KAHBHAO 3:15 - DAÜLANGPÜ LAIHING (BSI)

¹⁵ Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

KAHBHAO 3:15 Referans Kwoze

ROM SHAHSHA APPÜ 16:20

Chingmei Kahvangi meshük ne-angi ammei la phangkü kahshih ngümtükhen. Jenei Shembüpa Jisu Khrista phahji am mü nyute.

1 JOHAN 3:8

Mang thahpü peü kahshihlei hapeüthü; mehenangkü chongpanghinüng kahshih-i mang thahhampeih. Kahshihlei dou mangtükhen mükhong kü Kahvang Ha shakei vampeih.

SHAKEI VAMPÜ 12:17

Hahepak kü hapa Dragoni nyüha kü mongshih-ei Kahvangei shahkung bangpü hatü Jisulei denpü kü vaipü aopü lebü hapeüthü mü hoknüng dai.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

GALATIA 4:4

Shejao mechem jiüpü hepak lomei peipa, Kahvangi shahkungnyü phangkü nyüha hüki bühhüei laophülei Ha shom.

JOHAN 8:44

Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

MATHI 13:38

Kah lappeyü kahdoknyü, hatü meipü sheiliyü ongching kü hapeüthü, hatü nüklangthüngü kahshihlei hapeüthü,

1 JOHAN 3:10

Üpa Kahvangei ha, üpa kahshihlei ha hapakei jeni nyingdainyeih: Üpai jiüpü nedük nevaijü laophülei jeihinaü hatü nyahinaüthü kü nebam, büpayü Kahvangei ha nevai.

LUK SHAHSHA APPÜ 10:19

Veituh, ngei amphong kü biü hatü yiüjikaungkang, hatü vepathülei ngan peü shak kü la-i shouphen wong shuohtepih, hatü mepaiyao am kü ma neshahühen.

MENVIH KESHO 132:11

Shembüpai David kü lahpü hük shuoh, hatü hapa lahpü kübü büpa nyokei neleilanghen: “Nüngei büm kübü hapeüthü khong kübü hük ngei ong uoshing kü owhühen.

SHAKEI VAMPÜ 20:10

hatü jom luhahpü kahshih-ü yemha hatü shahshem thibü nyupü awkaong meli bahpü aw shemyungei yepei shüktükteke; jom halei nyakhingai thüngei den den kü hanghiyei nyuhen.

KOLOSI 2:15

Büpai vanglem lempü hatü yemya yapü laanghathü peü büpai shophang homei jom aoktüktü büpai hathü shakei vamei huteke.

PHONGSHANTHÜ DOU 13:10

“Nüngü kahshihlei ha, jiüpü lemphülei vepa. Nüng keyü lueilem hatü ühing peü maei nyüke. Kangshangpü Shembüpalei lem kaokeinyomei lingpü nedohhen je?

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

ISAIAH 53:12

Hanangkü ngei büpa kü longpüthü mü büpalei phaihan shuohhen, hatü büpai wong kohpüthü mü hean hanteihen; Mehenangkü büpai laophülei yangnyu dihen shuoh, hatü mangthü mü bhei-ie kü shih; Shejao büpai mangthü peüei mang kolang, hatü mangthü shingvaishi phop.

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.

JEREMIAH 31:22

Meshükpa nüng paüeiyonei longteihen, Oh hingnelempü yiükha? Shembüpai kahdoknyü kü dou ja hük dükkahen; Nyüha hüki-ang baha yanghen.

1 JOHAN 5:5

Kahdoknyü neüaokpeyü üpaang shei shejema Jisu-ü Kahvang Ha shei hinglempü shennyak hih.

HEBREW 2:18

Mehenangkü büpa ponghahpai büpa kao dok; üami dokpü pongnya, büpai hathü kü sheühhen aokshi nyüke.

EPHESIA 4:8

Hanangkü ha enyüke: “Mechem büpa shangei aongpa, büpai wüpküp leipü longi büpa mü müei lei, hatü hangku kü thintho shuoh.”

SHAKEI VAMPÜ 13:7

Hatü hapa kü daülangpüthü khüei hokhen hatü jom neütükhen ngan shuoh. Hapa kü jat, nanglak, shahlemthü hatü kahmükthü shak kü wong shuohteke.

HEBREW 5:7

Kahdoknyülei Jisu yangnyu nyushi dipü kübü büpa yangaokhen Kahvang kü wong mü lenei mükphi yenei phopei yüteke, hatü büpai dhüm shuoh-ei yüpü homei büpa kü jangteke.

LUK SHAHSHA APPÜ 22:53

Mechem ngei nyihjeih am mü phopshemei nyupa, ammi ngei kü lak neshih. Shejao hayü ammi dou dükhen hepak hatü shangmangei wong” shei eteke.

MATHI 23:33

Amphong biüthü, hatü biüei hapeüthü! Molo aw kü shukhen kübü am mekei yangaokhen?

MATHI 12:34

Amphong biüei hapeüthü! Am nemei-i tuhtü mekei meipü jung ammi enya? Mehenangkü mongei maei deihpü kübü julei vamei enyeih.

MATHI 3:7

Shejao mechem büpai Pharisee hatü Sadduke am longi yung kü hünghen peijapü eepa, büpai jomphong kü, “Amphong biüei hapeüthü! Ngoikahen mongshih kübü nyaidaihen mü amphong kü üpai lihen shahvüng yahphopa?

ROM SHAHSHA APPÜ 3:13

“Jomei shah-ü apshi nyupü mahngchong; jomei yeijaangi lueilemnyüke.” “Biüei leü jomei ju kü nyüke.”

LUK SHAHSHA APPÜ 1:76

Hatü nüng keyü, ngelei hapeü, Chaipübalei thibü shei nyükhen; mehenangkü nüngi Shembüpa shekü büpa shing lem temnüng daihen,

MARK 16:18

jomi jomei lakei biü nohen; hatü jomi dihen leü nemeipü yingjao hapai jom kü meheyao nevaihen; jomi tüngpüthü kü laki shünghen, hatü jom meidaihen” shei eteke.

MATHI 1:25

shejao hapa yeshang mangbüh thahshi büpai pinnyü mü nejem, hatü Joseph-i büpa kü Jisu shei menteke.

KAHBHAO 49:17

Dan amü lemhao leipü biü keiha, hatü lemba leipü biütam keiha, hapai koyeilei laphei kü kaokhen, hatü halei uopü shennyak ngaümphei lemei vühen.

DANIEL 9:26

Hapta pejempünyi peihpheikü, thiteiphutükpü ongpayü jütükhen hatü meheyao neshiühen, hatü peikahen nyupü ongpalei veshanthüi chingnyü hatü Phopshem mangtükhen. Dohpütenpeyü bünghiyang kei peikahen hatü dohpü ngoishi vehok nyukahen.

AMOS 9:3

Karmel shangchingei jom aongei jodaijao, haleipao ngei jom yemei yepei leihen, hatü jomi ngei toueipü yungching shaongdohlei shüei jodailangmao, haleipao ngei yungching biünyü kü ngeükhüam shuohhen, hatü hapai jom kü kaokhen.

LUK SHAHSHA APPÜ 24:27

Hapheikü Mosa kübü pangei thibüthüi nyangpü laithü kübü büpa jung epü peü nih-eikhoei eteke.