KAHBHAO 30:27 - DAÜLANGPÜ LAIHING (BSI)

²⁷ Shejao Labani büpa kü, “Nüngi ngei kü bamei deihjema, haleiüng chongkütuh. Nüng nyupü nangkü Kahvangi ngei kü moihimanpü khih shei phongyompai nyingteke” shei e.

KAHBHAO 30:27 Referans Kwoze

PHONGSHANTHÜ DOU 7:10

hatü shanghah peü kübü büpa yang, hatü Ijip ongpa Pharaoh touei yaongshingkü büpa kü bamhahhen mü hatü kihikon huaokhen mü leihüpeih; hanangkü ongpai Ijip kü, hatü jomei shemong kempü kü vanglem lembü vaihen büpa jepeih.

ISAIAH 61:9

Jatthüi jomei hühihathü, hatü shennyakthüi jomei lihilathü nyinghen. Jom eepü peüi jomü Shembüpai moihimanpü shennyakthü shei nyinghen.

RUTH 2:13

“Nüngi ngei kü longi bampü huteke, ngelei shembü” shei pinnyüi e. “Nüngi ngei nyiushem meihü hatü ngei nüng chongphopü nelathü mü hükkeipü nevaijao nüngi ngei mü inyainyiami bampai eteke.”

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

MÜLANGPÜ 3:21

“Am mechem layaongei daihen, am lakkong nedaihen shingvaishi Ijip ami am kü yahyang shinshang thentoimongdang vamhühen.

KAHBHAO 12:3

Nüng kü moihimanpüthü kü ngei moihimanhen; üami nüng kü thaüvaü ngeiyao jom kü thaüvaühen, hatü kahdoknyü hangkuli peü nüng homei moihiman danghen.”

KAHBHAO 47:25

Nanglakthüi, “Nüngi hamei yangnyu yangteke. Nüngi ham kü longi phahjipeih; hanangkü hamphongü ongpalei aa vaihen” shei e.

KAHBHAO 33:15

Hanangkü Esau-i, “Shejema ngelei shennyak hanei nüng mü tuhphapeih” shei e. Shejao büpai, “Mehekei nüngi ngei kü hajük shinshangei deihnya?” shei e.

KAHBHAO 30:30

Ngei peishekü nüng maani angpü sheyü longi dateke, hatü ngei melei nyu, Shembüpai nüng kü moihimanteke. Shejao shaang ngei ngelei shemong shing mechem dükhahhen?” shei e.

KAHBHAO 18:3

Büpai, “Oh Shembüpa, amphongi bamei deihjema, shemei nehaki tepeihdai.

DANIEL 1:9

Shaang Kahvangi Daniel kü bamhen hatü shinshanghen hapa lakchongbü shopübalei mongkü peihü.

1 ONGPATHÜ 11:19

Pharaoh-i Hadad kü longi monghahpü nangkü büpai chenyühalei chenaü Tahpenes onglanyü Hadad mü shem yemhüteke.

BHEI-IE 11:15

Nüngi hapakei ngei kü linghen vaijema, shaang-üng ngei jütüktuh shejao nüngi ngei kü phahjiei deihjema, ngei hapakei teponghü” shei eteke.

KAHBHAO 34:11

Shekhemiyao Dinahlei chepa hatü jeihinaüthü kü, “Ammi ngei kü phahjiei deihshih, hatü ammi mehe yühen ngei ha yahphahen hih.

ISAIAH 65:8

Shembüpai hapakei enyüke: “Nyalingngupai choung kübü yiü vamnyeih shei nyingei shennyakthüi, ‘Ha temangtük, halei moihiman nyüpeih’ shei epü keiha, Ngei ngelei chongphobüthülei men kü ngei jom nemahtükpih.

ISAIAH 6:13

Phaihan an kü hük hapa kahdokei nyujao, hapayü shao lavüngtoiyei leihen, shejao büpayü longkhampü agtükjao pütüng kahdokei aopükei nyuhen. Kahdokei pütüng aopeyü daülangpü li vaihen” shei eteke.

MENVIH KESHO 1:3

Jomphongü yungkungei sheipü püthü, hapalei dühü kü betjük jükpü, hatü phenlak nekaongpü püthü keiha jomi dükpü peü kü daeishenyüke.

NEHEMIAH 2:5

ngei ongpa kü, “Ongpai hapa kü mongei deihjema, hatü nüngei chongphobü kü bamei deihjema, obü opa mahng vüpü Judah leipü chingnyülei ngei leishihtuh, hatü ngei hapa lingei leihen hih” shei jangei e.

NEHEMIAH 1:11

Oh Shembüpa, nüngei chongphobüi phoppü kü, hatü nüngei men kü dhüm shuohpü kü mongongpü chongphobüi phoppü kü nüngei dhaong shaangshih. Shinnyih nüngei chongphobü aokpü danghütuh, hatü ongpai ngei kü bamhütuh!” Hahepak kü ngeiyü ongpalei yungshong nobü nyupeih.

1 SAMUEL 16:22

Hapheikü Sauli Jesse kü shah shomei, “Davidü ngei mü chongphoei nyemnyu, ngei büpa kü longi monghahnyeih” shei e.

BHEI-IE 11:11

Büpai Shembüpa kü, “Nüng chongphobü kü hapakei nemei-i mehekei lingnya? Nanglakthü peüi ngei kü mon hanggovih kohühen mü nüng mongmanghen mü ngei mehe lingphopa?

KAHBHAO 44:5

Hapa kü ngelei shembüi yingteinyeih, hatü phongyomhen nangkü büpai hapa noteinyeih. Amphongi douten dükteke!’ shei etuh” shei etü shom.

2 SAMUEL 6:11

Shembüpalei Vangpüshuwpü Pela lenyang jem thahshi Gathlei Obed-Edom am shemei tuh, hatü Shembüpai Obed-Edom hatü jom shem am peü kü moihimanteke.