hük linghen jen Bethelei aongshah” shei e.

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

KAHBHAO 32:5

ngei mohoh, gadu, mi, nyüha hatü baha aathü longi nyüpeih, hatü ngei ngelei shembü touei nüngi shinshangei nyemdeihpha shei hapa ehen shompeih’ ” shei ehen eteke.

KAHBHAO 32:10

nüngei chongphobü kü nüngi bampü hatü shahhing epü khongkü maanpü hükao ngei yahhen neshangangpih. Ngei lenshuoh mon notü Jordan yungdang homei daipeih, shejao shaang ngei khong nyi leiteke.