KAHBHAO 3:6 - DAÜLANGPÜ LAIHING (BSI)

⁶ Mechem hapa nyühai hapa pü kübü betjükü hahhen meihen khih, veihenao meiangke hatü kihikon danghenao lümshi khih shei veiaokpa, pinnyüi maani yah-ei ha hah. Shao pinnyüi pinnyü mü nyupü chepaha kao hanei shuoh, hatü büpai ha hah.

KAHBHAO 3:6 Referans Kwoze

1 JOHAN 2:16

mehenangkü kahdoknyülei nyupü lemphü– phai-i yahhüpü, mük kü meipü, mophimo kü changmeipü hathüyü Pa leipü nevai, shejao kahdoknyü leipü peinyeih.

1 TIMOTI 2:14

hatü Adam shong neluhah, shejao nyüha shong luhah hatü mang shennyak leipeih.

2 SAMUEL 11:2

Nyih hük om hepak kü David shipü paoei shem adokei aongei kamteiyei nyu. Shem adok shangeipü büpai nyüha hük hangha lakei ee. Hapa nyühayü longi nela meipü nangkü,

JOSHUA 7:21

Jeni yahpü douthü khongkü ngei Babylon amei bhagthuh meipü hük, ngin dok nyi hükshing, hatü hon dokbhao shei ahshi-üng mükhühshi eepü nangkü ngei hathü yahpeih. Hathüyü hamei ashakshemei kahdok shotü ngin peü mü phangei shihtü dungshi shepeih” shei Akhani e.

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

KAHBHAO 6:2

Kahvang hathüi hangkuli yiükha nela meipü ee, hatü jomi jepüthü mü shem yem.

EZEKIEL 24:25

Hatü nüng, shennyak ha, mechem ngei jomi wong dangpü, jomei mongong hatü jomei müknyinshekhang, jomei mük kü meipü, hatü jomei mongi lümpü phopshem hatü jomei hapeüthü yah-ei lüdaihenshang,

EZEKIEL 24:16

“Shennyak ha, ngei chem mon lak shihpü kü nüngei mük kü meipü shennyak yahlanghen mü nyüpeih. Nüngi ha kü teyoung, tethep hatü mükphi teyen.

MATHI 5:28

Shejao ngei am kü enyeih, üpai nyüha hük kü vaüei veihenshang, büpai pinnyü mü mongdangei mükbongjuyung dükteke.

EZEKIEL 24:21

‘Shembüpa Kahvangi Israel am phang changmeihen wong dangpü, ammei mük kü meipü, ammei mongi lümpü phopshem ngei sheihtükhen hatü ammi tuhphongpü hapeüthü yani mahhen.

KAHBHAO 39:7

Shaang Joseph-ü shaohi-ang meishi nethe meishi nyu, hatü kanja nyupheikü büpalei shembülei chenyühai Joseph lümei deih, hatü pinnyüi, “Ngei mü shikütuh” shei e.

KAHBHAO 3:17

Büpai bahapa kü: “Nüngi anyühalei shah bangei, ‘Nüngi haleipü tehah’ shei ejü nüngi hapa pü leipü hahpü nangkü, nüng tata kü kahdok kü thaüvaütüktih, nüngei den kemei tokvai hanghiyei dükei hahhen.

KAHBHAO 3:12

Hapa shennyaki, “Nüngi ngei mü tuhphopü nyühapinnyüi hapa pü leipü betjük hanei yahphopeih, hatü ngei ha hahpeih” shei e.

JOB SHAHSHA APPÜ 31:1

Nela hük kü ten deihshi vaüei neveihen ngei ngelei mük mü vangteitüktih.

SHAHPHENBÜTHÜ 14:17

Pinnyüi nyih nyet mo yangkemei thepteke. Hanangkü nyih nyetpabü shompülei pinnyüi ahshi nyeanshuohpü nangkü büpai pinnyü kü ha eteke.

1 ONGPATHÜ 13:19

Hanangkü hapa Kahvang shennyak jom shemei leiyei hahying.