KAHBHAO 3:19 - DAÜLANGPÜ LAIHING (BSI)

¹⁹ Nüng nyipabü kahshalei mangshü thahshi shangjing kübü lem-ow yenei dükei mon hahhen danghen, mehenangkü nüngü kahdok yah-ei lingpeih, shao nyipabü kahdok leidaihen” shei e.

KAHBHAO 3:19 Referans Kwoze

CHONGVENBÜ 12:7

kahdoki lingpü büm kahdokei leidai shekü, hatü Kahvangi shuohpü laangha büpa touei manglüdai shekü nüng Lingbü deih-ei dangtuh.

JOB SHAHSHA APPÜ 34:15

hangkuli peü chem kü mahdaihen, hatü jom peü nyokei kahdok leidaihen.

MENVIH KESHO 104:29

Mechem nüngei dhe jodaihen jom nyemnyeih; mechem nüngi jomei ngü yahlanghen, jom diyei kahdok leidainyeih.

KAHBHAO 2:7

Hapheikü Shembüpa Kahvangi kahdok leipü ashem hanei yah-ei shennyak hük ling, hatü büpalei shongsha kü yangnyu ngü dushuoh, hatü hapa shennyakü yem leiteke.

MENVIH KESHO 90:3

Nüngi ham kahdok leihütü, “Hangku, kahdok leidaituh” shei enyüke.

EPHESIA 4:28

Gühpathüi gühpü yaktüktuh; halei meyü taopathü kü lemhük dangkao shuoh-aokhen mü laophülei laki shahhing kü dou düktuh.

CHONGVENBÜ 3:20

Peü kemei shing hükei dainyeih; peü kahdoki ling, hatü peü kemei kahdok leidaihen.

KAHBHAO 18:27

Shao Abrahami, “Ngeiyü bhihla keiha maanpü kong yangnyu vaijao Shembüpa touei monglongei ngei ha enyeih,

DANIEL 12:2

Üam meshük diyei kahmongei nyu, yangei leihen; hanei nedohnetenpü yangnyu yem touei, hatü hanei veüpong hatü denden mongmangpü touei nyuhen.

CHONGVENBÜ 1:3

Vanghenyü phangkü laophüi nyiueinangei dükpü kü hangkui mehe nanglei dangnya?

MENVIH KESHO 22:15

Dükbhaok keiha ngelei wong kemdai, ngelei yei shaapdokei khadai; nüngi ngei mahng mü bhihla kü shükphong.

KAHBHAO 23:4

“Ngeiyü benha hatü yenpa hük am mü nyunyüpeih. Ngei mahng vühen shingvaishi mahngchong vaihen kahdok maani yushih” shei e.

2 THESALONIKA 3:10

Mechem ham am mü nyupa, hami am kü ha shahkung shuohpeih: “Shennyak hüki dou nedükjema, büpa hah-ao nehahhen vongbong.”

MENVIH KESHO 103:14

Jen mekei lingpa ha büpai nyingei nyüke; büpai jenü bhihla khih shei deihnyüke.

1 THESALONIKA 2:9

Jeihinaü hatü nyahinaüthü, hami am kü Kahvang shahjangmei baongshingkü am üpa kao hanggovih nekohühen shingvaishi ham nyakhingai thüngei nyiueinangei dou dükpü ammi deih-ei dangtuh.

CHONGVENBÜ 5:15

Shennyak hük hümlungnyülei vom mong leipü lakkong peinyüpeih, hatü büpa peipü keiha lakkong lüdainyeih. Laophüi dükpü kü vampü meheyao koei nedainyih.

CHONGVENBÜ 1:13

vangsho phangkü dükpü lemphü kihikon homei yemhen hatü dokei veihen ngei ngelei sholi mongdang kemei lanei shuohtepih. Hapayü hangkuli kü Kahvangi hanggovih shuohpü mon khih.

KANDOK 21:16

Üpai danaokpü lem tuhtü lemnyong kü dainya, büpayü dipü khongkü omdainyeih.

MENVIH KESHO 22:29

Changmeipüthü peüi büpa kü khümhen, hatü yemmü nenyui kahmongei shüei nyupüthüi büpa kü aümei khümhen.

JOB SHAHSHA APPÜ 21:26

Shejao jom peü aihük mü kahmongei vütüknyeih, hatü peü laongi hahtüknyeih.

JOB SHAHSHA APPÜ 19:26

hatü ngei hapa büm tuhtü, ngelei shuw mangdaiphei kao, ngei hapa phai kü-üng nyushi ngei ngelei Kahvang eehen;

JOB SHAHSHA APPÜ 1:21

hatü eteke: “Nyüei vom mongeipü ngei bümkong pei, hatü ngei bümkong haleipü daihen. Shembüpai shuohteke, hatü Shembüpai yahlangteke; Shembüpalei men longtuh.”

1 KORINT 15:47

Shongpü shennyakü kahdok leipü, kahdok shennyak hük; nyipabü shennyakü vangsho leipü.

HEBREW 9:27

Shennyak hük mekei chem mon dihen demtük, hatü hapheikü shahphenpü nyüpa,

KAHBHAO 3:18

Hapai nüng shing hühhinyai vamhühen, hatü nüngi kahdok kübü vampü phenhavunglak hahhen.

JOB SHAHSHA APPÜ 4:19

bhihla shangkü chongnyiam vaitü, thaüpi hahtükhen kahdok kü shem vetü nyupü kü büpai hinglemhen je?

MENVIH KESHO 104:23

Shennyakthüi jomei douei dainyeih, hatü om dhüshi jomi dou düknyeih.

MENVIH KESHO 127:2

Lomi pao, lomi shi, hahhen yinghen nangkü nyiueinangei dükpeyao angsha; mehenangkü büpai bampüthü kü büpai mükhet ngoiyei shihen hannyüpeih.

KAHBHAO 5:5

Peüshep Adami bong 930 nyutü büpa di.

JOB SHAHSHA APPÜ 10:9

Nüngi ngei ashemi lingpeih shei deih-ei dangtuh, shaang nüngi ngei bhihla leitükhen je?