KAHBHAO 3:8 - DAÜLANGPÜ LAIHING (BSI)

⁸ Hahepak kü hapa baha hatü chenyüha nyi-i om kü vanglük lükha dhüngpü hepak kü pemongei Shembüpa Kahvang kamteipü danei jijinyi-i pemong leipü püyingei Shembüpa Kahvang kü joteke.

KAHBHAO 3:8 Referans Kwoze

JEREMIAH 23:24

Ngei ne-eeaokhen mü hanei joaokhen je? shei Shembüpai enyüke. Ngei vangsho hatü kahdoknyü maei nenyupü je? shei Shembüpai enyüke.

KANDOK 15:3

Shembüpalei müki lemphüli eenyüpeih; ten hi mei lemphü kü veishi nyunyüpeih.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

ROM SHAHSHA APPÜ 2:15

Jomei dükhiling homei shahkungnyüi mehe yiü, ha jomei mongdangei nyangei nyüke shei hunyüke, hatü sholi mongdangi hapayü jiüpeih shei denpü shuohnyüke, hatü jomei mongdeih-i hathü kü thaüvaünyüke nevaijü shao khüambakei tuhnyüke.

KAHBHAO 3:10

Büpai, “Pemongei nüng kamteipü danei ngei bümkong nyupü nangkü nyemei jodaipeih” shei e.

JONAH 1:3

Shejao Jonah-i Shembüpa toueipü lükei Tarshish lemei dai. Büpa Joppalei yiüjashingkü Tarshish lemei daihen jahas hük heüteke. Büpai fara shuohtü jahas mongei shü hatü Shembüpa toueipü lükei Tarshish lemei dai.

JOB SHAHSHA APPÜ 31:33

Shennyakthüi kei ngei ngelei mang joshi netuh; ngei pungtükpü ngelei mongei küpshi netuh,

JOB SHAHSHA APPÜ 38:1

Hapheikü Shembüpai yinglükpalei kübü vamei Job kü eteke:

SHAHKÜP 23:14

Ammei baümtap daülangi tuhtuh; mehenangkü Shembüpa, ammei Kahvangi am yomhen hatü yanghen hatü vepathü ammei lak kü shuohhen shingvaishi am mü nyüke. Shembüpai am toueipü dok lepdaihen mü nebahnevaipü dou meheyao ammi tedük.

SHAHKÜP 5:25

Shejao mehekei shaang jen dihenang? Hapa aw longpai jen hahtükhen khih, jeni shao Shembüpa, jenei Kahvangei ngeü danjema jen didaihen khih.

SHAHKÜP 4:33

Amphong kü kei, lebü üam nanglak kao kahvangi aw kü vamei shah eshuohpü danla?

JOB SHAHSHA APPÜ 22:14

Büpai ne-eehen mü phumthih-i jümlangnyeih, hatü büpai vangsho shingkong kü kamteinyeih.

SHAKEI VAMPÜ 6:15

Hahepak kü kahdoknyü kübü ongthü, vanglem lempüthü, veshan longpüthü, shemmei, wong kohpüthü, aa hatü aa nevaipü bümeithü peü yaongsha hatü kahshangthü leipü yaongnyüthülei joteke,

KAHBHAO 18:33

Mechem Shembüpai Abraham mü shah eteiyei kempa, büpa lüdai hatü Abrahamao shemei leidai.

LEVI 26:12

Ngei am mü kamteihen, hatü ammei Kahvang vaihen hatü amphongü ngelei nanglak vaihen.

HOSEA 10:8

Aven leipü khümshemthü bentükhen hayü Israel amei mang nyüke. Hühhihang longei jomei moidü lümlanghen. Ha nyih jomi kahshangthü kü, “Ham linlangtuh!” shei ehen, hatü shangtaothü kü, “Ham kü vüei shükshih!” shei ehen.