KAHBHAO 31:1 - DAÜLANGPÜ LAIHING (BSI)

¹ Shaang, “Jakobi opalei mop kemei yahlangteke, hatü shaang nyupü kemei opalei mop hih” shei Labanei chehathüi eteipü Jakobi dan.

KAHBHAO 31:1 Referans Kwoze

CHONGVENBÜ 4:4

Hangkui dükpülingpü hatü dangaokpü kemei laophülei chingyow leipü kü mükhühpü nangkü khih shei ngei nyingteke. Hapayao angsha; vanglük phei changteipü mon khih.

1 PETER 1:24

Laihingi hei enyüke: “Shennyak peü phenha vunglak leangke, hatü jomei müknyinshekhangü chübongale leangke; phenha vunglak kaudainyeih, hatü chüthü vüdainyeih,

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

1 TIMOTI 6:4

hayü changmeipü, danaokpü neshiüpü shejao venpü shah nangkü shah shükteihüpü hatü dokteihüpü nyüke. Henüng kübü mükhühpü, dehilao, yaüeilungpü, ten kohshi mongnelemteipü,

MATHI 4:8

Shao Kahshih-i büpa kahshang shaopü hükei müei antü kahdoknyü kübü müknyinshekhangpü ongchingthü peü huteke,

EZEKIEL 16:44

Veituh, ammei nang eshingkü mih peüi, “Nyü kei-üng yiükhaao shüke” shei hapa kandok shah ehen.

JEREMIAH 9:23

Shembüpai hapakei enyüke: Kon kohpüthüi laophülei kon kü techangmeihü, wong kohpüthüi laophülei wong kü mongtelemhü, shemmeithüi laophülei mop kü techangmeihü;

ISAIAH 5:14

Hanangkü mahngchongü hahju meipükei nyüke, hatü hapalei ju longi kanyüke; Halei Jerusalem leipü hamhimanthü, hatü nanglak khongnyü ngeümoh ngeüshepüthü peü shükemhen.

KANDOK 27:4

Mongshihpeyü ahshi mangshi; lohpeyü longi nemei, shejao mükhüh mongyungpü touei üpa yaongaokhen?

KANDOK 14:30

Mong nyiushem meipai büm kü yangnyu shuohnyüpeih, shejao mükhakmongyungpai vangni shetüknyeih.

MENVIH KESHO 57:4

Ngeiyü mailang keipü vepathü chi kü lemshi nyüpeih; jomi shennyak jüei shaakei hahnyüke; jomei bhayü phung hatü lahhan kei, jomei yei nahpü yan kei nyüke.

MENVIH KESHO 17:14

Oh Shembüpa, nüngei laki henüng keipü shennyakthü kübü, hapa yangnyu kü mon laklei danghen kahdoknyü shennyakthü kübü nüngi ngei yangtuh. Nüngi jom shing jaoei tuhpü hanghi-i jom hanghihütuh; Jomei hapeüthü shing changei nyeishi; hüpeüthü shingao aoei tuh-eishuoh.

JOB SHAHSHA APPÜ 31:31

Ngelei shem am shennyak hanei-i, “Jobei phai hahtü hüneshempü üpa nyüpa?” shei eyei nyujema;

ESTHER 5:11

hatü Hamani büpalei mophimo, hapeüthü meshük ang, hatü mekei büpa kü dhüm shuoh-ei ongpai büpa laphen dokpa kü anshihpa, hatü mekei lebü lakchongbüthü mao dokpüba laphen kü anshihpa, ha jung changmeiyei eteke.

KAHBHAO 45:13

Opa kü ngei mekei Ijiplei wong dangei hatü dhüm kohshi nyunya, hatü amphongi eepü peü opa kü eyeishuoh, hatü lomi opa müei hatouei yiükei” shei e.

KAHBHAO 30:43

Hapa keiha hapa shennyak longi shemmei lei, hatü yemhimakthü, nyüha baha aathü, ut hatü gadu longi angteke.

KAHBHAO 31:2

Shao Jakobi sheleipükei Labani büpa kü nenonyu shei veiaok.

KAHBHAO 31:43

Hapheikü Labani Jakob kü, “Yiükha nyiyao ngelei yiükha, naüthüao ngelei naüthü, yemhimakthü hatü eepü kemei ngelei, shejao ngelei yiükha nyi hatü jijinyi-i bühpü hapeüthü nang ngei shinnyih mehe dükaoknüng?