KAHBHAO 3:20 - DAÜLANGPÜ LAIHING (BSI)

²⁰ Hapa bahapai chenyüha kü Ev shei men; mehenangkü pinnyü-ü yemmü nyupü peüei nyü nyuteke.

KAHBHAO 3:20 Referans Kwoze

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

KAHBHAO 2:23

Hahepak kü hapa shennyaki eteke: “Shaang shomshiang hapa vangü ngelei vang; hapa phaiyü ngelei phai; pinnyü kü ‘Nyüha’ shei nyükhen; mehenangkü pinnyü-ü baha leipü yahpeih.”

KAHBHAO 5:29

Büpai naü kü Noah shei men, lappü, “Shembüpai thaüvaütükpü kahdok kü hami tokvai hanghiyei nyiueinangei dükpü dou kübü büpai ham nyiumeihühen” shei eteke.

KAHBHAO 2:20

Hapa shennyaki yemhimakthü hatü shangouthü peü kü men menteke, shejao shennyak shingvaishi büpa mü jiüteipü sheühbü hükao nedang.

PHONGSHANTHÜ DOU 17:26

Bü hük kübü büpai jatthü peü kahdoknyü kempülei nyuhen lingpeih, hatü büpai jom nyuhen hepak hatü jom nyuhen shing kü viong lingei hanpeih.

MATHI 1:21

Pinnyüi yeshang hük angkahen, hatü nüngi büpa kü, ‘Jisu’ shei menhen; mehenangkü büpai laophülei nanglakthü jomei mang kübü yanglanghen” shei e.

1 SAMUEL 1:20

Hahepak kü Hannah büm nekongi lei, hatü yeshang hük büh. Pinnyüi naü kü, Samuel, lappai, “Ngei büpayü SHEMBÜPAleipü yühahpeih” shei men.

MÜLANGPÜ 2:10

Mechem ha naü longpa, pinnyüi büpa Pharaohlei yiükha touei müei peiyei shuoh, hatü pinnyüi büpayü laophülei hapeü kei angteke. Pinnyüi büpa kü Mosa shei men; mehenangkü, “Ngei büpa yung leipü yahpeih” shei eteke.

KAHBHAO 35:18

Pinnyü sheyü mongdang shemdaihen nyushi pinnyüi naü kü Ben-Oni shei men, shejao chepai Benjamin shei men.

KAHBHAO 16:11

Shembüpalei phongshani shao pinnyü kü eteke: “Nüng sheyü hapeü nyüke, hatü yeshang hük bühhen. Nüngi büpa kü Ishmael shei menhen; Mehenangkü Shembüpai nüngei mongshang nyingteke.

2 KORINT 11:3

Shejao biüei glüp homei Ev luhahpükei Khrista kü ammi mong kemei hatü daülangpai lanei shuohpü kübü lemnyongei mülanghen khih shei ngei yingei deihnyüke.

1 TIMOTI 2:13

Mehenangkü shongei Adam ling, hapheikü Ev lingpeih;

KAHBHAO 3:21

Shembüpa Kahvangi Adam hi chenyüha nyi kü yemhalei shuw yah-ei ashak lingei ümshuohteke.